سوال ضروري ؟

مدري مكتوب عندهم لازم موافقة ولي الامر 

تصريح مؤقت لمدة سنه 
اتذكر خلوني ادرس اسبوعين اشارات المرور والقياده واجزاء السياره

وناسي والله بموافقة الوالد ولا لاء 

بالتوفيق

أنا عارف كل شي بس هذا محيرني حق الموافقة

شوف ياغالي تبغى العلم الاكيد

قبل لاتسوي اي شيء  روح للمرور الفرع اللي بتطلع منه التصريح واسالهم وش الاوراق ووش الصور اللي يبونها   

روح جهزها وارجعلهم  وهناك بيعلمونك وش المطلوب عشان حتى تعرف وش المطلوب


ومن نااحية موافقه ولي الامر اتوقع ما يحتاج   اول مرة اسمع فيها

موافقه ولي الامر هذا في تصريح السفر لخارج المملكه اذا عمرك اقل من 21 فقط وهذا لازم ابوك 

وايضا في استخراج بطاقة الاحوال لاول مرة تطلع فيها لازم ابوك يراجع بك فقط لاغير

وعلى فكرة التصريح سنة بس

 يعني ما بتستفيد بتخلص السنة عطلول فنصيحتي مش امورك سنة بدون تصريح ثم تطلع رخصة مرة وحده و10 سنوات 

افضل من انك كل شوي تراجعهم

اتفق مع العامري في اخر رد اصير سنة وطلع لك رخصة ... كل تأخيرة فيها خيرة 


http://montada.haraj.com.sa/page.php?id=14431

أشكر مروركم بس أنا كنت أسوق بدون رخصة واكلتها مخالفات 

قريت موضوعك اللي تقول فيه ابوك عيا يسمحلك تطلع التصريح

 انا تقريبا ابوي نفس نظام ابوك يخاف علي واجد

فوش سويت  طلعت الرخصة بدون مايدري 

وخشيت بوجه رزيت الرخصه قدامه  قلت شوفها طال عمرك 

قال وش ذي قلت له الرخصه فديتك 

قعد يمكن 5 دقايق يقلب فيها مو مستوعب 

قلت يالله السيارة قال توكل على الله مافي سيارة  ههههه

حاولت يمين يسارمافي  امل  

وحتى من قبل لا اطلع الرخصة كان رافض السيارة نهائيا 

بس قالي طلع الرخصة واشوف يمكن اشتري لك سيارة فطلعت الرخصة والشايب باقي صامل 

ففجأة كذا من الله وافق وعطاني 15 الف

 وانا جمعت سنه كاملة من مكافات الجامعه ومن الوالده الله يحفظها كانت تعطيني فلوس وجمعت انا 18 الف

فصار معي 33 الف  وقررت ادور سيارة  فكلمت نسيبي يدور معي   ونسبي كلم واحد شريطي  يعرف بالسيارات

ومالك بالطويلة  في الفترة اللي قاعد ادور السيارة   اخذت موتر ابوي بروح اجيب اخوي من المدرسة  

وانا قاعد اكلم بجوالي فجأة كذا واحد ربط فرامل بوجهي وانا ما انتبهت له   واقشعه من ورى هههههه

قشعه خفيفة بس طقة بالرفرف + واسطب+ والرديتر انفقع هههه

والرجال سامحني وراح

عاد هنا بدا الفلم الثاني

رحت عند ابوي قلت له واحد دق ريوس علي وانحاش

 ابوي ماش ما مشت السالفة عليه عيا يصدق قال علمني بالحقيقه  المهم انا صملت على كذبتي هههه

والزبده ابوي هون عن السيارة قال مافي سيارة   والفلوس خلها معك بس سيارة مافي  يمين يسار مافي

ووش سويت انا  شريت السيارة بدون ما يدري ابوي

ومشت الامور  الى الان لم يقفطني والحمد لله 

واسافر عليها  ومخالفات ساهر انا اسددها المهم اعتمد على نفسي 



والله يخارجنا لا يقفطنا  


وعذرا على الاطاله بس احيكلك  وافضفضلك  وبنزل السالفه الحين بموضوع ههههه

يالعامري هههههه كويس وربي أنت تاخد مكافاة أما أنا عادني طالب يعني مافي فلوس ألا المصروف بس ماعليك زي ما شبكته في التصريح بشبكه في السيارة 

ما عليك شبكه وقردنه مظبوط  وحب على راسه وبتظبط امورك

ولاتستعجل معه حتى لو تقعد سنه وانت تظبط 

وحاول انك تسوق وابو جنبك دايم عشان يشوف سياقتك

عااد انت خل سواقتك معه زي نظام شيبان امش عشرين بالحواري 

وبالخط السريع امش ستين  ههههه


وان اضمن لك اسبوع ومفتاح السيارة الجديده بجيبك ههههه

ههههههههههههه وربي اليوم رحت دله ي خي يتكلم من خشمه يقولي سوي فحص وتعال بكرة قلت له دحين أجيك يقولي أنا قلت بكرة تفهم ولا لا زي اللي يقول هذا حلالي الله يعين