أضف سؤال أو موضوع جديد          

نصيحة للجميع بخصوص زيت المكاين

up 4 down 5
غربان ودة 673
قبل 6 سنه



سلام عليكم اليوم كنت عند ميكانيكي له 48 سنة شايب كبييير عنده تشليح وجنبه ورشه كبيرة ويشتغل فيها ومع ذلك رخيص قبل شهور بدلت عنده بواجي الكابرس قالي خلي السيارة تبرد وابدلهم لك اذا صارت باردة انا رفضت وقلت له لا غيرهم وانا واقف عادي المهم طووول كثير اخذ اكثر من ساعه لان المكينة حارة كانت واخذ 30 ريال ،، واليوم رحت عندي مشكلة في سيارة وهي صرفية بالموتر غير طبيعية تخيلوا معي اعبي 30 ريال تمشي معي سيارة 510 كيلو فقط وقبل كانت تمشي 640 الى 660 المهم قالي بفحص لك السيارة شبر شبر اخذ حوالي تشيكات ربع ساعه الى 20 دقيقة تقريبا طبعا انا زهقت من الانتظار ووقالي سيارتك سليمة وفلاتر نظيفه وسيارتك جديدة ماتحتاج شي قالي وش تستخدم زيت قلت له استخدم كاسترول قالي مايهم كاسترول او بترومين اقصد لك وش لزوجة الزيت قلت انا كنت استخدم زيت الوكالة 5 دبليو 40 وبعدها صارت لي مشكلة معهم ورحت للبناشر وتعرف ماعندهم الا الزيت 20 دبليو 50 فقلت نتوكل على الله ونغيره قالي هالزيت سبب صرفية البنزين قالي غير لزوجة الزيت وان شاء الله الصرفية بتروح قلت احط اي زيت واي لزوجة قالي اي زيت يعجبك لكن اهم شي اللزوجة اختارها 5 دبليو 30 انا طبعا ماصدقت كلامه وحسيته خرطي قلت هالكلام لابوي وقالي سوي الي قالك عليه ووشوف اذا كان صادق اولا بكلامه المهم بعد ماوصل الزيت 5 الاف رحت وغيرته الى زيت 5 دبليو 30 ووورحت اقضي مشاوير واتعشى وكذا وانتظر بالمحطة حتى انذار البنزين يضرب وعبيت السيارة ب30 ريال وداومت عليها والحمدلله الصرفية اختلفت وضرب الانذار على 690 كيلو الحمدلله نصيحة ببلاش ولا اخذ علي ولا ريال وبكرا بروح له وبشكره على النصيحة وانا هنا جاي انصحكم بهذا الزيت وحبيت اشاركم بهذي المعلومة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


وش صفيتوا عليه نحط الزيت اللي تقولونه ولا ما ينفع ؟؟ 


up 1 down 0
سليمان 3338 -1
قبل 6 سنه



وين الادارة عن بعض الالفاض ؟؟؟ قسم بالله ان الناطل مسكين ومظلوم ويعجبني في التخريب وما سلك هذا الاسلوب الا بسبب عدم العدل


up 0 down 0