مشكلة زيت الجيربوكس

طيب فحص الكمبيوتر يطلع المشاكل كلها ول بس الحساسات وزي كذا

الله يعوضك خير أخوي ... وبحكيلك قصه صارت معي قبل زمن بعيد شوي :

كان عندي كرسيدا امريكي 88 طبعا 6 سلندر قير تماتيك اشتريتها من جدة بطاقه جمركيه .. المهم فحصت الموتر ماشاء الله تبارك الله

مايعيبها شي وبعد ما شريتها من المعرض ومشيت بيها يومين الاوالقير مايعشق النمرة الاولى والنمرة الرابعة ؟؟ شوف النكبه كيف !

رحت لمهندس وقالي بشيك على زيت القير : قلت شيك .

رفع معيار زيت القير وقالي : تحتاج غيار زيت وفلتر .. وديك السنين ماكان لها قطع متوفرة .

ورجعت للميكانيكي وقلت له ماحصلت فلتر ؟؟؟ قالي طيب جيب زيت أصلي وانا بحاول أنظف الفلتر بالبنزين .. قلت خير سوها

جبت الزيت والرجال غسل الفلتر وكارتير زيت الجربكس وركبها وعبا الزيت الجديد وبعد ماخلص قالي جرب السيارة .

طلعت السيارة من الورشه ورحت أجربها في خط طويل شوي .. بعد ماتحركت بالسيارة لقيت ان النمرة الرابعة باقي ماتعشق

والباقي تمام !! طبعا زعلت ورجعت للميكانيكي وعلمته بالسالفة وقالي ..ابجربها معك .. قلت اركب .. وركب معي

وشاف المشكله واستغرب من الفلم الي صاير في القير وقالي ابفك القير واشوف وين المشكله .. طبعا انا زاد الزعل فيني

وجيت راجع للورشه وقلت في بالي خليني اعطي الموتر الدعسه كلها .

وفعلا سويتها وحطيت كل قوتي على دعسه البنزين هههه وشوي الى والنمرة الرابعة عشقت قبل أوصل الورشه تخيل !!

فرحت يارجال وفرح الميكانيكي وصارموتر أحسن من أول سبحان الله .

جرب انت امسك خط وشد على الموتر يمكن يتعدل او عندك حساسات التغيرات انحرقت .. لاتستعجل في التوظيب وافحص بالكمبيوتر

أو يمكن الرجال ماظبط شغلة تمام .......... الله معك ومعليش على الاطاله .

اخوي لو انتا ما غيرت فلتر الجربوكس ممكن عشان كده (وغير كدا لو غيرتو الفلتر والزيت)وحصلت معاك هادي المشكله راح افحص كمبيوتر او شيك على حساس الارماس ممكن مو مشبوك اوقات تحلص كده

اخوي لاتستعجل موترك ماشاء الله جديد مو معقولة ان القير يحتاج توضيب بالسرعة ذي !
اول اكشف كمبيوتر مثل ماقالوا الاخوان يمكن حساس ظغط الزيت يحتاج تغير لان صار عندي قبل في لومينا فترة غيرت زيت وفلتر بعد مامشت السيارة 100الف وهذا اكبر غلط انك تهمل تغيره المفروض بالكثير كل 40 الف فتأثر حساس ظغط الزيت الي يرفع الزيت للكلتشات حسب كشف الفني وغيرته وليومك الحمد لله رجعت التغيرات تمام ...
باتوفيق ان شاء الله بصيطة....

اخوي خلنا نبدا ببساطه على قولتهم ونبدا بالبسيط اعتقد والله اعلم شغلتك بسيطه وما تحتاج تكاليف اخوي شيك عالزيت حق القير وانتى حاطها عالريوس واسحب الجلنط وشيك عالزيت شوفه ناقص او زايد الزياده تسوي نفس حالتك واذا ناقص ماتعشق النمر وشوف وش القصه اذا الزيت مزبوط ومتاكد انو مزبوط وواثق من ده الشئ ونوع الزيت صح للقير انصحك تمسك خط طويل مايقل عن 50كيلو كحد افضل يعني وزياده بدعسه وحده خلي الزيت يتوزع بكامل الجيربوكس وبسرعه بسيطه ماتزيد عن 60كيلوانتى عندك الظاهر لسه ماتوزع وتشوف لخبطه بالنمر ومافي توازن امشي فيه المسافه هاذي وبعدها واقف وامشي ثاني مره شوف في تحسن ان شاء الله باذن الله حتلاحظ تحسن وسيبك من الورش والكلام الفاضي حق الورش القير تبعك ان شاء الله سليم سوي زي ماقلتلك وردلي 
طبعا عضويتي محظوره بدون اي سبب اسمي احمد شريف لو حبيت تراسلني موفق

سبحان الله وبحمده سبحان الله العظيم
دعواتك احصل وظيفه حلوه

لا لا الزيت اللي استخدمته زيت ينفع لسيارتي وبالنسبة للأخ اللي يقول مغطها سويت زي ما تقول بس مضابط

انا لمن طلعت لي المشكله قبل اربع ايام ما خليت محل بجده مارحت له ولخبطوني بس سويت فحص كمبيوتر وما طلع شي قالو سليم من الناحيه الكهربائيه روح لميكانيكي رحت لأكثر من واحد فشارع الإسكان اللي بجده قالو توضيب لازم وبعدها بيوم رحت لفرع تويوتا اللي بكيلي ٥ وكلمني مهندس الدعم الفني وقال ممكن توضيب او خطا في التركيب وبعدها رجعت للمهندس اللي غيرتها عنده قال ياولدي الشغله سهله وبسيطه وانا كل يوم أغير قال لي انه مشكلتي الجيربوكس تعود ع الزيت القديم لانه كان معدوم وثقيل وعشان كذا يا يرجع لوضعه الطبيعي او توضيب هذا كل ما حصل معاي بعد التغير وآسف ع الاطاله ومنكم نستفيد

احمد شريف اول شي الله يوفقك وتحصل وضيفه حلوه وثاني شي اذا ممكن تعطيني رقمك أبغ أخذ بشورك وجزاك الله خير انت واللي علقو ع الموضوع جميع

يعطيك العافيه وشاكر لك مرورك

شيك على أالزيت نأقص أو للأ أذا كان تمام غير حساس قير والله أالموفق

اخوي أبو محمد
عطني جوالك واعلمك كيف أالطريقه ألتسليمه للتغيير زيت ألقير

٠٥٦١٩٢٠٤٣٢هذا رقمي للي حاب يفيدني وشكرا للجميع