أضف سؤال أو موضوع جديد          

غيرت زيت الموتر واحسه انه زايد على النقطه فيه ضرر بالصوره

up 5 down 2
د.حراج -38
قبل 6 سنه و 2 شهر



السلام عليكم

يالربع انا غيرت الزيت للكامري اربع علب ونص مع السيفون واليوم الصبح اعاير الزيت حصلته زايد شوي فيه ضرر ولا اروح البنشري اخليه يسب الزايد ؟؟

مشيت عليه تقريبا 150 كيلو من غيرته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي اول ماتطفي السياره خله شوي وبعدين قيس مستوى الزيت وأول ماتطلعه شيء طبيعي بيكون زايد امسحه وبعدين رجع المعيار واسحبه مره ثانيه وبيطلع لك المستوى الصحيح .. واحرص انها تكون على ارض مستويه 


up 2 down 1
ابو سعود629 4702
قبل 6 سنه و 2 شهر



واذا سويت اللي قلت لك عليه وطلع نفس المشكله مالك الا تروح للبنشري ويسحب كمية الزيت الزايده لانها تضر .


up 3 down 2
ابو سعود629 4702
قبل 6 سنه و 2 شهر



انا مصور الصوره والموتر واقف له يوم كامل وعلى ارض مستويه في البيت وسويت اللي قلته كله





up 1 down 1
د.حراج -38
قبل 6 سنه و 2 شهر



اذا تكررت اكثر من مرة تضر جلد
المكينة لاكن مادامها اول مره ماعليها خوف ان شاء الله والافضل انك تنزل الزايد


up 2 down 2
hmada1213 2025
قبل 6 سنه و 2 شهر



اغلب الناس لازم يصير زايد شوي على النقطه
بس مو كثيررر
الحين انت مافي مشكله امش عليه 1500 كيلو والمره الجايه لما تغير الزيت مع السيفون خله يحطلك اربع علب وربع فقط , وباقي العلبه خلها معك في الشنطه اذا نقص زود شوي


up 1 down 2
متابع بصمت 92
قبل 6 سنه و 2 شهر



اخوي لو الكامري حقتك من الكوامري الي تنقص لاتلمس الزيت لمن ينقص يزبط بنفسه اما اذا مكينتك ماتنقص ولا فيها عيب الزياده البسيطه هاذي ماتضر ولو انك موسوس اسحبها بالبنشري


up 1 down 0
احمد شريف 3209
قبل 6 سنه و 2 شهر



اخوي وازيد عالكلام اذا العيار عندك النقطه الي فوق معناها فل والي تحت لوو وانتى زياده عندك لين الخط الاحمر انصحك تنقص لان الزياده حق ربع علبه وزياده اما اذا مكينتك تصرف فسيبه


up 0 down 0
احمد شريف 3209
قبل 6 سنه و 2 شهر



اذا انت صاب اربع ونصف مع السيفون خلها مايضرها اي شي
انا عندي كامري اصب اربع ونصف مع السيفون واذا عايرته طلع زايد والحمدلله مااشتكيت من اي شي

نصيحه لاتلمس اي شي خله طبيعي كذا


up 0 down 1
ابوحمد2009 1246
قبل 6 سنه و 2 شهر



نصيحه: أحرص دائماً على ترك مسافه بسيطه من المستوى المطلوب للزيت اثناء تعبئة الزيت للمحرك واحرص على مراقبة الزيت كل صباح خصوصاً اذا كان موديل السياره قديم شوي


والزيت اذا زاد عن مستواه ولو بشي بسيط يخرب عليك صوف المكينه مثل ماصار معاي في الكابرس واضطريت آخذ صوفه أصليه من الوكاله



up 1 down 0
al-samer2000 199
قبل 6 سنه و 2 شهر



هذا بلال الوجيه الزيت الزائد................انتبه اونا خوك


up 0 down 0
تهاااااويل 41
قبل 6 سنه و 2 شهر



الزيت للكامري ثلاث علب ونص نقص علبة ...


up 0 down 1
القاهر.. 12
قبل 6 سنه و 2 شهر



وعليكم السلام

أنت عب زيت بالكميه الموصى بها بالكتالوج

مثلا أنا سيارتي أكورد 2006 مكتوب بالكتالوج 4.2 لتر مع السيفون و 4 لتر بدون سيفون ؛ وأعبيها بالكميه هذي ويكون الزيت عند الحد الأقصى لكن ما يتعداه .. وهذا أفضل شيء برأيي

تخيل البناشر قبل كانوا يعبون لي 4 علب ونصف يعني 4.5 لتر .. يعني زايدين 300 ملي أكثر من ربع علبه .. ويصير الزيت فوق الـ MAX بكثير .. لكن الحمد لله ما أنفقعت ولا خربت صوف المكينه ؛ وصرت أدقق بكمية الزيت عند التعبئه

لا والمشكله يبخصوني بسيارتي ؛ يعني مسوين انفسهم فاهمين أكثر مني ومن كتالوج السياره ؛ وأتهاوش معهم اذا جاء يزيد الزيت عن 4.2 لتر

وترى (بعض) الكامريات تنقص زيت يعني انتبه لا تهمل زيت المكينه ؛ عاير الزيت كل 1000 كيلو
وخل معك كم علبة زيت بالسياره أو بشنطة السياره ؛ اذا نقص الزيت زده عشان تحافظ على المكينه

أنا سيارتي أكورد 2006 أربعه سلندر أمشي عليها 5000 أو 6500 كيلو .. ولا تنقص زيت .. وربي يشهد على كلامي

برأيي :

الزيت اذا كان زائد عن الحد الأقصى يعني فوق الـ MAX .. كذا يعتبر خطر على صوف المكينه ممكن تخرب وتهرب زيت وممكن تعدي على خير

واذا كان عند الحد الأقصى MAX لكن ما يتعداه .. يعتبر أفضل شيء < و نفس الكميه المكتوبه بكتالوج السياره

واذا كان الزيت بين بالوسط بين الحد الأعلى MAX والحد الأدنى LOW .. يمشي الحال

اذا كان الزيت عند الحد الأدنى LOW .. لازم تزيد زيت المكينه إلى الحد الأعلى MAX لكن لا يتعداه

اذا كان الزيت تحت الحد الأدنى LOW .. خطر على المكينه والزيت قليل


حسب ما قرأت بالمواقع الإنجليزيه :

الزيت اذا تعدى الحد الأعلى MAX .. يثقل على عمود الكرنك + يسبب رغوة بالزيت ( لأن الزيت الزائد يوصل عمود الكرنك .. وعمود الكرنك يدور بسرعه عاليه جدا جدا ويرغي الزيت ) والرغوه تؤثر على أداء الزيت والحمايه + يعدم صوف المكينه وتصير تهرب زيت وتنقص




up 5 down 0
speed for ever 3695
قبل 6 سنه و 2 شهر



نقص النص علبه الزايده

4 علب كامله او 4 و200 ملي وانتبه من الزياده


up 0 down 0
نوار الوذيناني 615
قبل 4 سنه و 6 شهر