استفسار عن حراجات الرياض جعل بوكم في الجنة

الواحد مايدري وين رزقه فيه شف اللي يناسبك ورح

والله اتوقع الشفا افضل من النسيم في البيع والله اعلم عاد الارزاق بيد الله

شف يابعدي في النسيم تقدر تقول 60% شريطيه و 40% يدور له موتر و 10% فاضي وكارشته ام العيال

الشفاء 80% شريطيه واكثرهم ابو يمن

اافضل انك ترجع للنسيم واكيد راح يجيك شريطي ويقولك ليش مابعت قله سررررررررررررها

ومعروفه اسعار الافجي 2010 يعني تقريبا النظيف منها بـ 115 وتزيد شوي

نصيحه  اخوي وديها النسيم بس انتبه لا تدخلها  ع مقرفون   كلهم شريطه 

خذ فره على معارض النسيم بسياره ويجونك الي  يبون السياره تحصل واحد يوقفك ويقول كم سيم وكم  وانت عاد حد موترك  عليه 

الشفا   برضو نفس كلام لا تخش في الساحه على مقرفون  خذ لك لفه  مع ناس يجونك زباين يوقفونك 

كلهم يمتلئون بالشريطيه الحرامية الي اليهود مايسوون سواتهم

اخوووي اذا بتبيع بالنسيم واذا بتشتري الشفاءء

اخوي صادق ومعروف هالشي بيع بالنسيم واشتر من الشفا

اخوي انصحك بالنسيم لكثرة مرتادي السوق ..والواحد وانا اخوك مايدري وين رزقه ..احيانا وانت داخل للمعارض ...واحيانا اذا طفشت مره وتجي تطلع يجيك رزقك ..

اهم شي وانا اخوك توكل علي الله وربي يبي يرزقك ..حاول تروح بدري شوي علشان تقدر تدحل ..تعرف الخميس زحمه الكل فاضي ..

النسيم شريطية معرووووف عنه معارض مصممه برفاهيية وخذ سعر نار

الشفا سياراته انظف من النسيم خذ من الشفا تدعيلي

اذا انت مستعجل على البيعة بع في حراج الشفاء في الساحة عند الممشى اذا مطول وتبيه يقعد شهرين الى ثلاثة اشهر خلة في معرض او صالة سواء في النسيم او الشفاء والله يوفقك