أضف سؤال أو موضوع جديد          

سعر طبلون برادو جديد من الوكاله 1636 ريال والتشليح 3 الاف

up 17 down 4
ibrahime 1194
قبل 6 سنه و 3 شهر



يااخوان واحد من الشباب شاري برادو 4 سلندر جير توماتيك المهم الطبلون انواره 

ماهي شغاله وراعيه يقول فيوز بس المهم الرجال صدق كلامه وشراه يوم جاء يصلح الفيوز

طلع الطبلون على كلام الكهربائي انفك الى قال يااااكافي قاله غيره وقاله الكهربائي
انا مركب واحد من التشليح 3000 الاف ريال

قال راعي الموتر خلني اروح اسال في الوكاله وفعلا راح وكاله عبد اللطيف في الرياض

في عند اشاره لكزس وسعره ب 1636 ريال كااامل جديد وبيجي من جده بعد يومين

والله انا اشوف ان الطبلون كامل بالامبيرات اشوفه رخيص 
والحق يقال ان ابوجميل موفر القطع

الطبلون هذا لو في اي وكاله ثانيه مثل نيسان احلم تلقاه 

المغزى ياااخوان لاتشتري شي من التشليح الى بعد ماااتسعرها جديده

لان التشاليح يضربووون بالاسعار








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلا كلامك صحيح

و أنا لي تجربه مع التشليح كنت أدور اصطب ددسن 2002 لقيته في معضم التشاليح من 150 إلى 130 مستعمل بدون القواعد وكنت 

أظن هذا سعره ولقيته بالوكاله عند محل باتيس 125ريال كامل مع القواعد أصلي ياباني وبعد هذا إذا بحثت عن قطع الغيار أسأل الوكاله 

أولا عن السعر وأقارنها بسعر التشليح وأختار المعقول بينهن ...موضوعك مفيد تشكر عليه وتستاهل التقييم


up 9 down 0
ابــو ســنــد 10635
قبل 6 سنه و 3 شهر



صدقت ... مرة كنت ابغا دنمو كهربا لسيارتي .. المهم رحت التشاليح لقيتة ب 450 وقلت في بالي خليني أشوف الجديد بكم

ورحت محلات القطع واخذتة نفسة ب250 يعني لو طاوعت الهندي كان راحت علي 200 !! و العجلة ماهي زينة .

وزين من راعي البرادو انه ما استعجل .......... ولايك أخوي .


up 6 down 0
مستر بن . 10372
قبل 6 سنه و 3 شهر



يا رجال أنا كنت بشتري شمعة مازدا من التشليح 

حسبها ب250 و التجاري 300 

اللي عنده مغبر و فيه كسر بسيط 

نصب مش طبيعي :) 




up 3 down 0
xxxthegiantxxx 366
قبل 6 سنه و 3 شهر



اسعار التشاليح مالها تسعيره موحده
مثلا كمبروسر ددسن حق موديل 2001 بـ 1000 ريال
خذيت حق 2008 بـ 450 ريال من تشاليح الرياض
اصطب خلفي حق كرلا 2004 بـ 40 ريال وانا اتحدى اي شخص يجيبه بهل السعر
يعني لازم تفر التشاليح وحده وحده وعلى رواقه احيان تطيح على صيدات مثل قطع الكماليات "جنوط,طبلون فل كامل,عدسات"تستخدمها فتره وتبيعها بمكسب


up 4 down 0
عـز الخوي 347
قبل 6 سنه و 3 شهر



ههههههههههههههههه حسبوا ديكورات كامري 2002 ب 500 ريال وماشريناها , ولوحة التحكم حقت القزاز صقعوا ابونا ب 1600 وهي بالوكالة ب 550 تقريباً بس طلبية من جدة وانباعت السياره على حالتها :)




up 3 down 0
YASSER505 4167
قبل 6 سنه و 3 شهر



الديكورات اللي حول المسجل وديكور القير


up 2 down 0
YASSER505 4167
قبل 6 سنه و 3 شهر



اشتريت واير سرعه صني من التشليح 150 ريال وطلع خربان 
وأمر على الوكالة لقيته بــ  49 ريال 
حنا مشكلتنا نسمع كلام الناس ونتوجه على طول التشليح خصوصاً الي في الورش .


up 3 down 0
خالد 3000 837
قبل 6 سنه و 3 شهر



والله مافي صدق باهل الدنيه حتى التشاليح حرااااااااااميه !!!!!!


up 2 down 0
salmanalotaibii 1155
قبل 6 سنه و 3 شهر



تقصد طبلون كامل او حقات العدادات فقط؟
والجلدة (الطبلون كامل) اللي فوق حقت الكامري بكم؟ لاهنتم


up 2 down 0
ابو عبدالله احمد 3395
قبل 6 سنه و 3 شهر



ياخي التشليح ذا ودي اجمعهم وانطلهم في الوادي فيهم تسذب يروع ...كنهم شريطيه السيارت


up 3 down 1
oo8m8oo 202
قبل 6 سنه و 3 شهر



مكره شداد حق صابونه رحت ادورها بالتشاليح جيت عند واحد وقالي ب٣٠٠ والثاني يقول ١٥٠ واقل واخد ب ١٠٠ ريال،،،وما اقتنعت ورحت قطع الغيار وشريتها ب ٢٥ ريال فقط!!!!!!شايف كيف النصب،،،،


up 4 down 0
asalami 2110
قبل 6 سنه و 3 شهر



السالمي البكرات عموماً حتى لو حديد مايتعدى سعرها 50 ريال ..!! وراك استعجلت

المهم انت ذكرتني يوم انفرطت بكرة شداد السير حقت وانيت فورد ,, جبت السيارة بسطحة ونزلها راعي السطحه عند خويه اللي يعرفه .. وصقع اهل اهل اهلي بالف وشوي ,, وقلت معليييييش وخليته ينزل السياره ودفيتها للي بجنبه الباكستاني قال شغل يدي 50 ومنا ومنا 40 والبكره اروح اجيبها , وبعدين هون وشكل السوري كلمه واقوووم اعصب واشغل السياره وهي بدون سير والطاره ثقييييله وبدون مروحه هههههه واديور واروح عند يمنيين وفعلاً اخذوا 40 شغل يد والبكره شريتها ب 25 وفيه وحدة زرقا ب 15 ماهضمتها ههههه بس الخلاصة ان البكرات عمووووماً ماتعدي ال 50 لو ايييييش


up 0 down 0
YASSER505 4167
قبل 6 سنه و 3 شهر



صدقت 

انا كان معي هوندا سيفيك المهم كان مفتاح التكايه مكسور الى يمسك التكيايه 

فصارت تنفتح من نفسها ههههه المهم قلت بشوف لها حل رحت التشيح قالوا لزم التكايه 

كامله الظاهر ٣٠٠ ريال ههههه

المهم رحت عبدالله هاشم لقيت الغطاء بلحاله اصلي ١٦ ريال 

نصيحه لحد يشتري من التشليخ اكثرهم رافعين قطعهم اكثر من الوكلاء 

مشكور اخوي على الموضوع


up 0 down 0
طالب علم. 282
قبل 6 سنه و 3 شهر



رحت بشري درج كامري التشليح 300 _350 شريته من الوكاله 145 :)


up 0 down 2
ابو فيصل 2010 -40
قبل 5 سنه و 10 شهر



اصحاب التشاليح يعطيها من راسه صابت صابت والا الاغلب ماهو عارف كم سعر القطع في الوكاله الانسان لايقف عند تشليح ولا يروح للتشليح الا بعد مايمر على الوكاله واي قطعه عليها شغل نصيحه الك غير الوكاله لاتقول يمشي


up 0 down 0
farsmmm 125
قبل 5 سنه و 6 شهر



اسطب خلفي لهوندا قالولي ب900 نفس قيمه الوكاله سلامات
ومغبر وحق 13 ويقولي اذا تبغى 15 ب1300 اصلي والشاشه
ع 2100 حقت الفل كامل


up 0 down 0
m7mas9 179
قبل 3 سنه و 5 شهر