هل يوجد فرق بين سياره الصاله للوكيل والمعرض بالحراج

مافيها ايشي نفس اللي بالصالة بس الوكالة تبيع على المعرض بالجملة بسعر اقل والمعرض يبيع علينا بسعر اقل بقليل من الوكالة 

مافيه اي فرق حتى نفس الوكالة ماتعرف انت شريتها من الوكالة او معرض وانت قرر ايهم من المعرض او الوكالة مره الوكالة اغلى ومره ارخص فانت خذ الارخص

كلها جديده اتمنى شتري سياره جديده من وكيل ولا برى بس جديده احسن من المستعمل كله خرابات

السيارات الجديدة الي في المعارض نوعين




النوع الاول سيارات الوكالة نفسها لكن المعرض يبيعها كـ موزع يأخذ نسبته من الوكيل المحلي 
وهذه السيارات نفس سيارات الوكالة ولها سجل عند الوكيل ومافيه فرق بينها وبين سيارات الوكالة المسجله عندها




النوع الثاني السيارات المستورده من خارج البلاد (الخليجية) أو وارد الاردن
تختلف بحسب نوع السيارة فبعض الشركات تضع ضمان دولي لسياراتها مثل فورد وجي ام ودودج ومرسيدس 
هذه السيارات ضمانها دولي في كل مكان في العالم تستطيع ان تستفيد من خدمات اي وكيل 




بعض الشركات عندها ضمان "اقليمي" بمعنى ان كل اقليم له ضمان خاص 
مثلا في الخليج سيارات تويوتا ضمانها اقليمي يغطي دول الخليج فقط 
وأيضاً هيونداي ضمانها اقليمي بنفس طريقة تويوتا 




عبداللطيف جميل يستقبل السيارات الخليجية 
ووكلاء تويوتا في الخليج يستقبلون سيارات عبداللطيف جميل وهكذا 




وكلاء هيونداي ايضاً بنفس الطريقة 
أحيانا بعض سيارات هيونداي وارد الاردن لايستقبلها الوكيل اذا كانت من خارج نطاق التوزيع الاقليمي لأن الاردن يستقبل
سيارات هيونداي من اكثر من مصدر ولهذا احيانا تجد ان بعض سيارات هيونداي وارد الاردن لا يشملها الضمان لأنها
في منطقة غير المنطقة المخصصه لها 




اتمنى انك وجدت الافاده 

الفرق في السعر مثلا عند الوعلان ٦٤ ألف وفي المعرض ب ٦٧ ألف هذا الفرق

مافيه فرق كلهم سوا وتسوي صيانة فالوكاله

حبيبي فيه معارض موزعين معتمدين تجيك بطاقه جمركيه

وفيه معارض لوحات

البطاقه الجمركيه يبدء ضمانها من يوم ماتطلع اللوحه

والمعارض الي تحصل فيها لوحات هذي ضمانها بدء ويكون عدا عليه شهر شهرين او ثلاثه

طبعا اللوحات تكون ارخص من الجمركيه والمفروض ارخص بـ 5000
بس بعضهم يكون الفرق بين الجمركيه واللوحات فرق 3000 وهذا قليل

اقو ل لك على مسأله مهمه جدآ أخذت لي ﻻندكروزر 2010 جديد
اصفار من معارض خميس مشيط وهو وكيل لعبداللطيف جميل 
وبعد ان مشى معي 34000 كيلو نويت ابيعه لحاجتي للماده
في بيتي الجديد ونزلته المعارض وشافه احد الزملاء وقالي فيه
رش الباب الخلفي يمين والرفرف الخلفي يمين انا والله انصدمت
قسم بالله معي ما احد يسوقه غيري عندي سائق هندي قسم بالله
يغسله ويرجعه غير كذا نهااااااائي مايلف طارته
لذلك انا حالف بالله ما آخذ غير من الوكاله واشيكه بعد

مافيه فرق اهم شي يكون الضمان مختم ختم الشركه الشركه اساس نصب فاضي موقفينها بحوش ورا الوكاله وبدون مضلات ومن غير تدفع في بعض الشركات رسوم الاوراق 
افضل المعارض وعادي حت الصيانه تدخلها الشركه 
بالنسبه لخوي عبدالله تصير في كل الشركات سياره تندق يرشونها ويبيعونها وبعضها يحطونها ضمن العروض بس تقدر تشتكيهم بهاذي ان السياره مرشوشه وانت اخذها وكاله 

الله يجزاكم خير جميعا