أضف سؤال أو موضوع جديد          

أغسل سيارتك في البيت أضمن لك و لبوية السيارة شرح مصور

up 27 down 2
r4rec0in 1446
قبل 5 سنه و 10 شهر



السلام عليكم و رحمة الله و بركاته
تحية طيبة و بعد ,
هذا الموضوع منقول بتصرف عن طريقة غسيل السيارة في البيت بالصور ,

السياره اللي سيتم تنفيذ الموضوع عليها هي من نوع بورش كاريرا اس الموديل ٢٠٠٦

السيارة قبل الغسيل

صـــــــــــــــــــــــورة رقـــــــــم ( 1 )

في البداية اقدم لكم الاشياء اللي تحتاجها في التنظيف ..
اول شي ماء حلو هذا طبعا ما يحتاج صورة
الأدوات :

صـــــــــــــــــــــــورة رقـــــــــم ( 2 )

* | الجزء الاول :

من اليمين
١ : خرقه فايبر .. ركزوا على فايبر يا شباب هذي تباع في محلات الزينه اسم الخرقه فايبر اللي في محلات الزينه ممكن تتلف مع الغسيل في مركز هارلي ديفيدسون يبيعون نوع ممتاز ما يتآثر بالغسيل الا بعد فتراه طويله من الاستخدام ويفترض هذي المنشفه ما تستخدم الا بعد الغسيل على اساس ما تضطر انك تغسلها بسبب الاوساخ ..

٢ : خرقه حمرا تباع في كافة المحلات ويفضل ان تستخدم فترات طويله على اساس اللون الاحمر يطلع منها وهذي الخرقه الشهيره طبعا تستخدم في محلات غسيل السيارات للبودي وهذا غلط هذا النوع من المناشف مخصص للزجاج فقط ..

٣ : خرقة الجلد والجلد نوعين جلد الغزال وجلد الماعز جلد الغزال افضل ولكن جلد الغزال اللي موجود في الاسواق هنا اللي مكتوب عليه الماني هذا جلد مقلد وفيه غراء ممكن يآثر على البودي الخرقه اللي في الصوره هي جلد ماعز ممكن الحصول عليها برضه من مركز هارلي ديفيدون وجميع الادوات اللي موجوده اعلاه لا تستخدم ابدا لازاله الاوساخ .. والخرقه الجلد لا تعصر ابدا لانها تتلف ممكن تضغط عليها بيدك لكن لا تلوي فيها لانها بتتنتف وهي اصلا تستخدم للشطف فقط اي ازالة المياه مو اكثر من كذا ..

* | الجزء الثاني :

أدوات الغسيل

صـــــــــــــــــــــــورة رقـــــــــم ( 3 )

1 : الاسفنجه الورديه هذي تستخدم لازاله الاوساخ من الجنوط ومسح الكفر ..
2 : الفيري للكفرات والجنوط فقط ولا يستخدم للبدي نهائيا ..
3 : العلبه اللي بها سائل وردي وهذي ماده اسمها لاست تتش والجالون اللي على اليسار نفس الماده ..

صـــــــــــــــــــــــورة رقـــــــــم ( 4 )

4 : سائل تنظيف زجاج عادي ..
5 : شامبو مخصص لغسيل السيارات ..
6 : الجهاز اللي منسدح هذا اسمه اير بلور او جهاز نفخ هواء ..

* | الجزء الثالث

غسيل السيارة :

اول شي ترش مويه على بودي السياره وتتآكد ان الماء وصل لكل اجزاء السياره على اساس ازالة الاتبره قبل وضع الصابون على البودي ..

ثاني شي تجيب لك جركل او سطل مياه وتضع فيه شمبو غسيل السياره وبعدها تاخذ لك اي خرقه وتمررها على بودي السياره مع العلم انه الشمبو فيه كميه رغوه عاليه ومو ضروري تكثر منه ابدا لانه ما راح يعطيك اي نتيجه اضافيه ..

هذي الصوره للسياره بعد ما تم غسلها بالصابون

صـــــــــــــــــــــــورة رقـــــــــم ( 5 )

بعد كذا نرش عليها المويه على اساس ينزل الصابون وركزوا معاي يا شباب المويه لازم تكون حاليه والمسح اللي حصل بالصابون لازم يكون مسح دقيق يبعد الاتربه اللي موجوده على السياره لانه المويه الحاليه ما تعلق في بودي السياره ابدا خاصة اذا كان الدي محافظ عليه راح تحصل المويه تنسب للاسف ..

بعد رش المويه حصلنا على هالصوره

صـــــــــــــــــــــــورة رقـــــــــم ( 6 )

بعد كذا بنروح نغسل الجنوط وفي هذا الوقت انصح بوضع الخرقة الجلد على بودي السياره علشان تمتص مويه قبل نبدآ الشطف لانها غالبا تكون جافه ..

نجي لغسل الجنوط واول شي تسويه تجيب لك سطل رايح فيها وتحط فيه مويه وصابون فيري وترجع تاخذ الاسفنجه اللي قلنا عنها وفرشه راح اعرض صورتها الحين

صـــــــــــــــــــــــورة رقـــــــــم ( 7 )

هذي الفرشه تحصلها في اي محل اواني منزليه وتستخدمه لتنظيف الكفر بشرط انه الجنط ما يكون نيكل على اساس ما يتجزح مع الاستخدام لانها خشنه نوعا معا ..

هذا السطل اللي قلنا عنه وحطنا فيه مويه وشوي فيري

صـــــــــــــــــــــــورة رقـــــــــم ( 8 )

تنظيف الكفر يا اخوان يكون باتجاه واحد يعني يدك تحركها باتجاه واحد يا يمين يا يسار لا تفرك رايح جاي لانك ما راح تحصل نتيجه جيده

الاسفنجه اللي قلنا عنها لتنظيف الجنط

ونرى اماكنية دخولها للتنظيف وكيف هذا النوع من الاسفنج مرن وموجود في محلات الزينه قيمته ٥ ريال ..
بعد كذا نقد نشوف كيف الاوساخ تنزل من الجنط

صـــــــــــــــــــــــورة رقـــــــــم ( 9 )

بعد كل جنط تغسله يفظل انك ترش عليه مويه على اساس الفيري ما يعلق سواء في الهوب او البريك او خلافه وخاصة في السيارات الرياضين لانها مشكله الهوب كبير ويتكون عليه الصدأ بسرعه والنصيحه انه بعد غسيل السياره لازم تتحرك ما تتركها واقفها ولا اقرآ على الهوب السلام ..

صـــــــــــــــــــــــورة رقـــــــــم ( 10 )

بعد ما ننتهي مو موضوع الجنوط يا شباب نرجع نشطف بدي السياره بالجلده اللي قلنا عنها والشطف يكون سريع .. ما يكون شطف تنظيف انما شطف لازالة المياه فقط ..

بعد كذا يجي دور الاير بلور او جهاز نفخ الهواء وبحكم انه الجهاز موصل بالكهرباء لابد من تغيير مكان السياره للضروره القصوى وعدم وصل الجهاز بالكهرباء الا بعد التآكد تماما انه يديك ناشفه او ملابسه ايضا ماله داعي الواحد يروح غلطه علشان ينظف سياره ..

انا شخصيا اغير المكان لمكان ناشف افضل كما في الصوره

وتشوفون كيف ممكن هذا الجهاز يخرج المياه الراكده داخل تفاصيل السياره ..

صـــــــــــــــــــــــورة رقـــــــــم ( 11 )

صـــــــــــــــــــــــورة رقـــــــــم ( 12 )

صـــــــــــــــــــــــورة رقـــــــــم ( 13 )

يجي الآن دور الماده اللاست تتش او اللمسه النهائيه اللي وريتكم قبل شوي وهذي انا شخصيا اجيبها من محل في الخبر قيمة الجركل ٢٤٠ ريال وبكل اسف انه قيمته في امريكا لا تتجاوز ٧٠ ريال مهمة هذي الماده اعطاء لمعه للبدي الحفاظ على البويه ازالة بقايا الصابون او الشمبو اذا كانت موجوده وترش عن طريق بخاخ سبري ويتم المسح بواسطة المنشفه الكربون اللي قلت لكم عنها في البدايه ..

مرحلة رش السبراي

صـــــــــــــــــــــــورة رقـــــــــم ( 14 )

مرحلة المسح

صـــــــــــــــــــــــورة رقـــــــــم ( 15 )

بعد ما ننتهي من مسح البودي نمسح الزجاج بواسطة بخاخ تنظيف الزجاج بالخرقا الحمرا بالطريقه التقليديه لاني اجدها الافضل سبق وان جربت المسح بالجرايد وهي فعلا طريقه جيده لكن الحبر يترك اثر واضح على الزجاج خاصة بعد الاستخدام لفترات طويله

صـــــــــــــــــــــــورة رقـــــــــم ( 16 )

النتيجه النهائيه يا اخوان نقدر نشوفها على كبوت السياره وكيف يعكس سطح البايكه

صـــــــــــــــــــــــورة رقـــــــــم ( 17 )

وهذه صورة اخرى ايضا للسياره من الجانب الايمن

صـــــــــــــــــــــــورة رقـــــــــم ( 18 )

أنتهى الموضوع ..
























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معاي لومينا

كل يوم اكحل عيني بشوفتها واغسلها بيدي


up 10 down 3
sultan-q 469
قبل 5 سنه و 10 شهر



والله عندك هنا الناس كسلانه حتى يروح اخص محل عشانه قريب من بيته هههيلا صديق نظف سياره واجيك بعد ساعه وهذا الحال ..
وجاك خضر .. 


up 9 down 1
كن بسيطآ تكن أجمل 7881
قبل 5 سنه و 10 شهر



الله يصلحك هاذي مايفكر فيها الا الفراري موب حنا ودردعنا


up 5 down 1
فهد4950 2547
قبل 5 سنه و 10 شهر



ما شاء الله سياره رائعه 
تستاهل تغسلها بالبيت 
فعلاً كل ما غسلت السياره في البيت 
احسها تنظف مو زي ابو هنود 
مو كسل يمكن الوقت او المشاغل 
لكن اذا عندك وقت فراغ غسل سيارتك 
لا اله الا الله وحده لا شريك له 
له الملك وله الحمد وهو على كل شي قدير 


up 7 down 0



والله مشوار  يا رجال صطل وموية حلوة وفيري وخرقة وبس وكملها استب 


up 6 down 0
ابوعابد_1414 1200
قبل 5 سنه و 10 شهر



موضوع جميل بس يارجل عندك ناس لو شافوك تغسل سيارتك تبدا علامات التعجب والاستفهام ،
اكيد الاخ موطبيعي فاهمين الي اقصده مرة غسلت سيارتي عند البيت واكلت شماته والشباب هآآآآ معك بورهورس ههههه


up 11 down 0
aziz..747.. 2415
قبل 5 سنه و 10 شهر



شكرا لك وبصراحه انا اذا غسلته سيارتي استمتع فيها بتوفيق للجميع


up 5 down 0
ابو جــنى 223
قبل 5 سنه و 10 شهر



قليل احد يغسل سيارته العادة يخلي السيارة بالمغسلة ويجيها بعد ساعتين او ثلاث وبمبلغ 30 واذا بالبخار 60 ريال ,,

انا من ناحيتي اغسل السيارة برى البيت كل يوم ربوع.. ياريت عندي كراج مثلك كان كل يوم تنظييف ,,

واشتريت مضخة ماء مثل الي بالمغاسل ب450 ريال وبالاخير المويه عندنا بالبيت مالحه ماتصلح تغسل فيها السيارة ..
وانا مجرب مويه المحلاة بالجبيل في شقة عمي .. بويه السيارة تصير تلمع كأنك مسوي تلميع للسيارة



up 5 down 0
بسدك 1368
قبل 5 سنه و 10 شهر



فعلا لما تنظف السيارة بنفسك ، تحس انها تجلس شهر نظيفة

مشكور ع الطرح المميز


up 4 down 0
Bin.salem12 852
قبل 5 سنه و 10 شهر



طيب شلون اعرف ان المويه مالحه ولا محلاه

اللي عندنا طعمها عادي مافيه طعم ملح هل تعتبر محلاه ؟


الحين في اوقات الدوام يعطونك مخالفه البلديه

اذا شافو ماء كثيرطالع من البيت وسبق واخذنا مخالفه اتوقع 300 ريال عشان غسسيل السور


up 4 down 0
استثنائي 791
قبل 5 سنه و 10 شهر



@# تصدقو اني قاعد اشم ريحة الصابون والشامبو من الصور

      هههههههههههههههههههههههههههههههههههههههههههههه

.......................................................................


up 3 down 0
feroo li 1818
قبل 5 سنه و 10 شهر



عندي فورد 97 مشهب لاغسلته بالحوش احسن انه 2011 اما عند البنقاليه موديل 83 هههههه مدري ليه .!؟ ولايحد يدري اني اغسل بمشبو اطفال كح كح من زينها ههههههههههههههههههه


up 6 down 0
م.بن عبدالله 2025
قبل 5 سنه و 10 شهر



يا رجل عندنا لو غسلت السيارة وشافوك الجيران بتشوف انواع علامات التعجب ع وجيهم كنه شي غلط عقول متحجرة


up 2 down 0
أستشاري الحب 6460
قبل 5 سنه و 10 شهر



فعلا موضوع ماله اي داعي


up 0 down 0
سليمان15 -209
قبل 5 سنه



عن جد انا من هوات غسيل سيارتي في البيت حتي اتفنن بغسيلها حتي الطيس افكها وافركها بافرشة اسنان


up 0 down 0
البرنس العرابي 100
قبل 4 سنه و 3 شهر



ونصيحها للي يبي كفرات سيارته تكون سود كنها ملمعه باستب

يغسل الكفر با فيري ويفركها بافرشه وبعدها يرش مويه علي الكفر يرش رش بيدينه لين يبدا ينزل الفيري وبعدها يخليها لين تنشف من المويه ويلاحظ الكفر كنه جديد


up 0 down 0
البرنس العرابي 100
قبل 4 سنه و 3 شهر



غسيل السياره بالبيت انشهد انه ينضفها لكن

والله يتعب ..


up 0 down 0
aazz1989 -18
قبل 3 سنه و 11 شهر



رياضة جميلة

أبي أنظف مراتب السيارة كيف ؟


up 0 down 0
ابو ابراهيم114 80
قبل 3 سنه و 7 شهر