تجاربكم الشخصية في التأجير المنتهي بالتمليك لتعم الفائدة ...

نظام مافيه خير . وتاكد ان سيارتك بتنصدم . او تنحك ^_^

مرحبا اخوي اغلب الناس ماخذين سياراتهم عن طريق بنك الاهلي وانا عارف ان كلهم ما يقرون الشروط بشكل كامل وواضح لان يوجد شرط اذا رجعتها لهم خلال اقل خمس سنين يحسبون لك 20 الف كيلو ب سنة واذا زاد يحسبونها عليك اييجار الافضل والاحسن انك تاخذ قرض وتشتريها كاش اخوي مطلع كورلا من ابو جميل دافعين اكثر من 20 الف ولا قدرنا نطلع تصريح للكويت يقولون جب كفيل عسكري خايفين تطلع السيارة ولا ترجع
وبالنهاية كامري مزيون ولا رنج مديون

نظام التأجير لبعض الشركات هو نظام التأجير المنتهي بالتمليط يشفطوك شفط وقليل جداً اللي نسبته زينه أكثر شيء بنك الراجحي وأقل النسب اذكنت بالرياض لاتتعدى البنك الفرنسي وبنك الرياض موجود في اغلب المدن

ليش الواحد ماياخذ قرض شخصي ويشترى سيارة باسمه ومتى مابغى يبيعه يبيعه 

واذا لاقدر الله وفصلت من عملك

اكبر ماعند البنك يحطك باالقائمة السوادء ( سمة ) 

وترتاح ماحد يجي يسحب سيارتك ولا شيء 

حرام شرعا ورجل اعرفه كل يوم حادث وتصليح وخراب من هنا ومن هناك ،، 

عفوا اخوي قصدك التاجير المنتهي بالنصب ماانصحك فيه وخاصة من الوكاله ياخذون تقريبا 30الاف فوق قيمة السياره يعني نصب عيني عينك وذا كنت بتاخذ سياره خذلك قرض وطلعها هاذي احسن طريقه

لو تبي تجمع من راتبك قيمة سياره ماقدرت ..

لاكن نظام التأجير والتقسيط بشكل عام مفيد لميسورين الحال . 

على الاقل تحط راسك ع المخده وتقول لنفسك طلعت براتبي سياره او بيت او زواج ...أحسن من غيري. لاكن لو تبي تجمعها اما تقصر على فسك او ماتقدر

بقول لكم تجريتي ونصيحه انحش من الايجار المنتهي بالتمليك 

طلعت ككامري ايجار منتهي بالتمليك 

سعرها كاش بحدود بحدود 82 الف احسبوها علي على خمس سنوات بحدود 119 الف. 

السياره ما كملت اسبوع معي

جتني صدمه بالرفرف خفيفه ...بعدها بكم شهر صدمني واحد من الخلف ,, بعدها بسنه ونص صدمة حمار اكرمكم الله على طريق وانا مسافر. طبعا تمرمطة ثلاث شهور بدون سياره وزود المرمطه اقصاد السياره ادفعها. كرهة السياره واخذة قرض وكيشتها وانا مغبون ومسروق عيني عينك و الشركة مثل النتشار كل ورقه تدفع عليها ,, السبب اللي خلاني مغبون 

دفعة اقصاد سنتين بحدود 40 الف + تكيش السياره بحدود 69 الف 
التامين عوض الشركة بسالفة الحمار 30 الف اصلاح ظبعا صلحو السياره واغلب القطع ابو كلب وتشليح 

قيمة السياره 82 الف وخلال ستتين اخذة الشركة من وراي بحدوود 140 الف بالله مهو غبن وسرقه عيني عينك 

يعني تقسيط المعارض افضل نفس الفوائد تقريبآ وتكون بأسمك

اسمع نصيحتي وانا اخوك ,, بقد ماتقدر ابعد عن التأجير المنتهي بالتمليك ,, هذا النظام مثل ماقال أحد الأخوان وضع لميسورين الحال ,, طلعنا لأخوي كيا قيمتها 36000 ريال كاش ,, وحسبوها علينا ب 52000 الف ريال تقريبا ,, يعني كم الفرق ؟؟ 16000 الف ريال !!!!! وغير كذا اذا صار عليك حادث لاقدر الله وصرف لك التأمين شيك راح تتبهدل وماتقدر تصرفه الا لمن تصلح سيارتك قبل وبعدين توديها للوكاله ويتأكدون انك صلحتها وبعدها يتأكدون  اذا عليك متعثرات بالاقساط يخصمونها من الشيك ,, وغير كذا السياره ماهي بأسمك وتحس انك مٌقيد , ولو تأخرت بالسداد يزعجووونك بالاتصالات ,, ولو مارديت عليهم وطنشت تنسحب السياره حقتك قصدي حقتهم  بدون علمك !! يعني ع طول اذا ماسددت وصحيت ومالقيت سيارتك لاتبلغ عليها روح للوكاله ع طول بتحصلها ,, وغير كذا تحس مافيها بركه ,, شوري عليك خذ لك قرض وطق لك السياره اللي بخاطرك وتكون بأسمك وحر فيها ..

والله مااخبر احد من اللي اعرفهم طلع سياره منتهي بالتمليك وتملكها ابدآ !! وهو صحيح حرام لأنه عقد بعقدين = عقد
اجار والثاني تمليك وهو البيع .. وهذا بالاسلام حرآم ".. عسى الله يكفي المسلمين من شر هالشركات والبنوك اللي يمصون
دم الواحد ..

كل فتاوي كبار العلماء تقول حرام ولو وداك البنك للمحكمة يحمون عليك وهو عقد باطل في الاساس والله نفسي أفهم انا سمعت انه مثلا اذا كان هناك دفعة اخيرة وماقدرت تسددها وحسبوها لك أقساط هنا يكون عقدين في عقد

احذر احذر احذر
 
 انا للأمانه ماجربته 

 لكن لي اكثر من ٥ سنوات اقرأ بمنتديات للسيارات وكل اللي جربوه يصيحون صيااااااح
 
 يكفيك أن القرض الشخصي : السيارة باسمك ، وتقدر تبيعها ، ونسبة الفائدة أقل 

  
لايهمك المتتهي بالتهليك حتى لو قالوا تأمين شامل وخربطه ، ترى هالنظام  حباله يعني مصيده
 
 
 الله لايوفقهم من بنوك يستغلون حاجة وجهل بعضنا ، والروؤس الكبيرة قاعده تتفرج ومادقت خبر

المشكله نظام عبداللطيف نظام قرصنه حتى إذا جيت تصلح على حساب التأمين الشامل يشفطون منك 500 ريال ويقول عشان دخول السياره طيب وين دور التأمين الشامل