أضف سؤال أو موضوع جديد          

طريقة غريبه لتصفية المكينه

up 4 down 4
wd-alharbi 638
قبل 9 سنه و شهر



السلام عليكم
قريت اليوم موضوع غريب عن تصفية المكينه وهذي الطريقه سهله جدا لا تتطلب شي وحبيت اخذ رايكم قبل لا اسويها

وطبعا الموضوع منقول من احد المنتديات





تصفية المكينه بطريقه سهله جدا




السلام عليكم ورحمة الله وبركاته .
فيه طريقه سهله لتصفية المكينه وتنظيف البخاخات وطبقته الفكره على موتري الفورد ونجحت الفكره وهذي الطريقه طرحه واحد من الشباب الله يجزاه خير . وبدال ماتروح للورشات ومسحون جيبك من هالدراهم فقلت اطرح الموضوع للأعضاء وانشاءالله انهم يستفيدون . ... والطريقه :-
1- يكون التانكي فيه بنزين 95 من الأساس .
2- تخلي البنزين على النص .
3 - تعبي ( قاز ) من محطة البنزين بمقدار 5 لتر او 6 لتر .
4- تعبى على القاز بنزين 95 .
5- على طول تمسك خط اقل شي 100 كيلو علشان يصفى الموتر.
6- لاتتعدى سرعة 120 والأفضل ان تتمشي على سرعة 115 . لوجود ساهر .
7- انشاء الله تبتلاحظ فرق بصرفية البنزين انه اقل وتلاحظ ايضا ان الشكمان من جوا السواد خف سواده .
... واقسم بالله اني طبقته على موتري وتغير بصرفية البنزين . وللعلم لحد يعبي 91 .
ملاحظه :- طبق الكلام كل شهرين افضل شي ....




وشكراااااااااا











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ههههههههههههههه 

اذا عندك معلومه فيدنا 




وشكرا


up 3 down 0
wd-alharbi 638
قبل 9 سنه و شهر



طيب هل احد جربها وﻻ اكون انا الضحية ياليت احد يجربها ويعلمنا وﻻ اقول ابراهيم انت لعنت خير الموتر وش رايك تجربها وتعلمنا هههههه


up 4 down 0
ابوابراهيم ksa 1391
قبل 9 سنه و شهر



اللي كتب الموضوع ذا اصلا يقول هو مجرب هذي الطريقه ويقول مافيها مشاكل ويمدح فيها لكن خوفك مو كل سياره تزبط 


up 2 down 1
wd-alharbi 638
قبل 9 سنه و شهر



اللي كتب الموضوع ذا اصلا يقول هو مجرب هذي الطريقه ويقول مافيها مشاكل ويمدح فيها لكن خوفك مو كل سياره تزبط 


up 2 down 1
wd-alharbi 638
قبل 9 سنه و شهر



من الناحيه النظريه مافيها مشاكل لان الغاز مم المواد المشتعله . لكن هل فيها فايده فعلا ولا بس تممسكنا خط هههههههه


up 0 down 0
مستريح البال 1 1780
قبل 9 سنه و شهر



يارجال انا جربت بنزين 95 و91طبعا صفرت العداد اكثر من مره وعبيت 95 ولمافضي التانكي تماما عبيت 91وصفرت العداد النتيجه العزم نفسه ماتغير علي السرعه نفسها الا الفصله المسافه نفسها حوالي 480كيلو الفرق فقط في دفع الفلوس


up 0 down 0
البراق15 1692
قبل 9 سنه و شهر



انا مجررربها موتري فكتوريا 2003 جربتها فيه كان فيه تقطططييع من قببل وتفتفه ورراح التقططيع لكن بعد شهر واحد خبطت المكككينه وطقيت مكيينة من التشليح امريكيه


up 0 down 1
شكلين مابحكي 3159
قبل 9 سنه و شهر



شكلها تورط وقال خلني اورط خلق الله
طيب ما يصلح احطلها ردبول


up 3 down 1
abud2010 85
قبل 9 سنه و شهر



 انا حطيت في الرديتر قهوه 
لان ارتفعت الحراره زمان ولا معي مويه وما معي الا ترمس قهوه 
وضبطت الاوضاع بس صارت فيها تفتفه الفتره الاخيره 
التفتفه وقتها دليل خرمه على القهوه 
فنضبط لها دله كل شهرين وانتهينا 
مدام الدعوه سوالف  وش ورانا 


up 8 down 2
salman1899 140
قبل 9 سنه و شهر



سلم لي على جلد البلوف


up 1 down 0
ابو راكان تبوك 956
قبل 9 سنه و شهر



جد لو حطيت قهوه في الرديتر تضبط الحراره ؟ طيب قهوه بارده ولا حاره ؟ وهل اكثر فيها الهيل ؟


up 0 down 0
ملك الخطوط 235
قبل 9 سنه و شهر



اخوي ترا الهيل يأثر على البلوف والباخاخات
حط بلاك كوفي امريكيه وراح يصفى الموتر نتيجة الروقان
هههههههههههههههههههههههههههههههههه والله انكم شعب ماله حل



up 0 down 0
عـادل عبدالله 4751
قبل 9 سنه و شهر



الخوف من اللي يجربها أكثر من مرة ، تروح عليه جلد بلوف أو رؤوس البخاخات تتأثر
 
 خبركم القاز مادة منظفه وقويه ويمكن تأثر على أي قطع مطاطية او ربلات


up 1 down 0
فكوك 1684
قبل 9 سنه و شهر



شكلين مابحكي <<الله يوسع صدرك بالعافيه مثل ماظحكتني


up 0 down 0
الــجــوكــر -3
قبل 9 سنه و شهر



قريت الموضوع في منتدى اخر من كم شهر 
الزبده قررت اجربه على الددسن 
نفس الطريقه بالضبط
والسيارة طبعا كانت صافيه ومن افضل ما يكون
سويتها ما مشيت عشره كيلو الا وهي تقطع
رجعت البيت ومشيت بعد نص ساعه طفت
السيارة حاولت يمين يسار نتع عيت تشتغل
وطلعت خبطت الماكينه 
الله يسامح الي يكتب وينقل دون يتثبت


up 1 down 0
الرجل الخير 61
قبل 9 سنه