اصلحها ولا ابيعها افالون 2002

لا تبيع عشان كلام الناس 

بع بع بع خخخخخخخخخ
اممزح
والله ماعندي خلفيه عن هالموديل تحديدا
لكن اذا الموتر شاد حيله ونظيف ومتماسك واموره طيبه 
خله
امسسسك جنييك لايجيك اجن منه

ولاتخاف راح يطلب صيانه لقدم الموديل بس ماعليك شي بسيط
دينمو  ولا كويل  ولا رمان 
اشياء لاتذكر

بالتوفيق حبيبي

روح لمحلات قطع الغيار وإسأل عن القطع الأساسيه زي الحساسات مثلا أو الطرومبه أو الرديتار أو المكيف أو المساعدين 

وبعدها إستخير وقرر لأن السياره فرد في المنزل لازم يكون ليه مصاريفه وميزانيته من راتبك 

يا اخي ما عليك من كلام الناس

و دام السياره ممتازه ونظيفه خلك عليها

وترى فيه ناس كثير للاسف يجيب الاسعار من راسه
او يجي يقولك ( يقولون اسعارها غاليه ) طيب وش يستفيد الواحد من ( يقولون )
كلن يمدح سيارته ويسب السيارات الثانيه ويقول قطعها مثلا غاليه وهو ما يعرف شيء عن قطع السيارات الثانيه هههههه

وإلا يجي واحد يشتري قطع غيار تجاري لسيارته ثم يجي يقول قطع الغيار الأصليه للسيارات الثانيه أغلى من قطع الغيار الأصلي لسيارتي .. وهو أصلا مركب تجاري .. يعني يقارن قطع سيارته التجاريه بقطع أصليه لسياره ثانيه

وأقسم بالله ما عندي سيارة تويوتا ؛ عشان ما تقولون اني ادافع عنها

وأنا أنصحك تروح للوكاله وتسألهم عن أسعار قطع غيارها وتطلب منهم خصم لكل قطعه

روح تأكد من محلات قطع الغيار وبعدها احكم ولاتاخذ بكلام احد

شكرا لكم اخواني على ردودكم الطيبة .. وجزاكم الله كل خير
 
انا سألت من بعض القطع المتفرقة بالسيارة و اسعارها كالاتي :
العكوس بـ5500 ريال ( طبعا ما يحتاج عكس كامل المهم راس العكس فقط على حسب كلام الوكالة يعني ممكن تكون بـ 2000 ريال )
المساعدات الاربعة بـ 2100 ريال 
قماشات الفرامل في حدود الـ800 ريال 
طبعا المكينة والقير ما فيهم شي والحمدلله 
و انا اشوف انو هذي اسعار طبيعية جدا لانها من الوكالة و عليها ضمان 
وش رايكم ؟

ياراجل وش ذا 

خمسه الاف ريال بس في راس عكس ومساعدات واقمشة فرامل 

كم شغل اليد  بحدود ٨٠٠ ريال 

الله يعينك والله غاليه نوعا ما طيب مادورت بديل للوكالة شف محلات النهدي او موزع معتمد 
اسال ودور باقرب صناعيه عندك

اللي خلاني اقول غاليه عندنا فورد ماركيز ٩٧ سويتله تجديد كامل
توضيب مكينه كامل 4500 ريال
علبة دركسون سفليه مدري علويه والله ناسي
بالاظافه الى مكيف كامل من كومبريسور وملحقاته من والى ومع شغل اليد وفريون
بالاظافه الى شمعات اماميه 
وزد عليها عكس خلفي امين مع خرط مدخل الصوفه بالدفرنس وزيت دفرنس
واقمشه كامله واربع كفرات وتضبيط التماس بالظفيره 
وشغلات ثانيه بسيطه ايه صح ودينمو جديد

كلها على بعضيها من والى بحدود 11الف 
ادري ماله علاقه بالموضوع بس عشان كذا قلت غاليه لتقارب الموديل 

اخوي لاتقارن الفورد بياباني والشي الثاني قدم الموديل 

يعني اضرب لك مثال مساعد فورد من 92 حتى 2003 ب 70 ريال امريكي
من 2004 ومافوق 350 امريكي والاصلي 650 ريال 

حتى الفورد قطعها غاليه لكن الي يرخص القطع وجود الامريكي فقط 

يعني طرمبه الدركسون انا شاريها 450 ريال مجدده الاصلي الله اعلم بكم 

توضيب المكينة كلفك 4500 اتحدااااااااااااااااااك اصلي 

تعرف ان شنبر المكينة بس لحاله 1300 ريال اصلي والامريكي بحدود 150 ريال شوف الفرق

اغلب الناس يقول الفورد رخيصه لكن ماهي رخيصه لو تغير اصلي من الوكاله

يمكن الكمبورسر رخيص تاخذه جديد ب 600 ريال من توكيلات الجزيره ولكن
مايعمر مثل الياباني

يعني مثلا كامري 2001 الكمبرسر بحدود 3 الاف ريال لكن يكد عشر سنين او اكثر

الفورد ب 600 ريال ويكد سنتين ويبدا التبريد يضعف

بالنسبه للعكوس انصحك تاخذها من التشاليح

رح للوكاله واسأل عن قطعها في الوكاله

قبل ماتروح التشاليح لانهم زوله ونصابين

ووجيه حبابين يدورون الريال من ظهر اي جاهل

اخوي كل كل قطع السيارات صارت غاليه حتى انا وانت وكل واحد يقرا كلامي كم مرة يشتري للسيارة درجة ثانية او ياباني او اصلي او تشليح يمكن او ترقيع ؟؟؟؟

ابووووووووووك العكوس ب5500 !!!! اجل مديل 2013 بكم راس العكس ب2000 اخوي شوف القطع اشوفها غاليه لكن اذا السياره عاجبتك والميكنه والقير كويسه فخلها معك لان العكوس ومثل هالامور تعتبر اشياء استهلاكيه ولو انها غاليه اهم شي سلامة المكينه والقير وماعليها حوادث

لاتبيع السياره اذا مافيها اعطال عشان كلام الناس وخاصة اذا ما انت حق سفر ..

أنا عندي موديل 2000 XLS فل كامل،  مشاء الله عليه مريحه ع الخط وداخل البلد. قطع غيارة زي لكزس ES
وللمعلومية تراها صناعة امريكيه حتى موديل 2004.

السيارة ممتازة جدا لاتبيعاه من افضل الانواع بصدق

ليش تغير عكوس ؟؟؟؟ رح محلات عكوس يزبطها لك 

انصحك والله معي ٢٠٠٤ قطع الغيار حقته غاليه و اتعب عبال ما تدور

والله توني رايح ادور علبه دركسون الي افالون ٢٠٠٤ لقيته وسعره الف و اربعميه

الافالون من 2000 إلى 2004 النظيف منها اللي يبيعه غلطااان طبعاً موديلات اكيد فيها خرابات وتحتاج صيانة ومن واقع استخدام تجربة كل خراباتها صينها وغيرت مثل بواجي سيور فلاتر وزيت مكينه وقير ومسمار توازن وجلد مقصات ومويه لديتر وكفرات يوكهاما وفحمات أمامي خلفي وكرسي مكينه يجي تحت يركب فيه العكس الأيمن وبعض التلقيطات البسيطة جداً ب قطع وكالة ما عدا عمود دركسون خذيته من التشاليح ب 50 ريال ومن إلى كلفت حدود 5 آلاف صيانة وبصراحة تستاهل لأنها مواتر بجودة تصنيع ممتازة أفضلها عن الجديد هذا رأيي وسلامتكم