وصيه خوي محتار معها بين سيارتين

مآ اوافقه صراحة

الاكسبدشن ممتاز وشوف انتشاره يثبت لك هالشيء ,

وسيع وقوي وسعره حلو ارخص من التاهو واليوكن وقطعه منتشرة

يا اخوان وبعدين وايش الحل معي متردد والله مره اقول مالك غير اكسبيدشن 2013 وريح راسك ويوم اشوف البرادو اقول والله مافيه غير الذيب مبيض الوجه وكاسر الظهر ...... الحل يالربع

كلهن سيارات زينه ماعليها كلام وموضوع فعلاً محير جداً
اذا تبي الوسع خذ اكسبديشن واذا اختر البرادو ركز على الخليجي فل لأن تانكي البنزين اكبر

عائلة كبيرة وراعي مدن وخطوط=إكسبديشن

راعي كشتات وبر البرادو مايعيبه شئ..إثنينهم نار على علم بس إختيارك حسب إستخدامك

الاكسبيدشن احسم من البرادو بالف مرة وميحتاج نقاش

علا حسب ان كنت راعي بر البرادو افضل وان كنت في مدينه وبر خفيف خذ الاكسبدشن

كلها ممتازات بس حدد طبيعة استخدامك


ان كنت راعي بر وصحراء ومقناص ومن جرف لدحديره وراعي مطامره واوديه وجبال لاتدور غير البرادو


وان كنت راعي سفر وخطوط ورمل خفيف وتبي راحه وفخامه عليك بالاكسبدشن

دام معاك 130 عندك التاهو هذا اول خيار وبعدهم انت مخير بين الاكسبدشن والبرادولا .. واساال عن التاهو.

اخوي الاكسبديشن فل كامل مواصفتها اطلق من التاهو و الجمس و البرادو وكل سيارة تعرفها 

عندك مواصفات خيالية للفل ( نظام انذار ضد السرقة, يركن نفسه بنفسه , يحذرك وقت الاصطام من خلال المراية الجانبية تسمى المنطقة العمياء , اذا غفلت او سرحت وامامك سيارة يقوم بتهدئة السرعة من نفسه حتى لو وقفت وانت مو منتبه يوقف بنفسه , مراتبه كهرباء تضغط زر تنصفط كلها والعكس, تحمل للحرارة وتوفير في البنزين و فخامة و فوق كل هذا امريكي و مأخذ 5 نجوم بالحماية ووقت الحادث لاسمح الله جميع من في السيارة يكونون بأمان لان السيارة مزودة بهيكل يتحمل كل الظروف و وسائد هوائية منشرة بالسيارة كلها , ووقت الانقلاب والعياذ بالله منه يحميك سقف السيارة واذا كنت رابط الحزام يحميك اكثر و هذا دليل على صلابته و متانته وتحمله لكل الظروف و فوق هذا عملي ويستحمل الكد )

خذه ونصيحة ابعد عن البرادو والشفر ليش؟ ( والله مشاكل قير و فضاوة في السرعة والتعشيق يتأخر وفوق هذا يستهلك بنزين وقطع غيار نااااااااااااااااار ,,,

الله يرزقك ويوفقك ونصيحة ادرس السيارة و مواصفاتها قبل تنوي 

صراحه اذا ماله طلعات كثير للبر اكسبديشن افضل راحه وفخامه وعمليه وعزل ومواصفات 

وكِل امرك لله عز وجل
استخير وربي يختارلك اللي فيه خير لك 

ابد لاتشاور وتحيير روحك استخير وخذ اللي ترتاحله ونفسك فيه واذا ربك ماكتب نصيب فيه صدقني ماراح تتم معاك
بالتوفيق...

الله يجزاكم خير جميعا ...... بس يا اخوان عشان اكون معكم بالصوره انا عاشق المصندق الفورشنر والبرادو غزاله البر كل ماشوفهم يفز قلبي ويوم اسمع المواصفات عن الاكسبيدشن حقيقه نفسي اشتريه بس والله ماهو عشقي ولا دخل مزاجي صحيح يتغلب على البقيه في ماذكرتم من امان وواسع بس القلب يطرب عند تايوتا والاهل يقلون الاكبيدشن اوسع وافضل وصرت معلق لاني في سماء ولا ارض ..... نفسي احد يقنعني بالاكسبيدشن 2013 القصير الدبل النصف فل وكون له من الشاكرين وانا والله استخرت الله وماخاب من استشار