وظبت المكينه وعندي اسئله

هلا اخوي انصحك بزيت سوبر جي تي لان اللزوجه فيه عاليه اوزن بلوفها بعد التمرين حدود 1500 كيلو الى 2000 كيلو

الله يسعدك ي بندر سوبر جي تي ممتاز بس فكرت اخذ زيت 10 في 40 لاني موظب صح ولا ما ينفع لان الكرسيدا قديمه

ابو نمر امس تفتفه واليوم موظب يعني تمزح ولا كيف القصه ملخبطه معايا
المهم الله اعلم بنيتك وبكلامك وان شاء الله يكون كلامك صح المهم الزيت الترا7هاذا المنصوح فيه بعد التوظيب يتحمل والاوزن حق البلوف االميكانيكي يوزنه ببلاش بعد1000حاول ماتدعس وتتعب المكينه وماتشغل المكيف وحاول تمسك خطوط بدون مكيف برضه لاتشغله واذا تروح لاي مكان فك الكبوت وسيبها شغاله هاذا احسن واسرع تمرين من ميكانيكي مبدع ومعروف
وكم كلفك التوظيب كامل بالقطع وشغل اليد

الزيت سوبر جي تي والبلوف لازم توزنها بعد التمرين

اثناء التمرين لا تشغل المكيف ولا تدعس ولاتسرع ولا تحمل عليها احمال ثقيله

راعي البي ام الله يسعدك احمد شريف اول شي التفتفه باقي يعني اذا وظب الواحد مكينه ما عاد بتفتف اشك الكمريتر وظبت وكاله 5500 مع شغل اليد

خذ زيت فوكس سوبر جي تي( 20w في 50 ) ولا تخاف انا وظبت سيارتي هايلوكس 97 قبل 7سنوات وما اغير الا سوبر جي تي الاصلي ولاتنسى ان الصيف جاء والسياره بتحمى عشان كذا لازم الزيت تكون لزوجته عاليه

الكمبريتر***

بصراحه ما عندي خبره عن التوضيب و وزن البلوف والخ...

لكن بعطيك نقاط مهمه أثناء تمرين المكينه .. مدة التمرين 1000 كيلو :

1- لا تخلي الـ RPM يكون مرتفع حاول تخليه 1.5 أو 2 أو 2.5 ( حسب السياره .. بعض السيارات حد الـ RPM قليل .. وبعضها حد الـ RPM عالي )

واذا سيارتك مافيها RPM لا تخلي المكينه تحن

يعني وش الفايده الواحد يمشي مثلا 40 وهو فاجر المكينه بالأول

2- لا تمشي بسرعه واحده يعني غيّر سرعتك مثلا 80 حاول مره تمشي 60 مره تمشي 90 والخ...

3- يفضل أنك ما تشغل المكيف ( اذا الجو حار شغله )

4- غير الزيت والسيفون اذا وصلت 5000 آلاف كم الأولى << للسيارات الجديده لأنه يجي فيها زيت خاص للتمرين من مصنع السياره

أما بعد التوظيب للأسف ما راح تلقى زيت التمرين في السعوديه ؛ لكن إستخدم الزيوت العاديه وغيّر الزيت والسيفون

أما بالنسبه لأختيار اللزوجه المناسبه بصراحه صعب ( يعني بالمكينه بعض القطع الجديده وبعضها لا ) بعض القطع ممكن تحتاج زيت خفيف وبعضها ممكن تحتاج زيت ثقيل

يعني بصراحه الواحد يحتار

لكن بشكل عام خير الأمور أوسطها

أثناء التمرين بيكون فيه رايش ( برادة حديد ) طبيعيه
ولازم تغير السيفون خلال الـ 5 آلاف الأولى .. أو خلال تغييرة الزيت الأولى
وطبعا لازم السيفون يكون أصلي وكاله ؛ احذر من التجاري

فيه خيار أقترحه عليك :

امش على الزيت 1000 كيلو ثم غير الزيت والسيفون
ثم
أمش على الزيت 5000 آلاف كيلو وغير الزيت والسيفون
ثم
خذ راحتك .. تقدر تغير الزيت كل 5 آلاف والسيفون الأصلي كل 10 آلاف

سبب الوسوسه والخ...

لأن خلال التمرين طبيعي بيكون فيه رايش ( برادة حديد ) + ما عندنا زيوت للتمرين اللي تقدر تمشي عليها 5 آلاف

عشان كذا أنا اقترحت عليك الخطوات اللي بالأعلى

ولا تنسى تستشير الميكانيكي اللي بيوضب سيارتك

الله يسعدك وين ما كنت ولايك على كل مواظيعك تستاهل
speed for ever

ابو نمر حياك وان شاء الله تمشيك الكرس العمر كله حافظ عليها وسيفون السياره انزل كيلو اثنين مستودع الامانه او وكيل معتمد وخذ سيفون للكرس لاتركب الي عند البنشري لانه مايتحمل الرايش وبراده الحديد ويمكن يصير فيه مشكله ويعطل المكينه مره ثانيه ركب السيفون عند البنشري وحط زيت الي تحبه وامشي فيها1000غير الزيت مع السيفون وبعدها حط زيت وامشي فيه 2500وغيره مع السيفون وبعدها ركب سيفون وزيت وامشي فيه زي ماتحب اتمنى اني افدتك