أضف سؤال أو موضوع جديد          

عن السرعه وقصة شايب اثناء سفره لجده

up 39 down 5
السهل الممتنع 6392
قبل 8 سنه و 9 شهر



السلام عليكم ورحمة الله وبركاته
,,,,,,,,,,,,,,,,,,,,,,,,,,,,,,,,,,,
اخواني تعالو ندردش 
ابي كل واحد يقول وشمستفيد من السرعه
هل هو توفير  للوقت الذهبي ( اللي ان جلست في البيت يذبحك الملل )
هل به جائزه وانت بسباق حتى تمشي 240 واي جائزه ولنفرض هل تستاهل انها تغامر بحياتك
هل انت تضمن القدر يومنك طااااااااير تقل به ناس يبون ذبحتك ومنحاش من الموت 
هل نفسك رخيصه عليك ( أكيد لا ) !
لاقدر الله لو قلبت السياره وانكسر طرف اصبعك ( مانبي نقول قطع يد او قص لنصفين او او ) 
طبعاً لاقدر الله هل انت رخييص على حالك ؟؟؟؟؟؟
....................................................................
على العموم هل وهل وهل كتبتها بتسرع على العفويه في الكتابه
.....................................................................
لماذا لانحتاط قبل ان يفوت الاوان 
يعني نسوي اللي علينا ونترك الباقي على الله سبحانه
..........................................................
أمس يسولف لي زبون شايب
كان عندي بالسوق الله يرزقه 
قال ياولدي انتبه من السرعه 
يقول قبل 8 سنين رايحين من الرياض الى جده
نمشي 140
وتمر سياره اودي موديلها جديد بوقتها
يقول حسب وصفه مرنا كننا واقفين مثل البرق
وبعد 5 دقايق
!!!!!!!!!!!!!!!!!!!!!
الله لايجيب الشر 
صادفناهم بحادث 
ولابه غيرنا اول من صادفهم حنا 
يقول وانا قلبي ضعيف وقمت ابكي واشاهق واقول ليه ليه ليه يا اخوي الله يرحمك الله يرحمك ليه
أكثر ما اثر به منظر الطفله والعصير على الجثث
والطفله اصابتها بسيطه بس توفت وهي بين الارجل !!!!!!!!!
وكل ما اسكت تخنقني العبره من جديد يوم يتذكر الطفله  واهلها 
6 جثث الله يرحمهم ومن ضمنهم طفله عمرها 4 سنوات بريئه ( يقول كل وجهها نور )
والحريم الحمد لله ان معناهم حريم قامن بتغطيتهم رغم الخوف اللي صاب اهل الشايب 
من هول المنظر 
وكلهم وفيات رجالين وثلاث حريم وطفله
.......................................................................................................
لم يستطيع السائق ان يتحكم بالاودي لانه مسرع اخر سرعه وصدم يتريله الله يرحمه ويحفظكم
أسأل الله ان يرحمهم
أسأل الله أن يهدي كل من لايعرف ماهي مخاطر السرعه
اخواني ليه اضيع نفسي لاجل استمتع ان سيارتي اسرع من سيارة اخوي اللي على الطريق
اجمل شي انك تستمتع بالنعمه وبالرفاهيه بذوق
لاتخلي النعمه تصير نقمه
حياكم لله اخوكم خالد العنزي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وياليت تعلمنا بأسمك يا ابو نوره يمكن نعرف بعض


up 1 down 1
ابوخالد1397 2889
قبل 8 سنه و 9 شهر



والله يااخوان قد حاولت بما فيه الكفاية بس عجزت    لان رجلي اكرمكم الله تعودت على الدعسة   اقول بهدي واصمل !! شوي الا العداد كله 


up 1 down 1
بن مشعان الرسلاني -26
قبل 6 سنه و 8 شهر