أضف سؤال أو موضوع جديد          

غيرت زيت القير

up 4 down 0
المشيعلي 454 3369
قبل 6 سنه و 6 شهر



السلام عليكم كيفكم شباب

المهم مالي بالمقدمات ندخل بالموضوع على طول

مره الوالد اخذ موتر وقال يبي ينفضه ويصلح كل الخرابات اللي فيه وكان فيه عكس يمين وعلبه الاديتر ومحتاج تغيير زيت قير ومكينه

المهم زيت القير كان قالب لونه يميل للاسود اكثر وقلت للوالد لاتغيره ترى القير ممكن يخبط او يخرب وابلش بعدين وغيره

ومن يوم غيره والقير ماهو مضبوط قبل مايبدل واحيانا يرجع نمره من كيفه ووداه ابوي للورشه وسوى تظيف وضبط

والحين ماشي على الزيت فوق 800 كيلو طبعا غيرت الزيت والفلتر ووجه الكارتير والحين القير اذا شديت عليه بالقومه اول ماامشي مايبدل الا لين يصك الضغط 6 قبل الخط الاحمر وبين 3 ونص الى 6 يقعد يقطع مثل الموتر اذا فصل واذا بدل ثاني تبديله صار التبديل بطيء يعني لو اني شاد على الموتر شيء بسيط مايبدل الا لين يوصل الضغط على 6 وصوت المكينه احسه متغير اقوى من قبل



ومشكورين مقدما واسف على الاطاله

السياره كامري 2003 قير اوتو الزيت وكاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أخوي شوف يمكن الزيت ناقص أو زايد والله أعلم ..


up 1 down 0
عاشقـ الماركيز {1991} 3502
قبل 6 سنه و 6 شهر



الزيت عايرته عدت مرات والسياره بارده وحاره وفي كل الحالات طلع كويس لازايد ولا ناقص الحمد لله


up 0 down 0
المشيعلي 454 3369
قبل 6 سنه و 6 شهر



طيب رجعه للي  صلحته عنده قبل كذاا


up 2 down 0
صوت العزاوي 528
قبل 6 سنه و 6 شهر



صوت العزاوي ايه انا بروح له اليوم العصر ان شاء الله

بس ابي استفسر من الاخوان قبل لا اروح له ثم يقول عند كذا وكذا ويقعد يتفلسف ابي العلم الاكيد عشان يوم اروح له وانا عارف المشكله بدون فلسفته

وتخبر حقين الورش وحركاتهم



up 0 down 0
المشيعلي 454 3369
قبل 6 سنه و 6 شهر



بصراحة ولاتزعل قد صارت معي
(القير بيودع!) بيمشي كم يوم بعدين مايعشق ابد يبتل بالاول ومالة الا التوضيب


up 2 down 0
ما بنكسر صابر 2690
قبل 6 سنه و 6 شهر



مشكور اخوي ماينكسر صابر ع مرورك

والله عاد القير اني جالده جلد اني ادوس له لين يقول بس

لاكن الله يستر بس


up 0 down 0
المشيعلي 454 3369
قبل 6 سنه و 6 شهر



ياأخي انا صاحب ورشه ودايما اذا جاني زبون يغير زيت قير وشفت الزيت بدا يتغير لونه انصحه مايغيره - لان الرايش والكربون الي في الزيت المحروق يمشي حال القير نص العمر- والزيت الجديد يطلع علته والمصيبه ان لو ترجع الزيت القديم ماعاد يضبط

طبعا يجي السؤال المنطقي الي دايم يسألونه ==> ليش حاطين ان لازم تغير زيت القير كل فتره وفتره في الكاتالوج؟

الجواب: اكيد يلزم تغيير زيت القير كل فتره وفتره حسب نوع السياره والغالب والاحسن عندي كل 100000 كيلومتر بس فيه ناس يمشي اكثر من اللزوم الين تتجرح كلتشات القير بعدين يغير الزيت ويعميها


وانصحك يااخي العزيز انك تدور قير شد بلد مو مصلح ويكون زيته نظيف وتركبه وتفتك من وجع الراس




up 6 down 1
mjamal337 11
قبل 6 سنه و 6 شهر



مشكور اخوي mjamal337 والله يعينني على وجع الراس من هالقير


up 0 down 0
المشيعلي 454 3369
قبل 6 سنه و 6 شهر



انا مع الاخ مجامال337 انا صاحبي معاه لومينا 2006سته سلندر ال اس اقل مستوى ماشي عالزيت اكثر من 160الف كيلو والحين لمن جاء يغيره لان سود الزيت عالاخير قاله الميكانيكي لازم انزل علبتين وازود علبتين وتمشي اسبوع وترجع وينزل علبتين ويزود علبتين لين مالزيت يرجع جديد اول مره نزله ركبت معاه السياره القير يطق عالثاني بحكم الزيت والمره الثانيه ركبت معاه في تحسن كبير وبكذا يرجع الزيت جديد من الحركه دي ويرجع القير يعيش اما انتى الوالد الله يهداه جاب العيد الله اعلم يمكن القير يعيش ويمكن يخبط الله اعلم بس انتبه والله يعينك وروح للميكانيكي وقوله السالفه وشوف جوابه وايش حيقولك وباذن الله يسيره ادعي رب العالمين والله ييسر الي مايتيسر ادعيه والله يعينك


up 1 down 2
احمد شريف 3217
قبل 6 سنه و 6 شهر



مشكور اخ احمد الشريف

طيب ياشباب لقيت الخرطوش حق البخاخات منقطع اللي يجي من القربه

هل ممكن ياثر على اداء السياره زي كذا


up 0 down 0
المشيعلي 454 3369
قبل 6 سنه و 6 شهر