مو كل من ساااام اشتري

انااؤيد فكرتك اخي لازم نضع حدا لهذ المشكلة 

اين انت يا مشرف الموقع 

الشريطية هنا  آآآآكثر من الحراج 

فلتضع حدا لهذه المشكلة يا مشرف ؟؟؟؟

نعم كلامك صحيح وهذا اللي يصير الان في الموقع اشياء اقسم بالله توجع الراس وانا مستعد الان اجيب لكم اعلانات تتوافق تماما مع كلام صاحب الموضوع 

جزيت خيرا حبيبا واتمنى هالكلام يوصل للمشرف عشان لما يشوف واحد يتلاعب بالاسعار يطير عضويته عشان نفتك من هالاشكال

بالتوفيق ولك احلى لايك ومشكور وما قصرت

الظاهره هذي موجوده بكل مكان وبكل وقت 
وباي سلعه من سيارات الى عقار الى اي مجال فيه سلعه للمزاد

برى النت فيه شي اسمه عربون


داخل النت مزاداتنا متاخره


في مزادات للسيارات عالميه او مواقع مختصه ببيع السياره

طبعا الحاضر الناضر والسيارات تكون مفحوصه وعيوبها ظاهره للزباين




بس من شروط المزاد

التسجيل برقم جواز السفر
ومعلوماتك الخاصه
بالاظافه الى عربون
١٠٠٠ الف دولار
يطير اذا رست او وقف عليه وماشراها تطير الالف


كذا الشغل السنع

ويرجع وينزل اعلان جديد ويقول التفاصيل بالاعلان الثاني يرجى الضغط على الاسم هههه والا يحدها ب 60 وهي ماتسوى 45 والله اني افرح واقول كويس تبقى بحلقه وتتربى بعزه والا يرجع يدور في جواله ارقام الناس اللي ساموها له قبل 3 شهور عزيزي / اللي يبي يبيع بيبيع وربي بيوفقه واللي طماع بتطيح بكبده سيارته

اتصدقون لو يحطون 
خاصيه المزاد برقم السجل المدني
وعربون الف ريال


لينظفون المبزره من الموقع
اللي توقف عليه السياراه ومايشتري تروح عليه الالف



بس لازم تكون فيه جهه معتمده تقوم بالفحص الشامل واصدار تقارير


كذا شغل احترافي

والسلعه تمشي وماتوقف
واللبايع يستفيد والشاري يستفيد بعد

كلامك صحيح

لكن الشكوى لله

عربون الف صعبه شوي راح يتصل بالرقم 
بس لو كانت ١٠٠ ريال اشوفها طيب الئ حد ٥٠٠ 
ريال بشرط انه في حال زاد عليك شخص 
يسقط عنك انك ملزوم بخسارة السلعه 
بكذا راح يتفهمون الي يسومون ولا يرفعون الاسعار 
بشكل جنوني اما من ناحية تخريب او غيره 
اتمنى من الاداره تطبيق هذا القرار 
شعبية الموقع تزيد يوم عن الاخر لي سنتين مسجل 
وشبه يوميا اشيك علئ المعروض 
اذا كانت الاداره متخوفه من العالم تروح فانا متاكد 
١٠٠٪ ان فيه ناس بيعجبها القرار وتعجبها الفكره 
وتعويض المبلغ يحسب من العموله الي بيدفعها البايع 
وصلئ الله وسلم على سيدنا محمد 

صعب اترجاك انا اتابع مزادات السيارات باليابان

الموقع لديه جهة فحص اقوى من فحص الوكاله

السياره المرشوش فيها رفرف مثلا يحط علامه x على الجزء المرشوش بالسياره
وجميع الاعطال
واذا مرشوشه يحط بالبودي 0من5

ورقم العداد يسجل بعد


وبالنهايه يعطون السياره تقدير من 5

 كل شي مصنف حتى التالف يكتبون عليه تالف

علشان كذا لاتزاود على الشلعه وانت ماراح تشتريها بعيوبها او بغيره

تزاود ويوقف عليك المزاد وتلف وتدور

تطير عليك ١٠٠٠ دولار
حدود ٤٠٠٠ الا ف ريال

حتى لو السياره قيمتها ٢٠٠٠ ريال




هذا انا اشوفه افضل 
١٠٠ و ٢٠٠ ريال

هذا عربون اللي يبي يخرب بيعه او ماراح يشتري

وش المانع ان يصير الموقع بنظامين

مزايدة مباشرة في الوقت نفسه 
أو عرض بدون مزايدة بالحد فقط

الي يبي يزايد يحط بياناته وعربون 1000 يرجع اذا ما شرا شي 

كذا كل مزادات العالم والحين صارت المزادات الكترونية مايحتاج تروح وتزاحم الناس 

اتمنى من ادارة الموقع تشوف هالاقتراحات لأنها بناءه صراحة 

مدرس عاطل 

معك في الفكره حلوه 
لكن وين تجيب محل عندك بالسعوديه 
محل كشف سواً كان يعطي تقارير عالميه 
او تقارير بكل امانه ما فيه حتئ ان وجد 
بيكتب بنهاية التقرير المحل غير مسؤل 
وغيرها اذا كنت بتشتري سياره وواجهت 
صاحبها وجيت تبي تكشف عليها وهو شريطي 
يوديك لمحل يعرفه قلنا ما يعرفه بس صار متعامل 
مع كذا فحص ويبخشش العماله لاجل يغشك بسلعته 
انا ماني معارض بس ابي شي متوفر لدينا 

ياسلام عليك لبا قلبك



اجل راح يستمر هالوضع وعلى هالحال ويكثر الغش والتدليس والتخريب

ولا فيه اي مصداقيه واي احترافيه


حتى لو ضمنت الشاري بعربون وسجل مدني

ماراح تضمن البايع وسيارته 
وشهي من لحيه ؟؟؟؟؟!!!!!!

مثلاً موقع حراج يتعاقد مع مركز فحص معروف مثل كارتك ويتم ارفاق نموذج الفحص ولما يطرح العميل السياره مرفق فيها تقرير الفحص ومايقدر يزاود على السياره الا الناس اللي عندهم عضويات وفي حسابهم مبلغ عشان يتم خصمه في حال عدم الجديه

كارتك عير موجود في بعض المدن 
اجل بيكون تطبيق القرار على الرياض فقط 

ممكن يتم التعاقد مع اكثر من مركز المراكز المشهوره في المملكه

نتمنئ من الاخ root يعطينا رايه 
وينظر لاقتراحاتنا الي تصب في صالحنا 
وصالح الموقع وما نحن الا اخوه 
الف شكر لمن طرح الموضوع 
خالد سعيد والاخوه المشاركين 

اشكركم جميعا علي تفاعلكم الرائع لموضوعي واتمني والله ان يتم وضع حد لهذه الظاهره انا قبل كم يوم شفت اعلان بيع سياره صاحب السياره وضع حد معين فيها مثلا اربعين الف عاد ساموها المخربين ايه والله انهم مخربين باكثر من اربعين الف عاد بالله وش يسوي المسكين صاحب السلعه يستناهم لين متي ولكن صدق من قال {مو كل من سااااام اشتري }

ياحبيبي الي يقول حط عربون مائة ريال بيقول بروح انزل معارض الشفاء او النسيم الشوف السيارة الي ابغاء واشتري على كذا الناس بتخاف انا قبل فترة لقيت اعلان عن كامري 2011 كان حاده للصامل وعلى كلامه 55000الف حد ليس سوم راسلته في الخاص قال تعال شف السيارة ومايكون الى الاخوة الي في المنتدى رفعوة 65000الف كذبه او حتيال مدري الرجال حده بدون مفاوضه الى سام 65000 وهو كذاب وش استفاد جيته بعد شهر ومابيعت قلتله خير الكلام ماقل ودل بعطيك 55000الف الي طلبته وباع على زميلي لاكن الي يزود وهو كذاب وحالف انه يسوم وهو صادق / قال تعالى ( وانه قسم لو تعلمون عظيم) صدق اللع العظيم