أضف سؤال أو موضوع جديد          

استشارة ترميم

up 6 down 1
abdlrhman yousf -9
قبل 6 سنه و شهر



السلام عليكم ورحمة الله



استشارة
كرسيدا 88
--------------------------------------------------------------------------------

الحقيقة السيارة قديمة جداً لدينا ونريد ترميمها

موديل 88كربريتر فاكينها وكاله وماقصرت خدمت بشرف 26 سنة

وماشيه 800 الف كيلو والحمد لله مكينتها صافيييه ومانفكت

بس تنقص زيت 500 كيلو ربع علبة

زيت سوبر شل علبة حديد ولا فيها حرارة %

ولا تهريبات زيوت ولا مشكلة ولله الحمد ودفرنسها 100

تحتاج فرن نفس اللون

تحتاج تربيط وتلقيطات خفيفة

تحتاج مكيف وفريون

الداخليه نظيفه بنسبة 80كحلي

كم تكلف هالشغلات وترجع شبه وكاله واستخدام يومي وسفريات

وأي أقتراحات مرحب بها من لديه خبره

وهذه صورتها








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ركب مكيف كراسيدا 96 يبرد تبريد ماهو صاحي
التكلفة اتوقع 3000رشة و2000مكيف


up 2 down 0
ابو راكان تبوك 955
قبل 6 سنه و شهر



هلا و غلا أخووي .. 
بالنسبه للرش إذا تبي رش صاحي وممتاز راح يكلفك بالكثير 3000 الاف , لكن إذا رش اي كلام يمكن يرشوونها بــ 1000 ريال .. 
وعلى فكره إذا لونها ابيض ترا الرشه ماتبين يعني رشها اي كلام .. 
والتربيط يمكن يكلفك 2000 ريال تربيط كامل من الصدام للصدام , طبعا قطع اصلي مع شغل يد .. 
والكمبروسر إذا مافيه شي يعني كوويس رووح نظف الثلاجه ونظف الليات وعبي فريووون أمريكي حووول 250 ريال , لكن إذا الكمبروسر تعبان الله يعينك غيره وسعره في التشاليح حوول 300 ريال مضمون 4 ايام .. 
والداخليه بسيطه لقطها من التشاليح شوووف أي شي ناقص وخذه من التشاليح والله يوفقك دنيا وآخره .. 
 أهني الكرسيدا على هذا الاستخدام , بصراحه ماراح تمر سياره تخدم مثلها في العالم كله , وصدقني لو سويتها واستخدمتها مره ثانيه راح تمشيك 26 سنه ثانيه , بس اتمنى تحافظ عليها ..
تحياتي ..  


up 2 down 0
عاشقـ الماركيز {1991} 3500
قبل 6 سنه و شهر



اذا ع كلامك ترمييييم وترجعها وكالة التوقع بالكثييير 6500بس حاول تحول شكلها لــقراندي عشان يفرق معك الشكل
3000 رشة محترمة و 1000 مكيف و1500 تربيط بالقطع طبعا والباقي كماليات والكفرات بالجنوط خارج الحسبه
حاول تحط اعرض كفر يركب عليها عشان الثبات والراحة بالخطوط .

بس احرص ع الشمعات والاصطبات والشبك الجناح الشفه والنسافات والدقن الامامي تكون جديدة مع الرش


up 1 down 0
aziz..747.. 2422
قبل 6 سنه و شهر



اذا تبي ترميم صاحي ... اول شي خذها للسكره ورشها بويه ومن تحت السياره رشها اسود عشان الصدا ولما تخرجها ودها للميكانيكي يشيك عليها من تحت زي جلود وعكوس وزكذا ولما تخلص ودها للكهربائي يشيك على الكهرب فيها حتى انوار الطبلون وتركب مكيف قيمته 1800 ريال ولما تخلص ودها للتنجيد يغير الارضيه والسقف والكراسي وتفرش الارضيه نايلون ما تتجاوز 1100 .. هذا طريقتي لما رممت سياره الوالد كرسيدا قراندي موديل 91 على يده من الوكاله وكانت مجموع ما دفع 9800 ريال وسلامتك



up 1 down 0
مستريح البال 1 1785
قبل 6 سنه و شهر



اخوي خذ الكلام اللي ملحه فيه 
اولا الموتر ماشاء الله افضل من ال89
في الرساوه والثبات
من واقع تجربه

بقولك ع ترميمات وتخيلها معي وشف كيف بيزبط ان شاء الله

1  من ناحية المكينه اعطها شنبر ووجه بلوف وانا افضل توضب كامل 
وبيكلف الى 5الاف 
التوضيب افضله لان السياره ماشيه واجد 
مع التوضيب اذا كان الكلبليتر مايقطع وصافي نضفه فقط  وافضل تنضفه بنفسك
اذا كان تعبان غيره بجديد اتوقع وكاله بحول 90
2 زبط بطنه اي شي نص عمر غيره 

3 شيك ع الكهرب من دينمو بطاريه لمبات الداخليه والفيوز

وشيك ع المكيف كامل وشف لك كهربائي ممتاز 
لان المكيف تجيك خراباته مثل بعض لاكن مصدر الخراب متعدد

4 احرق بويته حرق وادهنه فرن وشف لك رقم بويه حلو يكون ناصع ولماع

5 ركب جميع الربلات او الجلد الجانبيه وتكون جديده مع صدامات ودقن امامي جديد
ونسافات ووجهيه جديده واصطبات خلفيه جديده 
واشترط ع السمكري يوزن الوجهيه مزبوط ولو احتاج لوزن الرفارف والكبوت فهو احسن 
مع تركيب جلد ابواب جدد وفصالات جدد


6   ابحث للطيس الاصليه وبتحصلها ان شاء الله في محلات الزينه او التشاليح او الحراج
لان الطيس اذاكانت اصليه لنفس موديلها تطلع شكل خرافه
وترى الكرسيدا 88 مايصلح لها اي طيس 

7  اذا تقدر تحول التنجيده احمر فهو افضل او جدها ع لونه الحالي
وشفلك منجد ممتاز 

8  طبعا كفرات وميزان بعد هذا كله

اخيرا التكلفه بتكون شوي عاليه لاكن تذكر الموتر معاكم كرت وتعزونه وتحبونه اكيد
وبعد هذا الكد اشوف انه يستاهل

وبعدها توكل ع الباري 
مدة الشغل من شهرين الى ثلاثة اشهر ولا تستعجل 
وتذكر لكل مجتهد نصيب

وفقنا الله واياك



up 2 down 1
عابر سبيل 2002 258
قبل 6 سنه و شهر



الكلبليتر ب 90 =900


up 1 down 1
عابر سبيل 2002 258
قبل 6 سنه و شهر



ماشاء الله تبارك الله ماشيه مشي مو طبيعي وماشاء الله باقي تعمر كم سنه قدام الله يحفظها لكم ماشاء الله سياره بمعنى كلمه السياره وممتازه


up 0 down 0
احمد شريف 3209
قبل 6 سنه و شهر



اوه نسيت بخصوص الترميم كم ماكلفت تراها تستاهل السياره ادفع فيها دم قلبك والمكينه وظبها بقطع درجه اولى تكلفك2500تدوم ممعاك كم سنه يعني حول 8الى10سنوات تخدمك والفرش حقون الزينه اختصاصهم ونجد المراتب واشتري كل القطع الي قالوها الاخوان والله يعينك 
موفق ولك احلى تحيه


up 1 down 0
احمد شريف 3209
قبل 6 سنه و شهر



اخوي معليش سؤال شاطح لو تكرمت معليش بس بسالك كم كيلو كنت تغير الزيت كل 3000او5000ولا اكثر والفلتر كل كم كنت تغيره اتمنى ردك حيساعدني السؤال كثير مره


up 0 down 0
احمد شريف 3209
قبل 6 سنه



نصيحه دام الحراره ماترتفع لا توضب ابد 
زود زيت اذا نقص عادي 
2014 تنقص خل 88 
لأن لو توديها عند اكبر معلم ماردها شغل وكاله 


up 0 down 1
برقوووس 4
قبل 5 سنه و شهر