ليش غالي ؟؟

vxr يوصل 280 مو بس 200.

vxr يوصل 280 مو بس 200.

اخوي يوصل ان شاء 300 انا قلتها مثال (:

بس القديم انا اسأل عنه ليش ما تطيح قيمته ؟ 

ياخوي هذي الاسعار غير حقيقيه كل ماجاك واحد نزل لاندكروزر قام شحط سعره !!!!


لو تجي على ارض الواقع بتلقى سعره غير بالذات موقع حراج كل واحد يحط سومه من راسه واذا ماعجبته السومه راح رفع السوم عن طريق الجوال هههههههههههه


واساسا لا فيه احد سام بالجوال ولا شي بس هو يبغى يرفع السوم وتلاحظها هذي كبثره اغلب السومات القويه على الجوال او خارج الموقع هههههه


ودك يسوون هيئه لتحديد الاسعار وضبطها


يعني تدخل السياره هذي الهيئه بعدين يفحصونها من والى فحص دقيق وبناء على الفحص والمششى تحدد لها قيمه ماتتجاوزها بالمعقول


لانو مو معقول كل واحد بيجي يحط سعر من راسه ولا سومه من راسه بجد هبال

كلام اخوي شاقح صحيح المشكلة كلها من اللي يحط سعر وهمي لسيارته

ما اقول الا الله يعين وبس 

من جد هبال 

مثال بسيط لحد الان موجود فحراج ::


فيه سياره سيمت ب60500


جاك الثاني فرق السوم ب73 الف


يعني فرق السوم ب12500 هههههههه


طيب افرق السوم وحط 62000 والباقي فجيبك وانت الكسبان وش اللي يحدك تحط هالفرق كله هههههههههه هذي احدى صور الاستهبال حقهم

أصلا كثير من المعلنين غير جادين 

حاط الإعلان علشان إذا لاقى زبون رغبان باع وإذا ما لقي ما ضره الإعلان

شوف كلها شغل اشريطيه 
عندك الفكسار 2007 فل كامل اذا ماشي اقل من 100 الف وبدي شرط 
يوصل 160 الف 
الفكسار 2008 الشكل الجديد اذا نفس نظافه الشكل القديم بنفس السعر 160 
ليش لانه 2007 
1..الدبل يدوي 
2.. الديكور يربط بي مسامير 
3.. الصدام ماينفك من التطعيس 
اما 2008 الشكل الجديد 
1.. الدبل فرار توماتيك وهذا مايبونه لانه يعلق مايقفل بسرعه بعكس اليدوي
2..الديكور كلبسات يعني اذا فكيته خطا علطول ينكسر فاتضطر بعكس المسامير 
3.. الصدام بلاستيك اول مايضرب التراب ينفك 
تقريبا هذا الفروقات 
والشريطيه حابين الشكل القديم علشان كذا غالي و ماسك سعره 
اما 2002 مايصل لو ينط 200 الف يمكن لو هو اصفار وفكسار فل كامل بس برضو ماتوقع 
انا راعي معارض واعرف السيارات 

ياأخ كروز وبس دام داخليتها مو فخمة وشكلها مو حلو من الخارج ليش تسأل عنها خل اللي تعجبهم هالجيوب يتهنون فيها لأنهم يعرفون يقدرون هالنوع من السيارات ويعرفون وش الفرق بينها وبين الجديد , ويعرفون الفرق بينها وبين السيارات الثانية

قبل سنة وشهرين تقريبا ابو كان يبي لاندكروزر المهم نزلنا المعارض وفريناها حصلنا 2008 يبيعونهن على 160 الف سلاااااامات زود ابوي 40 الف واخذ 2012 مع العلم 2013 وصل سعره اللحين 230 يعني اسعارها بارتفاع قلت لابوي خذ باترول وعيا مع العلم ان الباترول افضل واقوى مكينة وسعره ب 180 جديد

حرام نحط 250 الف على لاندكروزر التاهو الحين ب 130 !!!!نص السعر وافخم واقوى 

اللي مايعرف الصقر يشويه 

اخ نادر مشكور لردك على الموضوع 

انا ما قلت لا تشترونها 

انا سألت سؤال ليش اسعارها ما نزل انا توني معين واحد موديل 99 في الموقع وحاده ب 60 الف 

60 الف اشتري موديل 2005 جمس دينلي اقوى وافخم 

ولا اروح واشتري جديد 

ولا اشتري لي فيها رنج اقوى من الاندكروزر ب 100 مرة 

مجرد نفسية بس والله فيه سيارات اللاندكروزر مافيه ربع مواصفاتها واسعارها معقوله

 والله يا شاقح صادق في كل كلمه 

الباترول افضل من الاندكروزر 

و اسعاره ارخص من الاندكروزر