أضف سؤال أو موضوع جديد          

صراحه الوضع ماينسكت عليه مره مره

up 3 down 2



السلام عليكم ورحمه الله وبركاته

يااخوان اليوم حصل في حارتنا موقف صراحه ماينسكت عليه مره مره مره

السالفه وهي


ان فيه اثنين من عيال الحاره متهاوشين مع بعض من فتره وجاء واحد منهم قبل كم يوم وطلع لـه هايلكس 2012 ماشاء الله عليه
المهم جاء وقت الظهر اليوم الا فيه راعي سطحه يحمل الموتر على السطحه وطبعا فيه رجال من جيرانا سئله قاله وين بتودي الموتر قاله ان الموتر فيه عطل وبنوديه الوكاله هذا الكلام اللي يقوله السوري لـ شايب الجيران
المهم ركب السياره وسرى طلـع الولد يدور الموتر يمين يسار ماحصله شد راسه
دق على الشرطه وقاله السالفه كذا وكذا
الا ابو الجيران يقوله ان فيه راعي سطحه حمل الموتر وسرى به وانشهد بالله ان الشايب ذكي وفطين اخذ رقم لوحته لان وقتها ماحصل راعي الموتر والشايب مرت عليه سوالف وقصص المهم اعطاءه رقم اللوحه ولد جيرانا اخوه عسكري في المرور بالناصريه مامرت نص ساعه الا اسم ورقم السطحه عنده دق عليه وقاله وين وديت السياره قاله تبيها رح لـ استراحه على طريق ديراب وبتحصلها واللي قالها شلها صاحبها اسمه كذا وكذا طلع الورع اللي متهاوش معه والحمد لله وصل للسياره ومابعد فكو منها اي قطعه

المقصد من هل السالفه ان معاد به ضمير بالناس والامن خلاص ،
وعايدي جدا احمل موتر واروح افككه وابيع قطعه تشليح حتى لو ماكنت اعرفك ولا افحط به وافلها ؟؟؟؟؟؟؟؟؟؟؟؟؟؟؟؟؟؟؟؟؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لاحول ولا قوه الا بالله...الله المستعان بس


up 0 down 0
الهن...ا 1709
قبل 7 سنه



صاحب السطحه شلون سحب الهليلوكس وماسئل عن راعيها وانه الاستماره باسمه واتاكد انه السياره باسمه قبل مايسحبها ؟ اتوقع السطحه متعاون معاه


الله واعلم ياشاقح والرجال اشتكى على راعي السطحه واللي متهاوش معه في الشرطه
والله يسهل اموره وانا قلت له اكيد انه يعرف ولا معطيه دراهم وقاله شلها وتعال
ومعروفين اصحاب السططحات خااصتا السواريه


والله ما اقول الا بيض الله وجه الشايب اللي اخذ رقم السطحه


up 4 down 0
أبو مجدوع 3343
قبل 7 سنه



بالسهولة هذه هههههههه
والله لو الشرطة لها هيبة كان ما تهور وسرق الموتر !! بسسس شو تقول من أمن العقوبة سآء الادب.......
وراعي السطحة يا غبي يآ عاارف ان بيطلع من القضية مثل الشعره بالعجينة !!
والملاحظ اللحين اغلب السطحات سعوديين بس السوري شو جااابه لهآ....
انشالله يتعاقبو شر عقآآآب الله يسسسسود وجيههم&هو البلد فلتآن يا جمآعة ^_^



up 2 down 0
حربي666 39
قبل 7 سنه



راعي السطحه معهم ..... المرور مانع تحميل السيارات الا بورقه موقعه ومختمه منه لو هي مصدومه 

او ماتمشي ... او اظهار اثبات السياره ..... عندنا واحد من الشباب ورط صاحب ونش بالخط السريع اخر شي

يوم جاب الاثبات من البيت فكوهم ..... الحمد لله مال الحلال ماضاع .... والله ماعاد في امان..


up 1 down 0
gsxr_600 1015
قبل 7 سنه



حسبي الله عليه راعي السطحه هو من سانده والله حاله ... الله يعينه والله مشكله مو معقوله يكون مظلوم راعي السطحه لان الي خله يحمل حتى مفتاح مامعه !!!!!!
اكيد اغراه بالقروش بس صدقني مايتوفق والله غير ترجعله مدبله


up 1 down 0
الجنرال2012 6587
قبل 7 سنه



انا حاولت في راعي سطحه يشيل سيارتي ورفض لان الاستماره ماكانت معي وشالها بعد ما اخذ الاستماره مني وتأكد انها لي غرسيب راعي السطحه ذا شكله مشترك معاهم


up 0 down 0
قلم مائل 787
قبل 7 سنه



لاحول ولاقوة الا بالله
الله يهدي المسلمين الى السراط المستقيم


up 0 down 0
raji1 432
قبل 7 سنه



هل السطحات سرده مرده وبس 


up 0 down 0
المتنامي 360
قبل 7 سنه



لاحول ولا قوه الا بالله...الله المستعان بس




up 0 down 0
شيفرون 249
قبل 7 سنه



شكل راعي السطحه من بدون النظيم الي مسيطرين على السطحات وناشرين جرايمهم

على ذمة احدهم كان راكب مع شخص ... صار قدامهم حادث ...
قام اتصل الي مع المذكور على واحد وقال له ... فيه سياره توها مصدومه نوعها النوع الفلاني تجوز لك ولا ؟

وبعد ماسأله قال له انه يجي يسحبها وياخذها يبيعها


up 0 down 0
YASSER505 4165
قبل 7 سنه



السلام عليكم

أخوي اذا تبي الصدق ترا العتب موب على الورع، العتب على راعي السطحه والأمن، لو فيه أمن متشدد يوقفون راعي السطحه بانه ما يشيل سيارة الا باوراق رسمية تثبت ملكية الشخص للسيارة ، ويعاقبون من يقومون بغير ذلك ، كان تلقى السطحات تحسب الف حساب لهالقضية لكن عندك الامن الله يهديهم ويرشدهم الى الأفضل دايما، اما السطحات فهم يسترزقون وعاد شوف من الفطين فيهم ومن صاحب الذمة والضمير ومن فيهم اللي على نياته.


up 1 down 0
ww_____gustave_____ww 40
قبل 7 سنه



الله يطول عمرة هالشايب والنعم والله


up 0 down 0
بن هديله 38
قبل 6 سنه و 12 شهر