أضف سؤال أو موضوع جديد          

قصتي مع قطع تويوتا الاصلية

up 6 down 3



السلام عليكم 
ياشباب عندي كامري امريكية 2007 قعدت سنة عندي وقلت ابي اغير فحمات السيارة لانها جاية من امريكا وماقد غيرت
فحماتها (الاقمشة) وقلت ابي اروح اغيرها رحت لمركز وقلت ابي اغير الفحمات قالي جيب الفحمات من القطع وابفك
وابخرطه افضل عشان اهتزاز السيارة قلت طيب
المهم ماكان في مشاكل في الفرامل عندي لكن فضول قلت اغيرها ورحت اشتريت الفحمات وركبتها واشوف السيارة مثل
المطاط لما تبي توقفها رجعت له قالي لانها جديدة اصبر عليها وتتعدل 
مااخذكم بالطويلة سالته عن الفحمات القديمة قالي منتهية وراني هي ممسوحة
والان لي سنة وانا مغير الجديدة والله فرق كبير بينها وبين القديمة القديمة كانت ياباني اصلي اما الجديدة تايلندي
من ابوجميل رغم انها الاصلية والحين لازم اغيرها لان انمسحت بسرعة ندمت اني غيرت القديمة بسرعة
وكمان غيرت السير قريب طلع اندونيسي الاصلي والقديم مكتوب ياباني شد بلده 
اش رايكم بهالوكيل النصاب ....
طبعا تذكرت الموضوع لما كتبه اخونا ابراهيم التركي عن صناعة القطع في دينمو المروحة
فيه طريقة حلوة لكن مشكلتها فيها تاخير شوية وهي عن طريق الطلب من مواقع البيع الامريكية لقطع الكامري
يعني لقيت كمبروسر في مواقع البيع كامل ل 2007 - 2011 مايتجاوز 1100 مع الشحن اصلي ياباني
اما هنا الكمبروسر تجميع ويقولون لك قيمته 3500 بعد الخصم اش هالنصب علينا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


توك تعرف
ياخي اكبر وكيل بالمملكة للسيارات
بدل ما يطور نفسه يجيب لنا قطع اصلية
جايب لنا تجميع
ما الومه يبي يكسب زود ويشتري برخص




up 3 down 0
هشومي 611 -9
قبل 9 سنه



مساءالخير 
حط الرابط حق االموقع  بيع قطع الغيار 
عشان الشباب يعرفون الاسعار وويشترون اصلي


up 1 down 0



شركة عبداللطيف  حراميه   فعلا  


up 2 down 0
90009 29
قبل 9 سنه



شراء القطع من المواقع الأجنبية غير مجدي بسبب تكلفة الشحن وخاصة مثل الكمبرسيور والمساعدان والدينموات بسبب ثقل وزنها

انا جربت اشتري مساعدات جبراييل من امازون بسبب عدم وجودها هنا لموديل سيارتي كانت تكلفتها 850 ريال

بينما الاصلي موتور كرفت للفورد 760 ريال!!!

شراء الاشياء خفيفة الوزن ممكن مثل جوالات ساعات ملابس


up 3 down 0
أبوياسر74 277
قبل 9 سنه



اعتقد ان اقمشة الكامري الامريكية تكون من نوع سيراميك
وبخصوص الشراء من الخارج حبيت انبه الاخوان ان سعر الصرف ارتفع قبل فترة وصار بـ 3.975 ريال


up 3 down 0
فورد530 1323
قبل 9 سنه



الله يجزاك خير يا فورد على التنويه
فعلا الاقمشة الاوله سيراميك وتستخدم بأمريكا بكثره
اما تايوتا السعودية كل شي تغير فيها واللي بيستخدم ويشري منهم اعمى بصيرة


up 0 down 1



كمبريسر ابو جميل ب 3500..؟؟؟؟؟؟؟؟؟
تووووني الحين جيت من عنده لقيت الكمبريسر ب 5000ريال 
جاتني جلطه و مشيت :|

ماعادرفي اصلي ياباني ابد .. كل شغل ابو جميل قص و لصق

حسبي الله ونعم الوكيل


up 2 down 0
w176.amg 2014
قبل 9 سنه



يرجال امسس شاري قطع توضيب لموتري كامري 2003  بـ5 الاف 

كراسي المكينه الي قدام ورا بـ1300 


انا شاري الموتر على ان قطع تايوتا رخيصه طلع العكس 

الله يعيننا


up 3 down 0
fawaz__11 534
قبل 9 سنه



صادقين والله 
هذي الغبنة اللي ورطنا فيها 
حتى سياراته من الداخل اكثر اللي فيها ينمسح طبلون او ديكور الباب
والله ماامدح سيارتي بس بسم الله عليها ياشباب مافي مسحات في الدركسون او الابواب المشكلة عندي في الطبلون صار غراء على خفيف
وتشقق
لكن لما اشوف سيارات ابوجميل اشوفها حتى مسجلات الفورتشنر لون والطبلون لون وديكور المسجل لون مافي تناسق 
وللجميع لايكات


وبخصوص الشحن اشتريت عن طريق واحد في النت الشحن اللي اقل من كيلو ينحسب 50 لواصل عالمي اما اكثر من كيلو 100 
بس عيبه يتاخر شوي مو مثل فيدكس او ارامكس 


انا رحت للوكاله ابي اغير بطاريات الريموت حق السيارة 

قال 90 ريال وشريتها 

ورحت لمحل بيع قطع الغيار قال لي 10 
ونفس الصناعه ونفس كل شي 


up 0 down 0
welcom .2015 167
قبل 8 سنه و 12 شهر



ههههههههه ويقلون المطبلين تايوتا قطعها رخيص لا والطامه انها مو ياباني ياليت يوم ادفع ادفع فااصلي الا تايلندي وماليزي وصيني لابد من حمله لمقاطعة شركة عبدالطيف 


up 1 down 0
princ 18875
قبل 8 سنه و 12 شهر



٣٥٠٠ أجيب فيها سبليت. Lg أكبر نوع. ياابوجميل


up 0 down 0
البطش 3583
قبل 8 سنه و 12 شهر