أضف سؤال أو موضوع جديد          

اصلحها ولا ابيعها افالون 2002

up 6 down 4
o.tevez 51
قبل 8 سنه و 11 شهر



السلام عليكم 
يا اخوان انا اشتريت افالون موديل 2002 و السيارة ممتازة ماشاء الله بس مؤخرا بدا الناس تقول ان قطع غيارها غالية و ما تصلح لك ووووو
بس انا مصر انها تبقى معاي وفي نفس الوقت ما عندي خبرة ولا معلومة عن الافالون وهذا الموديل اساسا .
ارجوكم قولو رايكم .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا تبيع عشان كلام الناس 


up 5 down 0
فهد4950 2543
قبل 8 سنه و 11 شهر



بع بع بع خخخخخخخخخ
اممزح
والله ماعندي خلفيه عن هالموديل تحديدا
لكن اذا الموتر شاد حيله ونظيف ومتماسك واموره طيبه 
خله
امسسسك جنييك لايجيك اجن منه

ولاتخاف راح يطلب صيانه لقدم الموديل بس ماعليك شي بسيط
دينمو  ولا كويل  ولا رمان 
اشياء لاتذكر

بالتوفيق حبيبي


up 4 down 0
مدرس عاطل 3
قبل 8 سنه و 11 شهر



روح لمحلات قطع الغيار وإسأل عن القطع الأساسيه زي الحساسات مثلا أو الطرومبه أو الرديتار أو المكيف أو المساعدين 

وبعدها إستخير وقرر لأن السياره فرد في المنزل لازم يكون ليه مصاريفه وميزانيته من راتبك 


up 3 down 0
ramyshubra 1321
قبل 8 سنه و 11 شهر



يا اخي ما عليك من كلام الناس

و دام السياره ممتازه ونظيفه خلك عليها

وترى فيه ناس كثير للاسف يجيب الاسعار من راسه
او يجي يقولك ( يقولون اسعارها غاليه ) طيب وش يستفيد الواحد من ( يقولون )
كلن يمدح سيارته ويسب السيارات الثانيه ويقول قطعها مثلا غاليه وهو ما يعرف شيء عن قطع السيارات الثانيه هههههه

وإلا يجي واحد يشتري قطع غيار تجاري لسيارته ثم يجي يقول قطع الغيار الأصليه للسيارات الثانيه أغلى من قطع الغيار الأصلي لسيارتي .. وهو أصلا مركب تجاري .. يعني يقارن قطع سيارته التجاريه بقطع أصليه لسياره ثانيه

وأقسم بالله ما عندي سيارة تويوتا ؛ عشان ما تقولون اني ادافع عنها

وأنا أنصحك تروح للوكاله وتسألهم عن أسعار قطع غيارها وتطلب منهم خصم لكل قطعه




up 4 down 0
speed for ever 3708
قبل 8 سنه و 11 شهر



روح تأكد من محلات قطع الغيار وبعدها احكم ولاتاخذ بكلام احد


up 3 down 0
aboamani 1148
قبل 8 سنه و 11 شهر



شكرا لكم اخواني على ردودكم الطيبة .. وجزاكم الله كل خير
 
انا سألت من بعض القطع المتفرقة بالسيارة و اسعارها كالاتي :
العكوس بـ5500 ريال ( طبعا ما يحتاج عكس كامل المهم راس العكس فقط على حسب كلام الوكالة يعني ممكن تكون بـ 2000 ريال )
المساعدات الاربعة بـ 2100 ريال 
قماشات الفرامل في حدود الـ800 ريال 
طبعا المكينة والقير ما فيهم شي والحمدلله 
و انا اشوف انو هذي اسعار طبيعية جدا لانها من الوكالة و عليها ضمان 
وش رايكم ؟


up 3 down 0
o.tevez 51
قبل 8 سنه و 11 شهر



ياراجل وش ذا 

خمسه الاف ريال بس في راس عكس ومساعدات واقمشة فرامل 

كم شغل اليد  بحدود ٨٠٠ ريال 

الله يعينك والله غاليه نوعا ما طيب مادورت بديل للوكالة شف محلات النهدي او موزع معتمد 
اسال ودور باقرب صناعيه عندك

اللي خلاني اقول غاليه عندنا فورد ماركيز ٩٧ سويتله تجديد كامل
توضيب مكينه كامل 4500 ريال
علبة دركسون سفليه مدري علويه والله ناسي
بالاظافه الى مكيف كامل من كومبريسور وملحقاته من والى ومع شغل اليد وفريون
بالاظافه الى شمعات اماميه 
وزد عليها عكس خلفي امين مع خرط مدخل الصوفه بالدفرنس وزيت دفرنس
واقمشه كامله واربع كفرات وتضبيط التماس بالظفيره 
وشغلات ثانيه بسيطه ايه صح ودينمو جديد

كلها على بعضيها من والى بحدود 11الف 
ادري ماله علاقه بالموضوع بس عشان كذا قلت غاليه لتقارب الموديل 


up 3 down 0
مدرس عاطل 3
قبل 8 سنه و 11 شهر



اخوي لاتقارن الفورد بياباني والشي الثاني قدم الموديل 

يعني اضرب لك مثال مساعد فورد من 92 حتى 2003 ب 70 ريال امريكي
من 2004 ومافوق 350 امريكي والاصلي 650 ريال 

حتى الفورد قطعها غاليه لكن الي يرخص القطع وجود الامريكي فقط 

يعني طرمبه الدركسون انا شاريها 450 ريال مجدده الاصلي الله اعلم بكم 

توضيب المكينة كلفك 4500 اتحدااااااااااااااااااك اصلي 

تعرف ان شنبر المكينة بس لحاله 1300 ريال اصلي والامريكي بحدود 150 ريال شوف الفرق

اغلب الناس يقول الفورد رخيصه لكن ماهي رخيصه لو تغير اصلي من الوكاله

يمكن الكمبورسر رخيص تاخذه جديد ب 600 ريال من توكيلات الجزيره ولكن
مايعمر مثل الياباني

يعني مثلا كامري 2001 الكمبرسر بحدود 3 الاف ريال لكن يكد عشر سنين او اكثر

الفورد ب 600 ريال ويكد سنتين ويبدا التبريد يضعف


up 7 down 1
ibrahime 1196
قبل 8 سنه و 11 شهر



بالنسبه للعكوس انصحك تاخذها من التشاليح


up 3 down 0
abo fahhad 52
قبل 8 سنه و 11 شهر



رح للوكاله واسأل عن قطعها في الوكاله

قبل ماتروح التشاليح لانهم زوله ونصابين

ووجيه حبابين يدورون الريال من ظهر اي جاهل


up 3 down 0
استثنائي 790
قبل 8 سنه و 11 شهر



اخوي كل كل قطع السيارات صارت غاليه حتى انا وانت وكل واحد يقرا كلامي كم مرة يشتري للسيارة درجة ثانية او ياباني او اصلي او تشليح يمكن او ترقيع ؟؟؟؟


up 2 down 0
صوت العزاوي 523
قبل 8 سنه و 11 شهر



ابووووووووووك العكوس ب5500 !!!! اجل مديل 2013 بكم راس العكس ب2000 اخوي شوف القطع اشوفها غاليه لكن اذا السياره عاجبتك والميكنه والقير كويسه فخلها معك لان العكوس ومثل هالامور تعتبر اشياء استهلاكيه ولو انها غاليه اهم شي سلامة المكينه والقير وماعليها حوادث


up 2 down 0



لاتبيع السياره اذا مافيها اعطال عشان كلام الناس وخاصة اذا ما انت حق سفر ..


up 3 down 0
العايد.الشرقيه -12
قبل 8 سنه و 11 شهر



أنا عندي موديل 2000 XLS فل كامل،  مشاء الله عليه مريحه ع الخط وداخل البلد. قطع غيارة زي لكزس ES
وللمعلومية تراها صناعة امريكيه حتى موديل 2004.


up 2 down 0
350_lover 22
قبل 8 سنه و 11 شهر



السيارة ممتازة جدا لاتبيعاه من افضل الانواع بصدق


up 2 down 0
رايق السيارات 588
قبل 8 سنه و 11 شهر



ليش تغير عكوس ؟؟؟؟ رح محلات عكوس يزبطها لك 


up 0 down 0
turki_al1
قبل 6 سنه و 9 شهر



انصحك والله معي ٢٠٠٤ قطع الغيار حقته غاليه و اتعب عبال ما تدور


up 0 down 0
hason12345
قبل 4 سنه و 11 شهر



والله توني رايح ادور علبه دركسون الي افالون ٢٠٠٤ لقيته وسعره الف و اربعميه


up 0 down 0
hason12345
قبل 4 سنه و 11 شهر



الافالون من 2000 إلى 2004 النظيف منها اللي يبيعه غلطااان طبعاً موديلات اكيد فيها خرابات وتحتاج صيانة ومن واقع استخدام تجربة كل خراباتها صينها وغيرت مثل بواجي سيور فلاتر وزيت مكينه وقير ومسمار توازن وجلد مقصات ومويه لديتر وكفرات يوكهاما وفحمات أمامي خلفي وكرسي مكينه يجي تحت يركب فيه العكس الأيمن وبعض التلقيطات البسيطة جداً ب قطع وكالة ما عدا عمود دركسون خذيته من التشاليح ب 50 ريال ومن إلى كلفت حدود 5 آلاف صيانة وبصراحة تستاهل لأنها مواتر بجودة تصنيع ممتازة أفضلها عن الجديد هذا رأيي وسلامتكم


up 0 down 0
naif al h
قبل 3 سنه و 4 شهر