أضف سؤال أو موضوع جديد          

تجديد الاستمارة ومخالفات ساهر

up 10 down 4
Bikers store 597
قبل 5 سنه و 11 شهر



السلام عليكم ورحمة الله وبركاته
الله يسعدكم بكل خير

يااخوان فيه نظام بالمرور صاير معي شخصيا . قبل اسبوعين تقريبا اشتريت سيارة من رجال وكان عليه مخالفات والمرور نقل الملكية بأسمي عادي بدون مايسدد الرجال . ولما سألت حق المعرض قالي هذا نظام جديد تبيع سيارتك حتى لو عليك مخالفات . والله فرحت من هالخبر الحلو ماشاء الله ..

سؤالي اللحين نزلت علي 3 مخالفات ساهر بقيمة 1100 ريال . واستمارة سيارتي باقي فيها حوالي عشر ايام وتنتهي .. اقدر اجدد الاستمارة بدون تسديد المخالفات مثل نقل الملكية ؟ او لازم اسدد ؟ افيدونا بارك الله فيكم .


اللهم اخسف الارض في سيارات وكاميرات ساهر يارب العالمين .
اللهم ارنا عجائب قدرتك في من اخترع هذا النظام الظالم يارب العالمين .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صباحك ورد ومبروك الموتر الله يعطيك خيرة ويكفيك شره .. لاكن التجديد لازم تسدد قسايمك وعند البيع موشرط التسديد

والله يعوضك خير اخوي وانتبه من ابن اللذين سااااااااااهر الفلوس الي تسدد ساهر انت أولى بها من ها النصاب فااااااغر قصدي سااهر .


up 4 down 1
أبو ميان . 158
قبل 5 سنه و 11 شهر



جزاك الله خير يالغالي . والله مادري من وين طلعت هالقسايم والمصيبه بعد مانقلته بيوم وربي جاتني رسايل وانصدمت 3 رسايل ورى بعض لكن مانقول الا حسبنا الله ونعم الوكيل


up 3 down 0
Bikers store 597
قبل 5 سنه و 11 شهر



والله يالغالي مااظن تقدر تجدد لين تسدد المخالفات وكذلك نقل ملكية السيارة باسمك نفس النظام
ومبروك الموتر


up 2 down 1
أأبو نوااف 1637
قبل 5 سنه و 11 شهر



لازم تسدد علشان تجدد






up 1 down 1
aboamani 1149
قبل 5 سنه و 11 شهر



ايه شكلك ماسك التخصصي ولا الملز


up 0 down 0
فهد4950 2547
قبل 5 سنه و 11 شهر



نظام ساهر له ايجابيت وله سلبيات بس لاتدعي على المخترع 

الدعوى على الي دبل المخالفات


up 2 down 0
دحيم٧٧٧ 2203
قبل 5 سنه و 11 شهر



يا غالي ممكن المخالفات كانت ع الي باعلك السياره لكن ما نزلت الا يوم نقلت الملكيه،،،انا انصحك انك تروح المرور وتشوف الصور والتاريخ واذا طلع التاريخ قبل نقل الملكيه اعترض وراح يلغيها ان شاء الله،،،،


up 2 down 1
asalami 2091
قبل 5 سنه و 11 شهر



التجديد اجباري تسدد

عندي حل تماااام
انقل السياره بإسم واحد من اخوانك يكون نضيييف من المخالفات في هاذي الحاله ماتسدد مخالفاتك انت

بس اشوف المبلغ مو مستاهل مره انا علي 7000 ونقلت سيارتي بإسم اخوي عشان مايجبروني اسدد مخالفاتي

بالتوفيق........


up 0 down 0
المدينه 300 769
قبل 5 سنه و 11 شهر



السلام عليكم اخوي كيف تقول الموتر باقي 10 ايام وتنتهي الستمارة    اقل شي 6 شهور    اذا نقلت الملكية يعطونك زياده
انا مامداي شاري موتر تنتهي الاستمارة بتاريخ 20 / 4  
خلوها 20 / 8   اذا مرور منطقتكم يفرق هذا شي ثاني       انا الي مخلصة بنفسي لو معقب يمكن سنه قدام لان المعقب 
يفرق عن المواطن العادي    اذا المعقب خلص لك السيارة خلها لك 5 سنين قدام    

وعتذر عن الطاله 


up 0 down 0
رسـاوي 1234 126
قبل 5 سنه و 11 شهر



يااخوان انا علي قسايم حول 21 الف 
والاستماره منتهيه اقدر ابيع السياره 




up 0 down 0
misho123 849
قبل 5 سنه و 11 شهر



وانا يالربع عندي زي اخوي اللي فوق مخالفات بقيمه 20900

وابي ابيع موتري والاستماره منتهيه تكفوووووووون شوفولي حل كيف اجدد الاستماره


up 0 down 0
sKr0o 27
قبل 5 سنه و 11 شهر



ايه يمديكم تبيعون وعليكم مخالفات لان الرجال اللي باعني عليه مخالفات .
بالنسبه للاخ اللي يستفسر عن المخالفات للمالك الاول والا لا . لا المخالفات مسجله بأسمي وفعلا وانا طالع من الرياض للشرقية صورني ساهر وشفت الموقع وبالفعل المخالفات ثابته علي .

الاخ اللي يقول مايجددون لي .. والله العظيم نقلت الملكية من مرور النسيم بعد صلاة المغرب واستلمت الاستمارة بعد العشاء وكان باقي بالاستمارة اقل من شهر ونقلوها لي والفحص باقي عليه شهر والتأمين شهرين ولاااحد سألني . كنت ابجدد الاستمارة بس قلت اللحين ينشبون لي على الفحص لكن خلني اجرب حظي واقدم الاوراق . وبالفعل قدمت الاوراق ونقلوا لي السسيارة وطلعتها من المعرض ومشيت للدمام وصادني ساهر على الخط اول ماطلعت من الرياض .


up 1 down 1
Bikers store 597
قبل 5 سنه و 11 شهر



لازم تسدد الاعفاءء فقط في نقل الملكية من اسمك لشخص اخر وتكون الاستمارة سارية فقط


up 0 down 0
0580006336 261
قبل 5 سنه و 10 شهر



ايه اخوي ياماها انا عارف لو ابيع سيارتي وعلي مخالفات عادي بس شرط تكون الاستماره ساريه المفعول بس اذا كانت منتهيه زي حالتي لازم اجدد الاستماره وتجديد الاستماره يحتاج تسديد المخالفات حبيت اوضح يابعدي والف شكر ع التفاعل


up 0 down 0
sKr0o 27
قبل 5 سنه و 10 شهر



عندي مخالغات ذ١٥ الف 


up 0 down 0
ابو سامي السلمي
قبل 3 سنه و 7 شهر



انا بشتري سياره وعلي مخالفات علموني عادي تنقل ملكيه السياره


up 0 down 0
yousf8000
قبل 3 سنه و 2 شهر



سوال يااخوان انا استمارة السياره راح تنتهي و السياره باسم اخوي وعلي سيارت اخوي مخالفات ونا سيارتي ماعليها شي تتجدد الاسماره حقتي ارجو الرد



up 0 down 0
khaleed3212
قبل 2 سنه و شهر



ممكن استفسار أنا شريت سياره واعطيت صاحبها الفلوس ويوم نجي ننقلها طلع عليها مخالفات وصاحب السياره رافض يسددها افيدوني مشكورييين


up 0 down 0
عبد الرحمن الشهري 2832
قبل سنه و 4 شهر



ي اخوان انا عنذي سياره اجار تمليك وقالو لي سوي فحص وجدد استماره بستفسر كيف اجار تمليك وانتههت الاستماره ولما اجدد لازم اسدد مخالفات الي علي؟


up 0 down 0
ماهر بدر الشلاحي
قبل 8 شهر و أسبوع