أضف سؤال أو موضوع جديد          

مشكلة الكتمه في الكورلا؟

up 3 down 0



السلام عليكم ورحمة الله وبركاته
اسعد الله اوقاتكم بالسعاده والرضا
الموضوع اخواني بالاختصار 
عندي في الكورلا 2004كتمه لمى ادعس على البنزين يعني فوق الاربعين الى الستين 
يعني تكون الكتمه متكرره حوالي 3 او 4 مرات وبعدين يمشي الموتر
المهم رحت الصناعيه ومرت كذا ورشة قالو يمكن منظم الهواء او مشكله باسلاك البواجي
او صفاية البنزين وبعد تعب نظفت المنظم وشيكت على اسلاك البواجي وغيرت الصفايه

وما زالت المشكله موجوده ،،وقلت مالي الا استشير الاخوان بحراج وان شاء الله القى الحل
واعتذر حيل على الاطاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هلا أخوي إذا كانت سيارتك 1300 cc  و أوتوماتيك , طبيعي تكون هالكتمة , لأن حجم المكينة صغير و العزم طبعاً راح يكون
ضعيف , أذكر واحد من الزملاء كان معاه كورلا نفس هالمواصفات و كان يحس ب(كتمة) عند الدعسة و راح وداها لأحد الورش
وقال له الميكانيكي: إن (الكتمة) طبيعية لأن حجم المكينة جداً صغير مقارنة بالهيكل الخارجي , أتمنى أكون أفدتك ولو بشي بسيط .


up 1 down 0



رح لميكانيكي كويس خله ينضف لك البخاخات وتاكد من اسلاك الضفيره اللي تكون غالبا فوق المكينه بالضبط اذا هي مجروحه السبب منها لانها تسبب ماس وتقطع السياره او طرنبه بنزين غير كذا مافيه لانك غيرت اسلاك بواجي وصفايه ,, وبالتوفيق


up 2 down 1
نادر القحطاني 503
قبل 5 سنه و 11 شهر



أفحص الكويلات وبدل الخربان او اذا الميزانية ماتساعد لف عليه شطرطون وبإذن الله تتيسر



up 1 down 0
ما بنكسر صابر 2690
قبل 5 سنه و 11 شهر



اشكر كل من رد والله يسعدكم دنيا واخره
اخوي نادر سويت فحص كهرباء يقول مافيه مشكله ما ادري اذا لها شغل 
اخوي alasriاذكر فيه ميكانيكي سالني عن البنزين قلت اخضر قال يمكن منه المشكله 
ابشوف الطرمبه بكره ان شاء الله 


up 1 down 0



مشكله كهرب مادام الكتمه سرعه معينه


up 0 down 0
nnna 1028
قبل 5 سنه و 11 شهر



سوي الي اقولك عليه في الحرف الواحد(غير البواجي + شيك على اسلاك البواجي+غير فلتر بنزين + غير فلتر الهوا + شيك على حساس الارماس+نظف بخاخات+نظف بوابه البنزين+نظف تلاجه المكينه+وقبل ما تسوي الكلام هاده كلو شيك على طرمبه البنزين ممكن ضعيفه) ولا تحرمني من دعوه منك


up 0 down 0
bes0 733
قبل 5 سنه و 11 شهر



 nnna هلا اخوي شيكت كهرب مافيه مشكله 
bes0   ان شاء الله ابشيك على الطرمبه تقريبا المشكله منها 
بس ابسالك وش حساس الارماس 
وجزاكم الله خير




up 0 down 0



حساس الايرماس هو حساس الهواء


up 0 down 0
ما بنكسر صابر 2690
قبل 5 سنه و 11 شهر