أضف سؤال أو موضوع جديد          

ابي شوركم ابيع الكامري بعد الخساير ولا اخليها.

up 4 down 0
بن محمد 14 76
قبل 8 سنه و 2 شهر



السلام عليكم ورحمة الله وبركاته

ياجماعة قدر الله علي وشريت كامري 2005 ب33 ونص فل الفل وبعد استخدام 4 شهور توقفت علي وطلع راس المكينة خرباان
فوضت امري لله وصلحته ب3 الاف وشوي
وقالي الميكانيكي المكينه فيه ضعف ..... شنبر... لكنها تمشي والحمد لله المكينة ماينقص زيتها وعزمها تمام


ابي شوركم... ابيعها ولا استخدمها..... وكم تجيب لي اذا فيها شنبر 

والله ماهمني الخرابات كثر ماهمني اني اخذت الفلوس من الوالدة لان ماعندها غير الضمان والباقي من مكافئة الجامعه وانا ماودي اكلف عليها
والله يسامح الي باعني مع اني وديتها فحص وما طلع فيها شي بس الرجال سبق وفك الراس وركب توليف حسب كلام الميكانيكي

المهم قضاء من الله ولو تروح ااسياره بكبرها مكتوب ومقدر......بس صراحه انا كاتب الموضوع ابي شوركم لان ماعندي احد بعد الله غيركم

ودعواتكم بالتوفيق.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اخوي لاتخاف دام زبطت المكينه بس يقولك فيها شمبر اللميكانيكي متاكد من كلامه انه فيها شمبر لانك تقول الزيت ثابت ماينقص وترى حتى اذا ينقص طبيعي بحكم الكامري من صناعتها كذا امشي فيها والله يعينك واترزق منها لو تقدر واذا حبيت تبيعها بيعها بس بسعر طيب لايبخسك احد ويطيحك بالارض قوله السياره نظافتها كذا وكذا ويبغالها كذا انتبه من المحتالين
موفق اخوي


up 2 down 1
احمد شريف 3176
قبل 8 سنه و 2 شهر



يلي في بالي استمر ياشنب ههههههه 


up 2 down 3
اهمد 1201
قبل 8 سنه و 2 شهر



لا والله دامك صلحت لاتبيع


up 3 down 1
ما بنكسر صابر 2688
قبل 8 سنه و 2 شهر



وحتى لو شريت سيارة مستخدمة وردة صدقني راح تدفع ولو على الاقل اشياء استهلاكية


up 3 down 2
ما بنكسر صابر 2688
قبل 8 سنه و 2 شهر



شف مدامك تورطت  رح اتفق مع المكينكي يزبط المكينه وقله اخر الشهر حقك عندك اهم شي تعطيه حقه وتثبت له انك بتعطيه والله يعوضك صارت فيني نفس القصه بس في سوناتا 2002 وحسبي الله على الغشاش


up 2 down 1
اهمد 1201
قبل 8 سنه و 2 شهر



اشتريت مثل سيارتك ... اتورطت توريطة العمر فيها .. ويقولون تويوتا
وماشفت الراحه الا لما بعتها .. ولله الحمد



up 5 down 2
nawaf149 12
قبل 8 سنه و 2 شهر



وعليكم السلام ورحمة الله وبركاته

اسأل الله تعالى أن يطيل في عمر والدتك وأهلك وأن يوفقك في دراستك وأن تعطيها حقها فهي التي تسوف تفتح لك دروب النجاح بعد توفيق الله عز وجل

ثانياً بالنسبة للسيارة, فأنت الآن دفعت عليها وعلى إصلاحها ولا أنصح بالتعجل بالبيع خصوصاً أن المبلغ الذي ستجنيه بعد البيع لن يكون وافياً لشراء سيارة مضمونة, لكن استفسر عن الوضع عند أكثر من ميكانيكي وتأكد من الأعطال المحتملة والتكاليف القادمة, فإن كانت ضمن المعقول فألزم مارزقك الله مع مراعاة السيارة وعدم الضغط عليها بالسرعة.




up 3 down 0
أبو العمامير 673
قبل 8 سنه و 2 شهر



نصيحه بعها ودورلك اكسنت 2010 نظييفه ويكون ممشاها قليل تحت ال100 الف رركز خذلك نظييييييفه لان اكثر الاكسنتات 

مجلووووده


up 2 down 0
ali alfaqeeh 441 1119
قبل 8 سنه و 2 شهر



لاتبيع الا ب 33


up 0 down 1
فهد4950 2542
قبل 8 سنه و 2 شهر



بيض الله وجيهكم فردا فردا
انا الان افكر استخدمها وهذا اخر ترم لي بالجامعه واذا تخرجت بعتها
اما عن بيعتها راح ينزل سعرها لان فيها شنبر وانا مستحيييل اضحك على احد من اجل وصخ دنيا على الرغم ان الحاله الماديه ضعيفه
بس ..وماعند ربك خير وابقى...وهذا ابتلاء من ربي...وانا راضي واساله ان يرضى عني...

ونصيحه ايضا للجميع اذا جتك مصيبه فاعلم ان غير اصيب باكبر منها وفالنهايه الكل ميت ومحاسب

وهنا اتذكر حديث النبي صلى الله عليه وسلم:
( عجبا لامر المؤمن ان امره كله له خير ان اصابته ضراء صبر فكان خيرا له، وان اصابته سراء شكر فكان خيرا له )

اعذروني قلبتها موعظه بس فرصه نذكر بعض..وذكر فإن الذكرئ تنفع المؤمنين..

اشكركم جميعا والله حسيت براحه...بردودكم الله لايريكم اي مكروه



up 7 down 0
بن محمد 14 76
قبل 8 سنه و 2 شهر



صارت معي اول شريت فورد 96 وطلعت خرابات الدنيا فيها
لعنت الله على من غشني وغش المسلمين 
ونصيحتي بعها وزود كم الف وطق لك اكسنت 2013 موتر لك وللعمر ممتازة جدا جدا 
تحياتي لك


up 2 down 0



نصييييييييييييحة وانا اخوك افتك ترى مكينتها حتى لو وظبتها ماتصلح لأنها كبس وقيمة المكينة المستخدمة من 10آلاف وفوق غير شغل اليد والله واحد من قرايبي شرا كامري 2006 ووضبها شهرين وخبطت وشرا مكينة ب 11الف وغير لها جربكس مرتين لان الخامس يفلت مجموع خسايره فوق 22الف


up 2 down 0
ابو راكان تبوك 956
قبل 8 سنه و 2 شهر



صلحها وتوكل ع الله اهم شي سيارة توديك وتجيبك مو كل شوي تبيع وتشري سيارة لانك بتخسر فلوس واجد ببيع وشراء السيارات


up 2 down 1
00700 542
قبل 8 سنه و 2 شهر



أنا أنصحك بعدم تغييرها ، والكامري كامري ، وكل السيارات فيها مشاكل ، ناس معهم هيوانداي 2010 و 11 ويشتكون منها ، وناس معهم هيونداي 2006 ويقولون زي العســل ،، أنا أقول دامك صلحتها ، فاستخدمها ، قدر الله وما شاء فعل



up 1 down 0
أبو أحـــمد 2433
قبل 8 سنه و 2 شهر