أغسل سيارتك في البيت أضمن لك و لبوية السيارة شرح مصور

27 2

لايمكنك التصويت حتى الحصول على 20 نقطة على الأقل
إضغط هنا للإخفاء

r4rec0in 1443
قبل 11 سنه و 9 شهر

السلام عليكم و رحمة الله و بركاته
تحية طيبة و بعد ,
هذا الموضوع منقول بتصرف عن طريقة غسيل السيارة في البيت بالصور ,

السياره اللي سيتم تنفيذ الموضوع عليها هي من نوع بورش كاريرا اس الموديل ٢٠٠٦

السيارة قبل الغسيل

صـــــــــــــــــــــــورة رقـــــــــم ( 1 )

في البداية اقدم لكم الاشياء اللي تحتاجها في التنظيف ..
اول شي ماء حلو هذا طبعا ما يحتاج صورة
الأدوات :

صـــــــــــــــــــــــورة رقـــــــــم ( 2 )

* | الجزء الاول :

من اليمين
١ : خرقه فايبر .. ركزوا على فايبر يا شباب هذي تباع في محلات الزينه اسم الخرقه فايبر اللي في محلات الزينه ممكن تتلف مع الغسيل في مركز هارلي ديفيدسون يبيعون نوع ممتاز ما يتآثر بالغسيل الا بعد فتراه طويله من الاستخدام ويفترض هذي المنشفه ما تستخدم الا بعد الغسيل على اساس ما تضطر انك تغسلها بسبب الاوساخ ..

٢ : خرقه حمرا تباع في كافة المحلات ويفضل ان تستخدم فترات طويله على اساس اللون الاحمر يطلع منها وهذي الخرقه الشهيره طبعا تستخدم في محلات غسيل السيارات للبودي وهذا غلط هذا النوع من المناشف مخصص للزجاج فقط ..

٣ : خرقة الجلد والجلد نوعين جلد الغزال وجلد الماعز جلد الغزال افضل ولكن جلد الغزال اللي موجود في الاسواق هنا اللي مكتوب عليه الماني هذا جلد مقلد وفيه غراء ممكن يآثر على البودي الخرقه اللي في الصوره هي جلد ماعز ممكن الحصول عليها برضه من مركز هارلي ديفيدون وجميع الادوات اللي موجوده اعلاه لا تستخدم ابدا لازاله الاوساخ .. والخرقه الجلد لا تعصر ابدا لانها تتلف ممكن تضغط عليها بيدك لكن لا تلوي فيها لانها بتتنتف وهي اصلا تستخدم للشطف فقط اي ازالة المياه مو اكثر من كذا ..

* | الجزء الثاني :

أدوات الغسيل

صـــــــــــــــــــــــورة رقـــــــــم ( 3 )

1 : الاسفنجه الورديه هذي تستخدم لازاله الاوساخ من الجنوط ومسح الكفر ..
2 : الفيري للكفرات والجنوط فقط ولا يستخدم للبدي نهائيا ..
3 : العلبه اللي بها سائل وردي وهذي ماده اسمها لاست تتش والجالون اللي على اليسار نفس الماده ..

صـــــــــــــــــــــــورة رقـــــــــم ( 4 )

4 : سائل تنظيف زجاج عادي ..
5 : شامبو مخصص لغسيل السيارات ..
6 : الجهاز اللي منسدح هذا اسمه اير بلور او جهاز نفخ هواء ..

* | الجزء الثالث

غسيل السيارة :

اول شي ترش مويه على بودي السياره وتتآكد ان الماء وصل لكل اجزاء السياره على اساس ازالة الاتبره قبل وضع الصابون على البودي ..

ثاني شي تجيب لك جركل او سطل مياه وتضع فيه شمبو غسيل السياره وبعدها تاخذ لك اي خرقه وتمررها على بودي السياره مع العلم انه الشمبو فيه كميه رغوه عاليه ومو ضروري تكثر منه ابدا لانه ما راح يعطيك اي نتيجه اضافيه ..

هذي الصوره للسياره بعد ما تم غسلها بالصابون

صـــــــــــــــــــــــورة رقـــــــــم ( 5 )

بعد كذا نرش عليها المويه على اساس ينزل الصابون وركزوا معاي يا شباب المويه لازم تكون حاليه والمسح اللي حصل بالصابون لازم يكون مسح دقيق يبعد الاتربه اللي موجوده على السياره لانه المويه الحاليه ما تعلق في بودي السياره ابدا خاصة اذا كان الدي محافظ عليه راح تحصل المويه تنسب للاسف ..

بعد رش المويه حصلنا على هالصوره

صـــــــــــــــــــــــورة رقـــــــــم ( 6 )

بعد كذا بنروح نغسل الجنوط وفي هذا الوقت انصح بوضع الخرقة الجلد على بودي السياره علشان تمتص مويه قبل نبدآ الشطف لانها غالبا تكون جافه ..

نجي لغسل الجنوط واول شي تسويه تجيب لك سطل رايح فيها وتحط فيه مويه وصابون فيري وترجع تاخذ الاسفنجه اللي قلنا عنها وفرشه راح اعرض صورتها الحين

صـــــــــــــــــــــــورة رقـــــــــم ( 7 )

هذي الفرشه تحصلها في اي محل اواني منزليه وتستخدمه لتنظيف الكفر بشرط انه الجنط ما يكون نيكل على اساس ما يتجزح مع الاستخدام لانها خشنه نوعا معا ..

هذا السطل اللي قلنا عنه وحطنا فيه مويه وشوي فيري

صـــــــــــــــــــــــورة رقـــــــــم ( 8 )

تنظيف الكفر يا اخوان يكون باتجاه واحد يعني يدك تحركها باتجاه واحد يا يمين يا يسار لا تفرك رايح جاي لانك ما راح تحصل نتيجه جيده

الاسفنجه اللي قلنا عنها لتنظيف الجنط

ونرى اماكنية دخولها للتنظيف وكيف هذا النوع من الاسفنج مرن وموجود في محلات الزينه قيمته ٥ ريال ..
بعد كذا نقد نشوف كيف الاوساخ تنزل من الجنط

صـــــــــــــــــــــــورة رقـــــــــم ( 9 )

بعد كل جنط تغسله يفظل انك ترش عليه مويه على اساس الفيري ما يعلق سواء في الهوب او البريك او خلافه وخاصة في السيارات الرياضين لانها مشكله الهوب كبير ويتكون عليه الصدأ بسرعه والنصيحه انه بعد غسيل السياره لازم تتحرك ما تتركها واقفها ولا اقرآ على الهوب السلام ..

صـــــــــــــــــــــــورة رقـــــــــم ( 10 )

بعد ما ننتهي مو موضوع الجنوط يا شباب نرجع نشطف بدي السياره بالجلده اللي قلنا عنها والشطف يكون سريع .. ما يكون شطف تنظيف انما شطف لازالة المياه فقط ..

بعد كذا يجي دور الاير بلور او جهاز نفخ الهواء وبحكم انه الجهاز موصل بالكهرباء لابد من تغيير مكان السياره للضروره القصوى وعدم وصل الجهاز بالكهرباء الا بعد التآكد تماما انه يديك ناشفه او ملابسه ايضا ماله داعي الواحد يروح غلطه علشان ينظف سياره ..

انا شخصيا اغير المكان لمكان ناشف افضل كما في الصوره

وتشوفون كيف ممكن هذا الجهاز يخرج المياه الراكده داخل تفاصيل السياره ..

صـــــــــــــــــــــــورة رقـــــــــم ( 11 )

صـــــــــــــــــــــــورة رقـــــــــم ( 12 )

صـــــــــــــــــــــــورة رقـــــــــم ( 13 )

يجي الآن دور الماده اللاست تتش او اللمسه النهائيه اللي وريتكم قبل شوي وهذي انا شخصيا اجيبها من محل في الخبر قيمة الجركل ٢٤٠ ريال وبكل اسف انه قيمته في امريكا لا تتجاوز ٧٠ ريال مهمة هذي الماده اعطاء لمعه للبدي الحفاظ على البويه ازالة بقايا الصابون او الشمبو اذا كانت موجوده وترش عن طريق بخاخ سبري ويتم المسح بواسطة المنشفه الكربون اللي قلت لكم عنها في البدايه ..

مرحلة رش السبراي

صـــــــــــــــــــــــورة رقـــــــــم ( 14 )

مرحلة المسح

صـــــــــــــــــــــــورة رقـــــــــم ( 15 )

بعد ما ننتهي من مسح البودي نمسح الزجاج بواسطة بخاخ تنظيف الزجاج بالخرقا الحمرا بالطريقه التقليديه لاني اجدها الافضل سبق وان جربت المسح بالجرايد وهي فعلا طريقه جيده لكن الحبر يترك اثر واضح على الزجاج خاصة بعد الاستخدام لفترات طويله

صـــــــــــــــــــــــورة رقـــــــــم ( 16 )

النتيجه النهائيه يا اخوان نقدر نشوفها على كبوت السياره وكيف يعكس سطح البايكه

صـــــــــــــــــــــــورة رقـــــــــم ( 17 )

وهذه صورة اخرى ايضا للسياره من الجانب الايمن

صـــــــــــــــــــــــورة رقـــــــــم ( 18 )

أنتهى الموضوع ..

إبلاغ

الردود