الى معلمين الكوامرى

خل علبك معك ياسنايدي اشترلك كرتون اخزنها عندك وكل اسبوع بتفك علبة 


لبى شوشو بس >>> دلع الشفر هع

 

والله شوف حسب الاستخدام صرفيه الزيت

لكن 2007 مشهود لها بالصرفيه في الزيت
مع ولد عمي وحده 2007 ماشيه 100000 كيلو وتنقص علبه الا ربع كل 3000 كيلو

خذها مني وأنا أخوك  الكامري إذا تبي كامري دور من الــ2002  ونازل وخذ مكدة  لأنها يابانية من بلد المنشاء 100% 

والــ2003  وطالع  جانا التجميع الأسترالي الي مايتعدا الـ200 ألف كيلو الا وأنواع الخربات والهربدة فيه  صراحة ولاأحد يزعل مني 

تشتري الكامري جديدة بملغ وقدرة وبعد سنتين أو ثلاث سنوات تنزل نصف قيمتها  وبرضو نروح نشتري والله خسارة يالربع  

والرابح الأكبر هو الوكيل ؟! 

ياوكيل جب مواتر زينة  نشتري  ولأكن تجيب خرد لا وألف لا خلها تصدي عندك لين تشوف لك حل .

والسلام ختام .

أناعندي كامري 2010 قير عادي بسم الله عليها امسكها خطوط ولاافتح الكبوت الا كل 5000 بس المكيف حقها لك عليه

يااااhaitham1974
 الكامري الي معك تماتيك ولا عادي

للاسف الكامري من 2007 وفوق اغلبه ينقص زيت ومن واقع تجربة لان خووي معاه كامري 2009 والزيت ينقص اذا مسكت خط

انا ماقد جربتها ولا افكر اجربها

بس كثيرين اشتكو منها

طبعا الوكيل بيقولك عادي !!!

صارت العيوب عند ابو جميل طبيعيه

العضو الصخيبري :

خذها قاعده السياره اذا صنعت في غير بلدها الاصلي راح تفقد جودتها وهيبتها

وقس على ذلك جميع السيارات

عندي 2011 زي الحلوة ودايمن سرعتي 160 واكثر اشيك على 5000 والله ماتنقص واسافر عليها ماتنقص اي المشكلة

عندي كامري 2007 ليموزين ماشيه450000  ماعمرها نقص ولا نقطه الحمد لله علما اغير الزيت على 3000 ولا عمري تاخرت عليه 

تسلموا شباب على مروركم
انا معى تماتيك يا الوفاااااااء طبعى

أخؤؤي الصخيبري تعقيب ع كلامك (خذها مني وأنا أخوك الكامري إذا تبي كامري دور من الــ2002 ونازل وخذ مكدة لأنها يابانية من بلد المنشاء 100% )
^
الكآمري من موديل 98 وهي استرالييية !!
ام المقولة الخآآطئة انهآ يابانييية فهذآ غيير صحيييح
كآن معآي كآمري2000 ومكتوب الصنآعة استرآلية !!
لذآ وجب التببييييييه ^__^

خويي معه 2009 قير عادي يروح 500 كيلو  ينقص نص علبه واشوي  وسيارته قير عادي وهو الله يهديه سرعه والسياره ماتوقف بخط 

 يعني ماتنقص الى قير عادي اكثر من تماتيك 

اذا انت مركب لزوجه حق الزيت 20دبليو50 الترا سفن بترومين ماتنقص

بسم الله الرحمن الرحيم




السلام عليكم ورحمه الله وبركاته /




قبل قليل كنت في محل تغيير الزيت وسألته عن الكامري الجديدة




2007 و 2008 في مشكلة تنقيص الزيت هل هي مازالت موجودة 




وقال لي أن المشكلة بدأت عام 2003 وإلى الآن مستمرة في 2007 و 2008 




حيث أنها تنقص زيت و2002 ماكانت فيها هالمشكلة أبداً . . بإنتظار ردودكم




على فكرة الي مايسافر على سيارته وبسرعات عالية لمسافات طويلة نسبياً تقريباً




خط 400 كم وفوق . . لايتكلم أن موتره ماينقص لأني مجرب كلا الآمرين في المدينة وعلى




سرعات طبيعية ومتوسطة ماينقص الزيت لوتمشي 5000 كم . . والله أعلم , ,

بس اشوف انها نقص الزيت في الكوامري عايدية المشكلة في الزيادة

تقبل مروري يالغلا

تكرم allaoe على مرورك و على الافادة

التوماتيك ماينقص زيت ومعي 2007 ماشي 250 الف ماينقص قطره زيت

لان الميكنه مرتاحه خمس تعاشيق التوماتيك 160 وضغط المكينه 3

لكن العايدي 120 وضغط المكينه 3 شف الفرق عشان كذا العايدي ينقص وهذا العلم غيره مافي