أضف سؤال أو موضوع جديد          

خداع الشريطيه

up 4 down 2
abct330603 393
قبل 9 سنه و 3 شهر



للشريطيه أساليب خداع من لم يتنبه لها عز الله راح في رجلها منها انه عندما يشتري سيارة مستعمله -مقربعه-يوديها التلميع ويزبطها وبعدها يتفق مع اخوياه الشريطيه على يوم يوديها المعرض وإذا دخلت السيارة تحت المكرفون يجوك اخوياه ويزايدون في سعر السيارة ويجيك واحد مسكين يشوف المزايده على السياره ويجلس يزيد في السيارة على باله ان السيارة صيده وما يزايدوا هذولا الناس الا لان السيارة تستحق وما درى أخونا أنه وقع في الفخ















/// ومن خدع الشريطيه انهم اذا زايدوا على سيارة وشافوا الضحيه دخل بينهم ترتفع اصواتهم كل واحد يفرق من عنده كأنه يوحي للضحيه انهم ما يعرفوا بعض //// بعض الشريطيه فيه خير و

يخاف الله في ما يشتري الله يكثر من امثالهم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


توك تدري بعضهم يزاود على سيارتة في الحراج ويجمع زيود يزودون فيها


up 5 down 3
محمد ال سلمان 820
قبل 9 سنه و 3 شهر



انا ادري بس في ناس ما تدري ونا خوك


up 5 down 1
abct330603 393
قبل 9 سنه و 3 شهر



ياخي في شي واضح عندي ويمكن عند الكل السياره الي تنزل تحت المكرفون سكر بمويه يعني ابعد نفسك عنها وانحش


up 6 down 0
صعب اترجاك 301
قبل 9 سنه و 3 شهر



انا مع الاخ مع كلام الاخ صعب اترجاك


up 5 down 0
mr.abuud 1708
قبل 9 سنه و 3 شهر



هذا عند الشريطية النص فل خخخخخ

الشريطية الي عليهم الكلام دايما تلقاه مشغل اخوانه وعياله وعيال اخوانه
شغلتهم كل ما شافوه داخل بسياره وعندها زبون يبيها جو يقلبونها ويسألون عنها 

وتلقى الواحد ماشاء الله كأنه أول مره يشوفه

والثاني يقول ماشاء الله الموتر يستاهل
ويجيك الثاني يروح للزبون يقوله خذ 1000 وانزل من السيارة 

كل هالافلام عشان مكسب 2000 ولا 3000 الله لايبلانا 


اللهم اغننا بحلالك عن حرامك


up 9 down 1
naac 2387
قبل 9 سنه و 3 شهر



تدرون فيه حل عشان تحد الشريطي قبل تروح تخسر قيمة الفحص وتطلع السياره خربانه او فيها سمكره وبويه
تشترط عليه اذا كانت السياره سليمه انا اقوم بالفحص واذا كانت السياره فيها رش بويه او معجون انت تقوم بالدفع وبكذا ترتاح وتريح نفسك من عنا المرمطه بين المعارض والفحص


up 1 down 1
صعب اترجاك 301
قبل 9 سنه و 3 شهر



الله يهديهم والله يرزقنا الجنه


up 0 down 0
1413هـ 109
قبل 9 سنه و 3 شهر



اللهم يا رب أهلك كل شريطي لا يخافك وينصب على الناس وأمحق بركة رزقه ... آمين ..

انا تعرضت لمثل هذا الموقف في يوم من الايام في معارض الشفا وموعدنا امام رب العالمين وكل انسان ياخذ حسابه وااااااااافي .


up 1 down 0
ابوابراهيم999 501
قبل 9 سنه و 3 شهر



هذا الذي ذكرته ياصاحب الموضوع إسمه (نجش) وهو الذي نهى عنه

رسول الله صلى الله عليه وسلم بقوله: "ولاتناجشوا" حديثٌ صحيح.

وهو المزايدة على السلع لمن لايريد شراءها.

وفي ذلك من النصب والغرر ما اللهُ به عليم.



up 2 down 0
da3y 91
قبل 9 سنه و 3 شهر



وفي طرق انه يخلي ولده هو اللي يلف بالسياره في البرحه وهو يمر عليه كل شوي إذا لقا عنده واحد يسوم هو يزود عليه إلينا يوصل السعر اللي يبي


up 0 down 0
abu sadeem 85
قبل 9 سنه و 3 شهر