أضف سؤال أو موضوع جديد          

استشارة بتصليح سيارة

up 8 down 3
عبدالمجيــد 24
قبل 8 سنه و 6 شهر



السلام عليكم

بستشيركم ياشباب قدر الله علي وتهورت بالسرعه بلحق على الاشارة تعرفون الاشارت اللي تجي مقسومة يسار ويمين انا كنت مسرع وكان فيه هندي على اليمين بيطلع يسار نطل بوجهي وضربت فرامل وزحلقت السيارة وصفقت بالرصيف اللي بالنص وتعلقت السيارة

قدر الله وماشاء فعل السيارة تضررت والهندي سامحته لوجه الله باين عليه على نياته والعوض مامنه خير .
السيارة تضرر الجزء السفلي الكمر والاذرعة والصدام وحاجات ماعرفها ومامعي تأمين والخطأ علي 75% لأني كنت مسرع واعترفت بها الشي للعسكري مالي ومال الحرام

مالكم بالطويلة السيارة بتكلف 11300 بالقطع وتعديل مقدمة الشاص على كلام السمكرية وش رايكم اصلحها او ابيعها تشليح علماً اني ناوي اطلع موتر بعد شهرين من الان وتهقون ترجع مثل اول

السيارة كورولا 2011 شوروا علي بارك الله فيكم وهل ترجع مثل اول او لا وهل بتمسك سعرها عند البيع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله يا غالي اذا عندك قدرة بعها واشتري جديدة احسن لك,,,

لو تخصر 11300 وترجع مثل اول وكالة كان نصحتك بالتصليح,,,,لكن الحوادث القوية الي زي كذا صعب جدا ترجع شد بلد,,,

استشير واستخير,,,والحمد لله ع السلامة اولا واخيرا


up 4 down 3
asalami 2180
قبل 8 سنه و 6 شهر



بعها وبقيمتها اشتر اي سيارة جديدة او استاجر لان الاجار بالاشهر يجدعون لك قيمة طيبه وريح نفسك من القلق


up 3 down 5
ماشي بدربي 167
قبل 8 سنه و 6 شهر



الله يعوضك 
وتحياتي للييقل قطع الكورلا رخيصه 
والله صديق لي تثؤيبا نفسالصدكه بطن موتر النترا ب 3500 2012 


up 3 down 6
lolo-ss 4514
قبل 8 سنه و 6 شهر



تقريبا نفس الصدمه 
اسف كتبت وانا منسدح ههههههه


up 3 down 4
lolo-ss 4514
قبل 8 سنه و 6 شهر



الحمد لله على سلامتك في الحديد وخيرة ان شاء الله 
شوف اخوي دامها وصلت الشاص بع لان حتى لو صلحتها وبعتها يمكن ياخذها احد غيرك وبتبدا خرابات 
بعها بحالتها وان شاء الله تجيب لك سعر طيب دام نيتك صافيه وانت بتشتري سيارة بعد شهرين استاجر في هالشهرين
والحمد لله على سلامتك


up 3 down 1
سلطان سعد 1014
قبل 8 سنه و 6 شهر



اتوقع اذا ماوصلت المكينة والقير والموتر ممشاه طيب صلحه لكن بيطلع لك تهريب هواء يعنى تنسيم واتوقع انها تكلف اقل لكن سعر القطع اصلي بكم وبعدها خذ من التشليح زي الكمر والحاجات اللي مايضرها طول فترة الوقوف 


up 2 down 2
ابوابراهيم ksa 1391
قبل 8 سنه و 6 شهر



نفس الي صارلك صارلي زمان وصلحتها بس ترا ما توصل 11 الف انت لو تركبلها قطع تشليح وقطع تجاري مش حالك وتبيعها
والله انا صلحتها واستخدمتها وندمت اني ما بعتها الصدمه الي تجي من تحت حقيره خلاص لا يمكن ترجع زي اول زي وزنية الوكاله احسن شي صلح وبيع


up 2 down 1
ملك الخطوط 236
قبل 8 سنه و 6 شهر



يا الطيب اذا تبي تبيعه راسلني على الخاص


up 2 down 2
المشيقح 102
قبل 8 سنه و 6 شهر



صلح والكمر لاتعدله اشتر وكالة
والله ان تبيع وتطيح بشي اردى من اللي معك
واللي يقول ماراح ترجع ووزنية وكالة شكله موديها عند سباكين



up 1 down 6
ما بنكسر صابر 2688
قبل 8 سنه و 6 شهر



بيعها اذا تاثر الشاصي الي هو اساس ثبات السيارة والاجزاء الي تحت لايمكن ترجع زي اول بيعها وزيد عليها فلوسك واشتر جديدة احسن لك صدقني


up 4 down 0
رايق السيارات 588
قبل 8 سنه و 6 شهر



وش قصة الي يسوي ديس لايك !!! يالي تسوي ديس لايك اتفووو عليك



up 2 down 0
ملك الخطوط 236
قبل 8 سنه و 6 شهر



والله اذا انت بتصلح وبتستخدم ماانصحك بيعها تشليح والله يعوضك

لانها صعب ترجه شدبلد الشاص ومضروب وحتى لو تعدله فتره وترجع نفس اول اتمنى اني افدتك
واذا صلحت وحبيت تبيعها نصيحه لاتخفي ضرر الشاص للشاري لانها ذمه.


up 0 down 0
ksa4865 44
قبل 8 سنه و 6 شهر



بيعها بحالتها الراهنه

والله يعوضك

لاتصلحها لانك بتتعب ومابتجيب لك قيمه مستقبلا لانك حسب كلامك منت ناوي تستخدم ناوي تبيعها بعد شهرين


up 0 down 0
mr.linux 108
قبل 8 سنه و 2 شهر