رايكم اف جي او تورس

مااقدر اقارن لك بين السيارتين ، لان هذي فئة والتورس فئة ثانية

لكن لو انا احترت بينهم اخذ التوروس

لكن اذا انت تحب المرتفع وتطلع بر خذلك اف جي

والله انا مثلك معي 152 وناوي علﯽ اف جي 2013 

الله يوفقك وتختار اللي يناسبك باذن الله , الافجي موتر عملي و بسيط و مناسب لكل الحالات " سفر, بر, و مدينة " , صيانته سهله , يعيبه ان " الهواء يلعب به " اذا كان فيه هواء قوي وغير كذا الموتر ممتاز ممتاز ممتاز " على فكرة انا معي اف جي 2012 " ماشاء الله .

التوروس ايضا موتر عملي و وكالتة من افضل وكالات السيارات وبيريحونك من ناحية الصيانه والمواعيد, التورس موتر ما عليه كلام ماشاء الله


ادري حيرتك بس انت اختياراتك جدا ممتازه , موفق

مشكورين على تفاعلكم وارائكم
لكن اخوي رموت كنترول انت مجرب الاف جي احس ان داخليه الموتر تقريبا ممله 
ومعدوم المواصفات مقارنه بالتورس هل كلامي صحيح ؟

المسألة واضحة اذا تكشت وتطعس وتبي موتر رفيع  اكيد افجي

واذا مالك في الكشتات والتطعيس وتحب الراحة والمواصفات الزينة خذ تورس

انت ابخص في نفسك 

والله يوفقك

اف جي ماينفع اذا معك اكثر نفرين لانه  ضيق ومدحوشة السيارة خاصة من الخلف
اذا عندك عائلة او تحسب حساب المستقبل خذ توريس افضل لك

يارجل حرام تحط 130,000 في سياره مافيها اي  مواصفات .. سياره باب ونص وش تبي فيها  هو مرتفع عن الارض هذا اللي فيه وغير كذا وش فيه  .. ولا شي انت شوف التورس فخامه وموتر وسيع وكشخه ومريح وثبات على الطريق ,, مجرد راي

والله وانا اخوك لو معي هالقيمه شريت اسكاليد 2007 فل كامل بلاتينيوم وخليت سياكل ابو جميل عنده هههه 

اذا تبي العلم ابعد عن الاف اجي اقسم بالله مدري كيف الناس تشتريه دباب مصندق مافيه من زينة السيارات ابد 

من رايي الشخصي ارشح لك الافالون الجديد موديل 2012 خذ وحده مخزنه مع راعيها احسن لك من التورس والاف اجي وصدقني ما راح تنتدم 

بالتوفيق

عبدالاله

فعلا داخلية الاف جي قد تمل منها ولكن صدقني موتر ينحب واذا سقته بتعوف غيره

حسب علمي ان الاف جي ستاندر ونص فل وفل كامل 
انا ابي نص فل وش مواصفاته وميزاته 

جرب سواقة السيارتين واختار اللي بترتاح لها هذا افضل حل

اخوي اضافه بسيطه ان شاء الله تستفيد منها 
 التويوتا الاف جي فلوسه فيه يعني لاقد الله بعد فتره فكرت تبيع يجيب لك مبلغ وقدره 
لكن التورس يطيح سعره واضافة الى قطع غياره شوي غاليه وما مرغوب 
تقدر تروح المعارض وتقارن في الاسعار 

اذا تبي الفخامه والوسع والراحه والرساوه خذ التورس واذا تبي ترتاح من الحفر وحق طعوس خذ الاف جي

 بس ترى الاف جي ضيق وديكوراته عااااديه جدا والبدي خفيييييف وصراحه الموتر ماعجبتني سواقته 

أول شي شكراً لكل من رد وقدم نصيحه سواء من وجهة نظره أو من تجربه ، لكن أنا مؤيد لأخوي أبو محمد ما تقدر تقارن 
بينها لأنها فئتين مختلفه ، أنا معي تورس 2011 فل كامل والحمد لله جداً مقتنع فيه وفي وكيله واللي يميزه إنه عائلي
وشبابي ورسمي ومريح فوق ما تتصور وراسي ويكفيك إنه أخذ أفضل سيارة في عزل الصوت وخاصه الجديد فيه مميزات 
ومواصفات غير موجوده في الأول أما الإف جي ماجربته بس أتوقع إنه غير مريح وداخليته بدائيه وبسيطه مقارنه في سعره
وله استخدامات محدوده لكن قبل تسوي أي شي صل صلاة استخاره واللي ترتاح له توكل على الله .

معلش يالي ذكرت الافجي خرده بالنسبه لك خرده جربتها بس ماعاشرتها صح انها معي بس الي معي امريكي فيه قوة مشاء الله تبارك الرحمان وثانيا اذا تقول خرده فهو في السعودي الخرده جربت السعودي وبعته 2008 وخذيت امريكي 2007 والله انه فرق مو باالديكور فرق باالقوة ذكرولك الاخوان الكشخه تورس بس برضوه الافجي فيه حقه التورس مافيها مميزات تنقذك بعد الله اذا نشبت في مكان بس الافجي فيه دبله ودفلوك والهزاز اسئل مجرب ولا تسئل طبيب واسئل الله ان يبارك لك في ما اخترته واستخر قبل ما تقدم على اي سياره الاستخاره زينه والله يوفقك يارب

وهذا رقم جوالي اذا تبي تستفسر عن اي شي تحت امرك 0533352452 اخوك الصغير ابو فهد