ارتفاع الكامري

يمكن اليايات عندك منتهية او المساعدات

واحب اضيف على كلام مابنكسر صابر 

شيك على هوى الكقر ترا لة دور لو بسيط

سيارتي أرتفاعها مثل باقي الكوامري  يعني طبيعي بس أنها تحك في المطبات وخصوصا لما يكون معك ركاب 

 هواء الكفر الخلفي 35 والأمامي 30 

مشكلة الإرتفاع :

1) يمكن اليايات عندك مرتخيه ( يعني لينه وليست قاسيه ) وبالتالي تنزل السياره .. أو يمكن عندك مشكله بالمساعدات .

2) اذا انت مشتري السياره مستعمله يمكن راعيها الأول ( قاص اليايات عشان ينزل السياره .. او يمكن مركب يايات تجاريه )

3) مقاس الجنوط والكفرات ركب مثل المكتوب بكتالوج السياره أو الحديده\اللصقه اللي تكون في باب السواق .. بتلقى مكتوب فيها المقاس المناسب وضغط الهواء المناسب

4) اذا كنت مسرع هد سرعتك من بعيد عند المطبات خاصة المطبات الكبيره والضخمه .. لأنك اذا كنت مسرع ومسكت ام الفرامل بتنزل وجهية السياره شوي ( حسب السياره ) وهذا شيء طبيعي بأي سياره عند مسك الفرامل بعنف وبشكل مفاجئ .. اذا قربت جدا حول المطب اترك الفرامل عشان يتعدل ارتفاع السياره ..

لأن للاسف فيه ناس يمسكون ام الفرامل وياكلون المطب وهم ماسكين الفرامل .. وهذا يضر فرامل السياره + السياره ما يكون ارتفاعها متسواي أثناء الفرمله العنيفه والقويه


أما بالنسبه لضغط هواء الكفرات

35 بالكفرات الخلفيه أحسها كثيره إلا اذا كنت محمل أغراض وأشياء ثقيله ممكن

أنا أخلي كفرات سيارتي وهي بارده يعني اكون ما مشيت عليها لمدة ساعات .. على 30 أو 28 ( داخل الديره أو المدن .. السعوديه مليانه مطبات وحفر )

لأن مع السواقه ( كم مشوار ) يرتفع ضغط هواء الكفرات من 28 إلى 30 تقريبا أو من 30 إلى 32 تقريبا << شيء طبيعي يزيد الضغط PSI بمعدل 1 أو 2 أو الخ...

ملاحظه :

سيارتي تختلف عن سيارتك ؛ لكن حاولت افيدك بالمعلومات اللي أعرفها

بالتوفيق ان شاء الله

شكرا لك على هالمعلومات المفيدة 
عندي المساعدات واليايات ممتازة 
بس السيارة طبيعتها واطية مثل كل الكوامري 
والكل يعاني من نفس المشكله 
وأبي أفضل طريقة للترفيع الي ما تضر بألتوازن 

رح لمخرطة وفصل كعكات بس ترا ماتاخذ ولا 100 ريال

شكرا لكم 
أن شاء الله بركب الكعكات 
هل توجد جاهزة ولا لا زم تفصيل 

وين تنباع عند محلات الزينه ولا القعط ؟

واحد عنده كامري 2007 نفس المشكلة وحكيت مطب عليه وأنا مهدي...الله يستر كأنه واحد صدمك...

أكثر أعطال السيارات هذه من المطبات 
مثل العكوس والطعجات أسفل السيارة والجويزات 

حائر حبيبي انا اسمي محمد العنزي كانت معي كامري 2008 وركبت لها كعكعات   قدام ووراء وارتفعت 
اذا انت من اهل الحفر مرني واوديك للممحل الي سويت عنده او دق علي اشرح لك اكثر لو حاب 
حط لها كععكات وراء وقدام  كابرس  وترتفع  ارتفاع  وكالة وما تحك بالمطب 

كيف يكون لك بيت في الجنة : الاولى (اقراء سورة الاخلاص 10 مرات) والثانية (صلاة 12 ركعة غير الفريضه)•
كيف يكون لك كنز في الجنة : قل لا حول ولا قوة إلا بالله?•
كيف تغرس لك نخلة في الجنة: قل سبحان الله العظيم وبحمده?•
كيف تغرس لك? اشجار في الجنة: قل سبحان الله والحمد لله ولا إله إلا الله والله أكبر?•
كيف تغفر لك ذنوبك وإن كانت? مثل زبد البحر: قل? سبحان الله وبحمده (100 مرة)?•
عطوني لايك وتذكرو ان الدال على الخير كفاعله
اللهم اجعلها صدقه عن المسلمين والمسلمات الأحياء منهم والأموات يا ربّ
اللهم أغفر للمؤمنين و المؤمنات و المسلمين و المسلمات الأحياء منهم و الأموات

كيف يكون لك بيت في الجنة : الاولى (اقراء سورة الاخلاص 10 مرات) والثانية (صلاة 12 ركعة غير الفريضه)•
كيف يكون لك كنز في الجنة : قل لا حول ولا قوة إلا بالله?•
كيف تغرس لك نخلة في الجنة: قل سبحان الله العظيم وبحمده?•
كيف تغرس لك? اشجار في الجنة: قل سبحان الله والحمد لله ولا إله إلا الله والله أكبر?•
كيف تغفر لك ذنوبك وإن كانت? مثل زبد البحر: قل? سبحان الله وبحمده (100 مرة)?•
عطوني لايك وتذكرو ان الدال على الخير كفاعله
اللهم اجعلها صدقه عن المسلمين والمسلمات الأحياء منهم والأموات يا ربّ
اللهم أغفر للمؤمنين و المؤمنات و المسلمين و المسلمات الأحياء منهم و الأموات

بارك الله فيك يا أخ محمد ما تقصر 
أنا بعيد عنك ماني من حفر الباطن 
الله يسعدك إن شاء الله بركب كعكات كابرس 
وشكرا لك 

أبو خضران 
الله يجعلنا وأياك من أهل الجنه 
قل آمين 

حائر تكلفك مع التركيب ما بين 270    الى  300   ريال سعودي فقط لا غير 
والافضل انك تروح للمحل له خلفية وانت اسئلة 
ونصيحة لا تفرط بموترك

صوت العزاوي
شكراً لكـــــــ