آستفسار عن قير آوريون 2010 - 2011

المشكلة مصنعية ماله علاقة باستخدامك تقريبا 

اعرف ناس سياراتهم مكرووفه والقير تمام التمام

وفيه ناس محافظة وممشى قليل ويفرط يعني المشكلة مصنعية (خلل)

وقير الاوريون هو الي على الافلون و الكسز es وهو نفس القير من 2007الى الان

المشكله مصنعيه لكن كثير انا اعرف واحد من الزملاء وولد خالتي كذلك كلهم معهم اوريون ويعانون من مشكله القير وسعره في التشاليح يوصل 25 الف والتوضيب 15 الف هو موتر حلو لكن انصحك تشوف بديل غيره

القير الاوريون لايوجد به مشاكل اذا انت حافظت على تغير زيت القير كل 60الف مع الفلتر وتركب لون الجيلون الزيت الفضي وليس الاسود لان الجيلون الاسود حق الكامري والا4سلندر

وبخصوص اللي يخرب معه القير اكثرهم مايغيرون زيت القير او يغيرونه في وقت متاخر ويفرط القير

واكثر اللي خرب معهم القير حقين المقاومات والمطارحات لان الاوريون اكثرهم حقين مقاومات اتمنى اني افدتك واحد من العيال معه اوريون2009 وكارفها كرف ماشيه350الف وكلش وكالة بس محافظ على تغير جميع الزيت في وقتها

ابو حمد كلامك فيه شيئ من الصحة 

طيب وان قلتلك عندنا افلون طق قيرها على 40الف و2011والموتر محافظين عليه  محافظ مبالغ فيه ايضا والوكيل يبي يغير القير على الضمان

^ ^كلام ابواحمد صحيح سيارة اخوي اوريون 2010 جراندي ممشاها 130الف وباقي زيت القير حق بلدها ماغيره
وماشي معه تمام بدون اعطال

سيارتي اوريون ٢٠٠٨ خرب القير من دون اي سبب ويكلف توظيبه ١٠٨٥٠ بوشة قيركو بالرياض الصناعيه القديمه مخرج ١٧

والله معد عرفنا ايش السبب