أضف سؤال أو موضوع جديد          

نصيحه للي ناوي على موتر مستعمل

up 6 down 1
دحيم٧٧٧ 2205
قبل 9 سنه و 6 شهر



السلام عليكم ورحمة الله وبركاته : 

اخباركم عساكم بخير 

الصراحه ها الايام بديت الاحظ التحايل على الناس واللعب با السيارات خاصة 

يعني مثال : دايم نسمع با السيارات المسمكره والي موظبه وفيييه عيوب با السيارات تتصلح 

المشكله ومافيها لو واحد منا ناوي على موتر مستعمل وسئل راعيه في سمكره قال لا فيه حكوك قال لا 

بس فيه شئ اهم بكثير 

اسئله هل الموتر غرقان او محترق لان بعض الناس الي ماعندهم ذمه اذا باع عليك الموتر وبداء يقربع عليك 
واتصلت عليه وسئلته عن السبب طبعا لو قالك الموتر غرقان ...!  ويقولك انت ماسئلتني 

انا كان معي موتر وقطعت فيه شعيب وقدر الله علي ونشبت وسط الشعيب وصرت كل دست 

على البانزين كلما دخل الموتر في الماء والطين وكنت انا على الايام ذيك ما اعرف وش الدبره 
عاد قدر الله وماشاء فعل 

المهم حاولت بل موتر ارجعه زي اول بس ماش كل ماصلح شئ خرب شئ وبلشت فيه 

لما جاني كهربائي وفصل سلك البانزين وبداء يدق سلف ويطلع بانزين مع ماء 

طبعا السلك داخل الكبوت وصار الي كنت خايف منه التمس الموتر من البانزين 

وولع نار الكبوت كله قدر الله وماشاء فعل طبعا 

العيوب من الاحتراق : ضفيرة المكينه وعلبة الفيوز واسلاك البواجي بختصار 
كل شئ احترق 

وكلفني مايقارب ٦ الاف ورجعت الموتر كما كان 

طبعا دخلت الشعيب كلفتني مايقارب ١٢ الف 
غيرت الموتر من الى 

والاحتراق كلفني ٦ الاف 
قدر الله وماشاء فعل بغيت اشتكي على العامل بنقالي بس فكرت وعفيت عنه قلت بالف حل 
طبعا انا الموتر خلاني اتدين واتسلف بختصار طلع الشيب الي براسي والحمدلله 
ستر علي رب العالمين من الاحتراق و السيل 

المهم نويت ابيع الموتر تصدقون ياشباب فحصت الموتر ولا كان صار فيه شئ  كان الموتر سليم 

يعني مثلا الموتر حقه ٤٠ وابيعه ٦٠ وش الاحتيال هاذا ؟ 

المهم عقب ماطلعت من الفحص والموتر بداء يتعتع وطفا رحت شيكت قالو الضفيره. ..! 

وصلحتها ورحت عرضته با المعرض اقسم بالله لو يشوفه احد كان قال الموتر من احسن مايكون 

وهو فيه بلاوي الدنيا وخرباته ترجع شئ ورى شئ 

المهم الحمدلله رزقني الله بواحد وعلمته كل الي فيه وراح وفحص والفحص كما قال سابقا الموتر 
جديد ...! 
انا بريت ذمتي وبعته وعلمته كل الي صار والله اعلم هو وش ناوي عليه 

الغايه من الموضوع ياشباب خاصه الي يبي مستعمل حاول تعرف راعي الموتر زين 
قبل ماتشريه 

والحمدلله على كل حال 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك سليم

اولا لا تشتري من الشريطية حلو

ثانيا لو تشتري من قريبك او خويك افضل مليون مرة لانه ما يضحك عليك والسعر يراعيك فيه

ثالثا فيه سيارات مستعملة بالوكالات يمدحونها لانها فحص وكالة وكذا وسعرها يقولون حلو


up 5 down 1
sultan-q 466
قبل 9 سنه و 6 شهر



من شب علﯽ شئ شاب عليه


up 1 down 0
أسير المواجع 49
قبل 9 سنه و 6 شهر



مو لهدرجة !!
الناس فيها خير وبركة واذا فيه ناس عايشة للدنيا ولا عندها قيم فيه بالمقابل ناس تعرف القيم


up 2 down 0
talal abdullah 5420
قبل 9 سنه و 6 شهر



حتى الوكالات ماتضمنها ياأخ سلطان انارحت بشتري كم سياره من عند شركه بدجت للتأجير كان عندهم مايقارب 40 هوندا اكورد و35كامري في خلال يومين جات شركه عبداللطيف وشالت ال35 كامري وشركت هوندا اشترت الأربعين اكورد .. يعني حياخذوها الشركه ويزبطون فيها شويه ويوقفونها قدام الشركه على انها استخدام نظيف وبالآخر الضحيه المواطن للأسف


up 2 down 0
crazy makkah 32
قبل 9 سنه و 6 شهر



الناس بتهتم بالشكل الخارجي والفرش أكتر من إهتمامها بجوهر السياره ومكينتها الداخليه .... وده إلي أنشأ ورش متخصصه في
فبركه شكل ومظهر السيارات المصدومه والخربانه وإظهارها وتلميعها في أحسن شكل لسهوله بيعها ... سياسه برضوا زي سياسه الوكالات


up 0 down 1
ramyshubra 1321
قبل 9 سنه و 6 شهر



والله انا عن نفسي ماأؤيد اني اشتري سياره من قريب لي ’’لانه كل ماشافها سألك السؤال البايخ ( ها كيف موتري معك ؟ ) وغير كذا كل ماشافك جلس يناظر في موتره وش تغير فيه ووش ماتغير كأنك اخذته  من عنده ببلاش , اذا جيت بتشتري من معارض لازم يروح معك واحد فاهم وله خبره في السيارات ,, انا الحمدلله بعت سيارتين وبينت كل صغيره وكبيره في السياره صحيح انها ماجابت لي السعر اللي ابغاه لكن والله ارتاح ضميري والله بارك لي في قيمتها .


up 4 down 0
ابو سعود629 4708
قبل 9 سنه و 6 شهر



ودك يكون فيه الفحص مثل حق السيارات الاميريكيه يبين لك الموتر كم صدمه انصدم ومتى انصدم ومن اي جهة والخ وكل هذا برقم الهيكل وشف ترى المعارض والشريطيه يرفع سلعته وهي ماتسوى ويطيح بسلعتك وهي تسوى بس عشان ياخذ المكسب الدسم وانا مع ابو سعود في كلامه احيانا يجيونك اقارب نشبات تكره اليوم اللي شريت فيه ويمكن يصير نفسه فيه او يحن له وصارت مواقف لنا مثل كذا خبطت المكينه 3 مرات ويسال مثل هالاسئله رغم انه موب قريب شخص يعرفه الوالد


up 0 down 0
استثنائي 790
قبل 9 سنه و 6 شهر



كفو والله هذه هي شيم العرب , ما عندنا غدر و خيانه و انك تكذب و تزين سلعتك لجل تبيعها هذا حرااااااااااام , كفو والله و بعدين الله قاسم الارزاق موترك خربان شغال بتجيك رزقتك واللي يرضى فيها


up 2 down 0
3ala2 al-saleh 130
قبل 9 سنه و 6 شهر