موترك ماهو صافي فيه تقطيعه عندي الحل ب 1 ريال واحد
9
3
إضغط هنا للإخفاء
أخواني أعضاء وزوار المنتدى عندي طريقه مفيده وماهي مكلفه إذا موترك ماهوب صافي فيه تقطيعه أو تفتفه وش تسوي
ماتدري الحل عندي سواء كان بخاخ أو كربريتر بنزين أخضر 91 أو أحمر 95
الطريقه كالآتي
تخلي الموتر إلين يصفر البنزين يبي يطفي يالله يوصلك للمحطه
إذا وصلت المحطه تاخذ لك قاز كروسين بريال واحد ويجي قد علبة المويه أم ريالين
وتصبه في التانكي وأنت واقف عند طرمبة البنزين
والموتر طافي
وبعدها تعبي وراه بنزين سواء أخضر أو أحمر اللي تبي إذا بنزين أخضر مايتعدى 20 ريال وإذا بنزين أحمر بعد ما يتعدى 30 ريال ،،،، بس أهم شي يكون الموتر مصفر
وتسمي بالله وتشغل وشف كيف يبي يتغير موترك على طول من أول تشغيله ويفضل بعدها تمسكه خط مسه شوي 50 كيلو منها وفيها
وبعدها راح تدعيلي
فائدة الكروسين ينظف الليات والتانكي وطرمبة البانزين والبواجي والكربريتر أو البخاخ ولا منه ضرر مجربه كذا مره
وبالنسبه للي في شرق الرياض بريحهم في محطه على طريق الميه جنوب المبقره حقت النسيم
أسمها محطة أسماء يبيعون قاز كروسين وقف عند البنزين وخذ من الطرمبه اللي جنبها قاز ،،
آسف إذا طولت عليكم وإذا أحد سبقني في الفكره أو يعرفها من قبل لا يزعل علي وأنا جبتها للي ما سمعو عنها ومواترهم ماهي صافيه ،،،،
إبلاغ
الردود
1
0
2
0
الي يعرف يقول لي الله لا يهينه
1
0
1
0
0
1
0
0
0
0
4
0
0
0
0
0
اما الكيروسين مدري والله
0
0
0
0
قبل 11 سنه