أضف سؤال أو موضوع جديد          

الكامري تطفي معي وش الحل

up 4 down 3
salih-m 369
قبل 6 سنه و 2 شهر



السلام عليكم
يالربع عندي كامري 2005 تماتيك
لها اكثر من شهر فالقومه تكتم واحيان تروح الكتمه طبعا اذا جت الكتمه تروح بعد ما اصل سرعه 80
المهم اليوم شغلت السياره واشوف السياره ترجف وكانها بتطفي ورحت مشوار 
واذا جيت اوقف تماما ووانا ضاغط فرامل ترجف وتطفي واذا شغلتا لازم ادبل لها بنزين

وش الحل وايش تتوقعون المشكله وكيف اعرف انها طرمبة بنزين
لاني وانا ماشي فيه صوت كذا تسسسسسس جهت التانكي
وسؤال ثاني عندي فضاوه فالعكس هل لها حل ولا لازم اغيره
وبيض الله وجيهكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا رأيي انك تنظف ألبخاخات وتغير البواجي 





up 2 down 1
راااضي 2528
قبل 6 سنه و 2 شهر



المشكلة الاولى غير فلتر البنزين وافحص اسلاك البواجي والبواجي وتحتاج لتنظيف حساس الهواء  والثروتل بدي  والبخاخات   يعني بشكل عام يسمونها تصفيه مكينه  

المشكلة الثانية يفيدونك الاخوان 


up 1 down 0
موووت احبك 1622
قبل 6 سنه و 2 شهر



تأكد من توصيلات البواجي وبخاخات لازم تنضفها

...وحاول ان البنزيل ماينقص عن النص لان اذا نقص يدخل اوساخ التاكني





up 0 down 0
raeed.55 285
قبل 6 سنه و 2 شهر



طرمبــــــــــ بنزين ــــــــــــــة

تاكد وردلنا


up 0 down 0
w1w1 2203
قبل 6 سنه و 2 شهر



النفس المشكله عندي في الاكسنت 


up 1 down 0
السفير2012 79
قبل 6 سنه و 2 شهر



عندك الكتاوت...اطلع الصناعيه وصلحها قبل تخبط المكينة


up 1 down 2
ضبي جده 231
قبل 6 سنه و 2 شهر



تاكد من طرمبة البنزين او منظم الهواء الثروتل


up 1 down 0
خالد2001 922
قبل 6 سنه و 2 شهر



تاكد من البخاخات والكويلات والبواجي  اما صوت زي التنسيم برضو زيي خليه عادي ما ياثر صوت الطرمبة هذي


up 1 down 0
ابوعابد_1414 1200
قبل 6 سنه و 2 شهر



يالغالي انا حصلت معي   بس يمكن تفرق  

ياطويل العمر وسلامة  اذا صرت واقف مغير يرتجف مثل البردان  

وذا مشيت نفس الشي  بس اول ماتعد 60 يصير صافي مابه شي يطق ال 160 بالراحه

 بس اذا وقفت يرجع على حاله      هذا من الصفايه البنزين  وا الطرمبة البنزين     


up 1 down 0
رسـاوي 1234 125
قبل 6 سنه و 2 شهر



اتوقع انها طرمبة البنزين
لن بعد مده بترفع ضغطك تمشي خمسه كيلو وتطفي ولازم تاخذ ربع ساعه عشان تبرد وتشتغل 


up 1 down 0
الروقي 511 8
قبل 6 سنه و 2 شهر



مشمورييين
توي رحت لميكانيكي معروووف والسياره يالله وصلتني عنده ماغير تطفي
قالي هذا مسح راس!!
قلت سو الي تسوي خلاص قفلت معي ومشيت من عنده

هو قالي مسح ووزن جلد بلوف يقول شغل يد800
ومع القطع وكل شي والمخرطه من 2600-2900

هل السعر معقول وهل مسح الراس يثر بعدين على السياره

ودعواتكم والله يعين ماعندي غير ذا السياره :(

والله لا يوريكم اي مكروه


up 0 down 0
salih-m 369
قبل 6 سنه و 2 شهر



وش مسح راس و الله شكلك طبيت عند عليمي


up 0 down 0
ابوابراهيم ksa 1385
قبل 6 سنه و 2 شهر



والله اكثر من واحد قالي البلا في المكينة
قلت اروح لواحد خبره وقالي مسح وماجاك علي



up 0 down 1
salih-m 369
قبل 6 سنه و 2 شهر



السلام عليكم
طرمبة البنزين  او  كويلات 
اما العكس يتصلح الفضاوه الي فيه تقريباًب 300 ريال




up 0 down 0
الضمان الاجتماعي 101
قبل 6 سنه و 2 شهر



ذي كويلات مافها كلام


up 0 down 0
talk to the hand 74
قبل سنه و شهر



المشكلة هذي صارت معاي.. تقريبا
بس عندي اذا وقفت صافية السيارة. واذا لمست الفرامل
تتفتف وتطفي/ المشكلة في البويبينات الموجودة مع الفيوزات
عددها 4. الثاني من اليسار/غيره
وانشاءالله تزبط