لو بعت سياراتي لاحد الاشخاص بالاقساط ؟

والله ياغالي اللي اعرفه يكون ع الاقل كفيل موظف وشيكات ويكون الكفيل والمشتري موظف في نفس مدينتك او ع الاقل الكفيل يكون في نفس مدينتك
وفالك التوفيق

خل بينك وبينه سندات

اخليه يكتب لي شيكات يعني؟

نعم اخوي لكن تأكد من نظام الشيكات لانو سمعت انها ماعاد تنفع وأسأل عن الكمبيالات
وأهم شي تكون المبايعة رسمية داخل معرض

طيب لو تأخر او ماطل ايش الاجراء اللي ممكن يحصل

بيعها كاش احسن لك من المماطلة والقلق

^
زي ما قالك نسنآس غربي (( بيعها كاش احسن لك من المماطلة والقلق ))

لأن فيه ناس ما يستحون ولا يخافون الله ؛ يسحبون فيك تسحيب ويماطلون

لا تدخل نفسك في متاهات ومشاكل وشكاوي

بيع سيارتك كاش ولو بأقل شوي

ياخوي قول له يروح عند محلات التمويل او البنوك ، ياكثرها

ياخذ المبلغ من الممول ويجي عندك يعطيك كاش

بيع السياره كااش وريح راسك

ياخوي اشرط عليه تكون الاستماره بأسمك واذا كمل الاقساط تحولها بأسمه ولو ماطل فيك يكون عندك مفتاح اسبير رح خذها واسحب عليه 

ي رجال وش تبي بالمشاكل

لو انك شركه او بنك يكون لك سلطه اكثر

خذ النصيحه بيع السياره لو بفرق 10 الاف فرق اريح لك تاخذ فلوسك وخلاص تنسى كل شي وراك

اما التقسيط والله بهذله

واذا انت مصمم على التقسيط
اللي اعرفه انه يكتب على نفسه شيكات تكون بتاريخ كل راتب وبملغ التقسيط الشهري عليه وتسحبها من دون ماترجع له واذا مافيه رصيد البنك تقدر تشتكي عليه بالمحكمه وطبعا خذ سنين علشان يجيك " حقك "

جزااااكم الله خيرا 
فعلا الموضوع مقلق وسأصرف عنه النظر 

اخوي فيه بعض الناس عندنا هنا بسعودية اذا جاء يبي يشتري منك سيارة اقساد يحب راسك ويعطيك الكلام العسل واذا جيت انت تبي تاخذ الاقساد تحب رجلينة علشان عطيك هههههه

خله يكتب لك شيكات ,,فرضنا بعت عليه السياره ب 20 الف اقساط كل شهر 1000

خله يكتب لك 20 شيك كل شيك ب 1000 ريال يكون تاريخه مع راتب كل شهر ,,,

وعقبها خله يكتب شيك ب قيمة السياره كامله 20 الف بدون تاريخ ,,,

وقله اذا انتظمت معي ف السداد راح نستمر ف التقسيط الين يوصلك قيمة السياره ,,,

واذا بزوط وماطل بك في سداد قسطين او اكثر قوله انك بتقدم الشيك ابو 20 الف للشرطه وبيسحبونه ع خشمه ,, ويعطيك 20 الف واخصم منها الاقساط الي جتك وخذ الباقي وموفق ,,

طبعا لازم يجيب لك خطاب من عمله ومقره يكون في نفس مدينتك ..

خطاب تاريخه جديد مايكون عدا عليه اسبوع ...

والافضل كفيل بعد ويكون موظف ومعه خطاب بعد ,,,

واحذر لان بعض الناس هالايام ذمته وسيعه تكفي بلد كامل ,,, واليهودي ارحم منهم ,,,

وموفق ,,