أضف سؤال أو موضوع جديد          

استفسار عن القير الاوتو ؟

up 6 down 0
نايف-19 22
قبل 9 سنه و 3 شهر



السلام عليكم
انا شريت كورولا 2013 (نفس 2012 و 2011 ) قير اوتوماتيك والصراحة اول سيارة اوتوماتيك تدخل بيتنا ولا لي خبره فيه ابد
ابغى بعض النصايح عشان احافظ عليه لاني اخاف يروح علي لاني ما اعرف استخدمه

وعندي بعض الاسئلة :
1- عادي احطه بالـN والسيارة باقي تمشي ؟
2- اليوم حطيته بالـP والجلنط منزل ؟ سمعت انه خطير بس مدري هل هذا الكلام صحيح او لا
3- هل قير الكورولا الاوتو يتحمل الكرف ولا حساس ؟
جزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اهم حاجه اذا جيت توقف تحط القير بال N بعدها تسحب الجلنط وبعدها تحطه في ال P  ,, واهتم بغيار ويت القير أول بأول ,,


up 5 down 0
ابو سعود629 4708
قبل 9 سنه و 3 شهر



عفوا اهتم بغيار زيت القير أول بأول وبأذن الله ماراح تواجه مشاكل 


up 3 down 0
ابو سعود629 4708
قبل 9 سنه و 3 شهر



يا اي مايصلح تحط القير بالP والسياره تمشي او الجلنط منزل لانه بيفرط القير علييك 



up 5 down 0
أحساس هادئ 55
قبل 9 سنه و 3 شهر



1 لاتحط N وانت ماشي  يؤثر القير 
2 حط على  N واسحب الجلنط  وحط ع p
3 عادي يتحمل اهم حاجة انك انتبه للزيت .. المكينة .. القير ..المحافظة ..
وسلامتك 


up 2 down 0
nabel.ale 17
قبل 9 سنه و 3 شهر



طيب شباب انا حطيته بالـp بدون ما ارفع الجلنط في N اكثر من اربع مرات الحين يتضرر ولا عادي ؟


up 2 down 0
نايف-19 22
قبل 9 سنه و 3 شهر



ان شاء الله مايضر بس مثل ماقلت لك حطه اول شيء بال N وبعدها اسحب الجلنط وبعدها رجعه لل P لانك لو حطيته على ال P راح يكون الثقل كله على القير .


up 3 down 0
ابو سعود629 4708
قبل 9 سنه و 3 شهر



هههههه
لا تخاف ما تضر كثير
يعني كانك موقف السيارة وهي معشقة 
وبس


up 4 down 0
w1w1 2206
قبل 9 سنه و 3 شهر



اولا.... مبروك على السيارة لله يعطيك خيرها ويكفيك شرها
مثل ماقالوا الاخوان لاتحط القير N وانت ماشي بيفرط عليك القير ...
التماتيك ماهو مثل القير العادي ............


up 2 down 1
خالد2001 922
قبل 9 سنه و 3 شهر



@@@@@@@@@@@@@@


بالنسبة لوضع القير على الـ N وأنت مآشي فلآ أعتقد أنه فيه ضرر .. لأن الـ N يعتبر " فاضي " وأنا أفعل هذا الأمر كثيرا ولله الحمد ولم أشتكي من شئ ..


أخطر شئ يضر القير الأتوماتيك .. !!

هو أنك تضع القير من الـ R إلى الـ P والسيارة لآزآلت مآشية !..

يعني لآ تحط القير على الـ P إلا والسيارة وآقفة تماماً ..


@ .. نجي الآن للإستخدامات القير ..


@ الـ " D " .. يستخدم إذا تبي تمشي قدام ..

@ الـ " R " .. إذا تبي ترجع ريوس ..

@ .. الـ " N " إذا تبي تخلي القير على الفاضي ..

@ .. الـ " P " التوقف الكامل ..




@ .. الفرق بين الـ " P " و " N " ..

لو تلآحظ إذا كانت السيارة بمنحدر .. ووضعت القير على الـ " N " تجد السيارة تتحرك بعكس الـ " P " تجد السيارة تثبت .. وذلك لأن الـ " N " أنت الآن جعلت وضع القير على الفاضي مثل عمل الفاضي في القير العادي ..


@ السؤال المهم متى يستخدم الـ "N" و "P" ..

الـ " N " يستخدم إذا كنت رآح توقف وقفة قصيرة أو طويلة ونآوي أنك تحط القير على الـ " D " مثل يوم توقف عند الإشارات .. أو في حآل الإنتظآر ..

الـ " P " إذا كنت نآوي تطفي السيارة , تضعها على الـ P ..

وللعلم أن السيارة إذا تبي تشغلها لآزم يكون وضع القير على الـ " P " .. وبعض السيارات ما تقدر تسحب المفتاح من السويتش إلا إذا وضعت القير على الـ " P " .. مثل الأكورد ..


والله أعلم ,
ّ




up 8 down 0
oo أبو عبد الرحمن oo 1772
قبل 9 سنه و 3 شهر



@@@@@@@@@@@@@


ونسيت أيضاً .. أن من الخطر الكبير على القير أنك تضع القير من الـ R إلى D مباشرة بدون ما تتوقف .. قد ينكسر عليك القير بسبب هـ الأمر ..

يعني لآزم إذا رجعت ريوس .. تدعس الفرآمل وتوقف وقوف تآم .. ثم تحط القير على الـ D ,,



up 5 down 0
oo أبو عبد الرحمن oo 1772
قبل 9 سنه و 3 شهر



نايف 19  ذاكر واحفظ هالردود زين والله ماقصروا الاخوان
بالتوفيق ياسمي


up 3 down 0
مدرس عاطل 2 43
قبل 9 سنه و 3 شهر



الله يجزاكم خير جميعا وشكرا على النصايح



up 0 down 0
نايف-19 22
قبل 9 سنه و 3 شهر



اهم شي انك اذا بغيت تحط القير عليp تحطه اول علي nبعدين تسحب الجلنط وتفك رجلك عن الفرامل عشان يمسك علي الجلط بعدين تحطه فيp وﻻزم تغير الزيت والفلتر حق القير علي حسب اللي مكتوب في الكتالوج واكثر السيارات علي 40000 


up 1 down 0
ابوابراهيم ksa 1391
قبل 9 سنه و 3 شهر



أبو عبد الرحمن ولا يهونون الباقين عطاك الخلاصة وأبو ابراهيم أعطاك ملاحظة لم يتم ذكرها صار لي موقف وانا صغير تعلمت بالقير عادي وبعدها ركبت سيارة اوتوماتيك وابوي معي قالي وقف هديت السرعة ورفعت القير بـ p وطلع صوت مرعب المهم ترا أبوي ما عطاني كف وخدي ما صار أحمر ولا بكيت ولا احد من اخواني ضحك


up 2 down 0
ناصر الرشود 309
قبل 9 سنه و 3 شهر



مايضر تحط ان وانت ماشي بس لاتكثر منها .....


اما البي تحطه بدون جلنط ماعليك انا وابوي من ولدت بها الدنيا يحطه بي لحاله ...انا سيارتي هوندا ودايما اطفيها بي بدون جلنط ....

متى تشد الجلنط؟؟ تشده اذا وقفت على ارض مو مستوية وقفت حطه با N اول وشد الجلنط وشيل رجلك عن الفرامل لين ثقل السيارة يتحرك حسب الارض وبعدين حطه p عشان ماترجع السيارة او تتقدم ويكون الثقل ع القير ...

ومبرووك مقدما.... ُ (:


up 1 down 1
talal abdullah 5420
قبل 9 سنه و 3 شهر



السلام عليكم يا اخواني اريد اغير القير من عايدي الي اتماتيك السياره كرولا 2010 فل كامل 1.8 
0551911190 


up 0 down 0
hassan shoran
قبل 8 سنه و 6 شهر



السلام عليكم يا اخواني اريد اغير القير من عايدي الي اتماتيك السياره كرولا 2010 فل كامل 1.8 
0551911190 


up 0 down 0
hassan shoran
قبل 8 سنه و 6 شهر



السلام عليكم يا اخواني اريد اغير القير من عايدي الي اتماتيك السياره كرولا 2010 فل كامل 1.8 
0551911190 


up 0 down 0
hassan shoran
قبل 8 سنه و 6 شهر