كامري 2003 توضيب ولا مكينة جديده؟

اخوي الكوامري من 2003 كلها تنقص لا تشنبرها ولا شي الا اذا كانت تدخن

شلون تسقط ؟؟ ما فهمت 
وانا عندي دوج دورانجو نفس المشكلة ينقص 

لا تستعجل بالتوضيب أو تغيير المكينه

يمكن النقص يكون طبيعي أو من الزيت اللي انت تستخدمه
لا تخسر نفسك على الفاضي سواءا توضيب او تغيير مكينه

لأن :

1) اخاف توضب ولا ترجع مثل أول

2) وأخاف أنك تركب مكينه من التشليح وتكون موظبه بقطع تجاريه وانت تحسبها شد بلد

3) أو ممكن تكون المكينه شد بلد لكن تنقص زيت ( يعني ما استفدت لو انت مستمر على مكينتك الحاليه أفضل )

اللي اعرفه واسمعه من الناس ان الكامري ينقص زيت المكينه ولازم تزوده كل فتره وفتره أو بعد خط سفر طويل

والنقص يعتبر عيب مصنعي يعني لا تحكم على طول انها تحتاج توضيب وتتخسر على الفاضي


لكن للأمانه ما أعرف كيف ( تسقيط شنبر ) ياليت تفيدنا عنها وتقولنا كم تكلف ؟ و وش الأشياء اللي تحتاج تفكها عشان تقدر تسقط شنابر ؟

اصبر وانا اخوك ولا تستعجل

1) وش الزيت اللي تستخدمه ؟ وكم لزوجته ؟ يعني مثلا 20W50 أو 10W30 أو ؟

2) تأكد أن الزيت أصلي وغير مغشوش .

3) تأكد أن ما عندك تهريب من ( صرة زيت المكينه + السيفون + وجيه المكينه + عيار وغطاء الزيت )

4) كم تنقص كل 1000 كيلو أو كل 2000 كيلو ؟ يمكن يكون عندك معدل النقص طبيعي

جرب زيوت بترومين ميزتها أنها ما تنقص

واذا نقص يكون النقص قليل مقارنة بالزيوت الأخرى


ناس كثير يمدحون بترومين ويقولون ما ينقص ولا يتغير لونه بسرعه مثل بعض الزيوت الأخرى

" ســبــحــآآن آلله و بــحمده ســبــحـآآن آلله آلــعــظــيم "

السلام عليكم .. ياجماعة الخير .. اللي يسأل عن { الـتسقيط } معناه .. إن يفك الماكينه القديمه ويركب مكينه ثانيه ..

كلها تنقص بيضحك عليك 

عاشقـ الماركيز {1991}

وعليكم السلام

أعرف معنى ( تسقيط مكينه ) زي ما قلت تفك المكينه القديمه التالفه وتركب مكينه ثانيه

لكن اللي أقصده ( تسقيط شنابر ) ما أدري كيف طريقته وكم يكلف

ومشكور و الله يجزاك خير على اهتمامك بالتوضيح

خذها معلومه في راسك السيارات الجديده ماينفع معها التوضيب لنها المنيوم والخرط ماجيي تمام وتنقص بتبيع بيعها مثل ماهي لنه معروف الكامريات انها تنقص زيت من 2003 لحد الان سعر مكينه تشليح حول 7 الاف وفوق 

التسقيط شنابر يعني يغير شنابر المكينه بس ينزل القديمه ويسقط الجديده 

السلام عليكم .. صباح الخير..
الي اعرفة عن تسقيط الشنابر : انك تفك رأس المكينة والكرتير بس بدون ماتطلع المكينة كاملة ( أسطوانات السرندل )
طبعن تغير الشنابر واسبايك المتحركة وتمسح رأس المكينة ووجيه جديدة بس وتكلف بالكامري والكورلا 2000 تقريبآ
ملأحظة هامة :
الكامري ماينفع تغير الشنابر لازم تغير البستم كامل وراح يكلفك اكثر بس افضل ... عن تجربة
اما الكورلا على حسب البستم وغالبآ مايحتاج تغيير البستم .

اخوي غير الزيت لزيت اثقل واستعمل الترا7 لزوجه20w50وشوف الوضع كيف ماشيه ولا باقي تاكل او غير المكينه ويفضل انك تسقط شنبر وتمشي حالك فيها اذا بينفع 
والله صاحبي كان يقول الكامري 2003 النقص الي فيها كان ميكانيكي هنا بجده ماعرف ورشته يغير لابساتم او شئ لكامري القديمه والمكينه ماتسير تنقص ابدا شئ عجيب وانا اشهد

النقص طبيعي اذا كان ربع علبه بس اذا كان ينقص من الخطوط الطويله