هل يمكن تجديد الاستمارة اذا كانت السيارة مرشوشة مطفي ؟

لو ان السيارة لونها ابيض مثلا ورشيتها ابيض مطفي ومكتوب بالاستمارة ابيض

ما يكلمك احد حتى لو عسكري اعطاك مخالفة روح للمرور كلمهم

دام ان بالاستمارة مكتوب اللون ابيض رشها مطفي منور الي تبي

اتوقع عادي 
ماهنا مشكله اذا كان اللون نفسه بس مبهت


لانه مره من المراريت
كان عندي كراون فكتوريا عشبي ٩٦ اخضر غامق
ورحت لورشه متخصصه بالفوردات علشان ارش بويه
وكنت ابغى اللون التفاحي فاتح مره او ليموني

عارفين هاللون كان مشهور على الماركيز والفكتوريا

المهم ياطويلين العمر والسلامه
قالي صاحب الورشه جب ورقة اصلاح تحت بند ترميم ومايحتاج تغيير لون علشان يوفر
علي رسوم تغيير اللون

لانه يكتب بالاستماره اللون اخضر 

وفعلا كذا موتر اشوفه عشبي او تفاحي او ليموني  يجي مكتوب اللون اخضر

وسلامتكم

اذا بتجدد الاستمارة والسيارة فحصها منتهي لازم تفحص وبعدين تأمن وبعدين تجدد الاستمارة  واذا لون سيارتك نفس اللون الي مكتوب بالاستمارة 
عايدي يجددون لك الاستمارة

اذا باقي عليك الفحص 
ما راح تمشي بسبب الزينون ..... واذا اللون مختلف عن اللون بالاستمار ايضا ماتمشي 
اما اذا الفحص موجود فروح جدد بكره مع ورقة الفحص والتأمين وسداد رسوم الاستماره ولا يكون عليك مخالفات

تقدر في حالتين فقط 
1- أن يكون الفحص ساري مابعد إنتهى 
2- أن تجدد الإستماره من منطقه بعيده عن الفحص بأكثر من 150 كيلو مثل المحافظات البعيده ولكن تحتاج ورقه من (أمير) رئيس مركز
المحافظه 
3- بعض معارض السيارات يقدر يدبر لك ورقه تجديد أو نقل بــ300 ريال أو أكثر 
وبهذي الطريقه تسلم من الفحص الذي يجبرك على إعادة لون السياره الأصلي

تكفون ياشباب فكونا من الزنون والله عميتونا انا يوميا يلعنون خامسين بالتكبيس 

فك االدبه والزنون .. ولو ان لون السيارره المطفي حسب المذكورر بلاستماره . محد يكلمك وتوكل على ربك

يعطيكم العافية يا شباب .. والله اني احتاج الزنون للانارة فقط خصوصا في الاماكن المظلمة 

يعني الحين افهم من كلامكم اني لازم افك الزنون ؟ 

شروط تجديد الاستمارة ان تكون السيارة مفحوصه ومأمنه وتسدد الرسوم

رح للفحص الدوري وشف وش يقولون لك

1554631 شف ذا الاعلان انا تعاملت مع الرجل يخلص لك سيارتك بدون فحص

لا تعب نفسك مع اني لااؤؤيد الزنون لاكن ابخدمك 

فيه محافظه اسمها حريملاء 80 كيلو عن الرياض رح لها انا سيارتي معدومه لاوديتها للفحص وين عكوس ومساعدات وبلاوي  

لكن انت رح خذ ورقه من المحافظ قله للمرور علطول يعطيك ورقه توديها للمرور ويشيل سالفه الفحص منك لاكن اهم شي التامين وصوره البطاقه 

جزاكم الله خير لا عادي انا بجده وبفحصها بجده ما عندي مشكلة بس أهم شيء الزنون والرش المطفي هل ممنوع ولا عادي ؟ 

اذا الفحص الدوري منتهي عندك
لازم ترجع السياره لحالتها الأصليه

من ناحيه الرش المطفي تأكد من مركز الفحص قبل ماتشيله

ملاحظه : اذا استمارتك ((((( منتهيه ))))) محد يقدر يعطيك مخالفه

المخالفه تكون في التجديد فقط تدفع مبلغ 100--150 نسيت كم بالضبط
يعني خليك على تعديلاتك واستمارتك منتهيه محد يخالفك نهااااااائياًً

ملاااااحظه : انا بنفسي اتصلت على المرور وتأكدت من موضوع المخالفه

ولا تفك اي شي , رح ادخل الفحص وما عليك من احد يمشونك زي سلام عليكم
, واذا دقرولك ترا عادي رح ورشه جنب الفحص يغيرلك الي تبي مؤقت وبعد الفحص هو نفسه يرجعلك كل شي

اذا الاستمارة مكتوب فيها ابيض تقدر تسوي مطفي لامع اي درجة من درجات اللون الابيض ولا احد يقدر يتفلسف عليك ولا يوقفك

انتا خايف من لون ابيض ومكتوب ابيض مطفى او لامع يارجل سيارتي لونها كحليغامق ومسجلة ازرق عادي مافيها شي تمشي مافي شي اسمه مطفى او لامع بالاستمارة اهم شي اللون واحد والزينون فكه وركب لمبات ابو 10 ريال وارجع ردها الكبوت مايفتحة لك ماحيشوف الاجهزة الراكبة بس حيشغل النور والسلام

يارجال اقرب معقب دفه 500 ريال يجيب لك الاستماره بدون فحص