أضف سؤال أو موضوع جديد          

سالفتي مع السيارة قصة مشوقة بالداخل

up 42 down 29
العامري دوت كوم 2 455
قبل 8 سنه و 11 شهر



             السلام عليكم ورحمع الله وبركاته


سالفتي اليوم عن سيارتي وما سابقها من احداث هههه

كنت اقنع ابوي يشتري لي سيارة

   وكان رافض  ويسلك لي دايم واحيانا يتحجج بالرخصه انه ماعندي رخصة

واحيانا يقول اخاف عليك ومن هالكلام

فانا وش سويت طلعت رخصة  وراجعت فيها بنفسي وخلصت منها  بسهوله

فرجعت البيت وخشيت بوجه الوالد

 رزيت الرخصه قدامه  قلت شوفها طال عمرك 


قال وش ذي قلت له الرخصه فديتك (وفي رواية اخرى  طال عمرك)




قعد يمكن 5 دقايق يقلب فيها مو مستوعب 




قلت يالله السيارة

قال توكل على الله مافي سيارة  ههههه




حاولت يمين يسارمافي  امل  




وحتى من قبل لا اطلع الرخصة كان رافض السيارة نهائيا 




بس قالي طلع الرخصة واشوف يمكن اشتري لك سيارة فطلعت الرخصة والشايب باقي صامل 




ففجأة كذا من الله وافق وعطاني 15 الف




 وانا جمعت سنه كاملة من مكافات الجامعه ومن الوالده الله يحفظها كانت تعطيني فلوس وجمعت انا 18 الف




فصار معي 33 الف  وقررت ادور سيارة  فكلمت نسيبي يدور معي   ونسبي كلم واحد شريطي  يعرف بالسيارات




ومالكم بالطويلة  في الفترة اللي قاعد ادور السيارة   اخذت موتر ابوي بروح اجيب اخوي من المدرسة  




وانا قاعد اكلم بجوالي فجأة كذا واحد ربط فرامل بوجهي وانا ما انتبهت له   واقشعه من ورى هههههه




قشعه خفيفة بس طقة بالرفرف + واسطب+ والرديتر انفقع هههه




والرجال سامحني وراح




عاد هنا بدا الفلم الثاني




رحت عند ابوي قلت له واحد دق ريوس علي وانحاش




 ابوي  ما مشت السالفة عليه عيا يصدق قال علمني بالحقيقه وانا مسامحك بس اعترف 

  المهم انا صملت على كذبتي هههه




والزبده ابوي هون عن السيارة قال مافي سيارة   والفلوس خلها معك بس سيارة مافي  وانساها



ووش سويت انا  شريت السيارة بدون ما يدري ابوي




ومشت الامور  الى الان لم يقفطني والحمد لله  تقريبا السيارة لها سنه وكم شهر




واسافر عليها  ومخالفات ساهر انا اسددها المهم اعتمد على نفسي 


والله يخارجنا لا يقفطنا 



وسلامتكم


اي ملاحظات انا اتقبلها بكل سعة صدر  ولكن بدون تجريح   او اكتفوا بالديس لايك فقط







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اولا طريقة سرد القصه غير جيد
يعني اختصر واعطنا المفيد
الشي الثاني مبين عليك تو صغير وماشفت من البعير الا اذنه
القصه بشكل عام عاديه جدا
اتمنى للجميع التوفيق


up 1 down 2
نفر كويس ميه ميه 246
قبل 6 سنه و 11 شهر



اعجبني موال الرخصة هههههههههههههههه


up 0 down 0
بن مشعان الرسلاني -26
قبل 6 سنه و 10 شهر