ابي اعرف نضام المعارض

مافهمت شي!!!!!!

انا ادور كامري 2006 حلوو

وابي اشتريها على دفعات كل دفعه 15 وابي اعرف هل يوجد نظام دفعات بالمعارض ؟؟

بالمعارض ماعتقد واذا فيه قليل جداً اذا تقصد سياره اقصاد موديل قديم هذا الي فهمته منك!!!!!!!!

مهو اقسااط كل شهر ادفع لا (دفعاات) كل بعد 6 شهور 15 الف

هيه هيه اجمع فلوسك مره وحده وابحث عن السيارة الي تناسبك وافتك من الشريطية وحركاتهم يعني لو بيعطيك السيارة على دفعات بيرفع عليك السعر ويستغل وظعك وانت يانور عيني اجمع فلوسك مره وحده وحاول تبحث عن النظيف في السوق نفسه لأني والله اشوف اغلب معارضنا الاسعار فيها مبالغه على الفاضي والله يرزقك بما تتمنى ويوفقك حبيبي.

والله ياحبيبي اني محتاج سيارة لعشان انا بتخرج من الثانويه بعد اسبوعين واحتمال ادرس برا مدينتي
فاراح احتاج سيارة سنعه وفي اقرب وقت ونصيحتك مقبولة بس وضعي غير والله يجزاك خير يالاخو ويعطيك على قد نيتك انت قلة من القلائل اللي يتمنون الخير للناس في الزمن هذا

الاقساط هي نفسها دفعات كل شهر او 6 شهور لايوجد فرق.
معارض التقسيط قليله ، غالبا التقسيط يكون عن طريق شركات او بنوك.
بالعاده تكون نسبة الربح لديهم ضعف السعر، مثلا لو كانت سياره قيمتها 30 الف فسوف يتم حسابها بسعر 60 الف اذا كنت تريد ان تدفع اقساط او دفعات كماتسميها.

لكونك طالب لااعتقد ستجد من يقسطك بسبب ان الاقساط يحتاج الى ضمانات مثل راتب او رهن عقار او ملك. لا أنصحك تبدأ حياتك بالتقسيط نهائيا ولا أنصحك بالتفكير بالتقسيط مهما كان وضعك. دبر عمرك بسياره تمشي الحال او بدون سياره في البداية حتى تتيسر الأمور.

نصيحة أبعد عن المعارض لان أسعار مبالغ فيها والسيارات ماهي اك عليها من ناحية النظافة ( مجرب) وأنت ما بأخذ كاش راح يرفعون عليك السعر 

روح شوف أحد الوكالات وقسط لك سيارة عندك كيا وهونداي عندهم سيارات مناسبه ( سيراتو ، اكسنت، النترا ) 
وأبعد عن تويوتا أسعار قطع غيارها في الفتره الاخيره غااالي وقيمتها في المعارض خيالية. 

المستخدم اقل شئ 2008



والنسبه 45 %+ والدفعه 5 - 20 حسب الشركه

نصيحه اذا ما معك فلوس كامله اتجه للوكاله وقسط احسلك والفلوس الي معك استغلها باشياء ثانيه احسن من ان يستغلوك اصحاب المعارض