أضف سؤال أو موضوع جديد          

بخصوص اهل التطعيس

up 17 down 2
دحيم٧٧٧ 2205
قبل 9 سنه و 4 شهر



السلام عليكم ورحمة الله وبركاته : 

وش اخباركم ان شاء الله طيبين 

وكيفكم مع ها البرد 

المهم : 

الييوم فكرت بموضوع التطعيس والطهبله الي فوق اللزوم والخطر الي يصحل بيننا 
اولا ترى البر شارع بدوون اشارات ولا لوحات ولا تنبيهات هههههههههه

يعني خلك منتبه في اي لحظه عادي اي واحد يطب عليك الله يحفظنا وجميع المسلمين 

بصراحه انا دايم اروح اتفرج على الي يطامر والي مسرع والي يخمس والي يتفتف 

كل يطلعً الي براسه بس 

جلست اتامل الي جولي اقشعر جلدي اشوف واحد مقلع ومسرع ناوي يرقى النفود 
وواحد مو لمه وشوي ويطلع عليه طبعا الي ناوي يرقى ماغير سرعته على الدعسه 

فكرت قلت لو يتصادمون اثنين مافي لا اسعاف ولا دوريه مافيه
الا ناس ماتدري وس السالفه حتى لو فزعو له ممكن يتسببون في شلل للمصدوم 

لانه لازم يحرك على شوي شوي وطبعا الشعب السعودي مثل النار راح يشيله كانه 

كيس زباله وانتم بكرامه 

وعلى كذا راح يتعذب طول عمرره الله يكفينا شر الحوادث وشر كل شئ 

المهم الغايه من الموضوع ياشباب المطلوب انك تهدي وتريح بالك وتطالع حولك قبل ماتمشي 

لان البر وخاصة اماكن التجمع مثل النمل 

والمشكله ما وراهم شي بس استعراض 

استعرض واستانس وفلها بس انتبه قبل ما ترقى النفود ممكن يكون هناك اطفال عائله 
شباب اي كان انتبه قبل كل شئ 

وعاد اذا كان النفود منظم راح ازعل عليك لو ماترقى النفود هههههههههه

والله الله بصلاة الفجر .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صدقت ي غالي الحذر واجب بكل مكان !
مشكور ع الموضوع ولك لاييييييييييك


up 2 down 0
رآعي آلسيكل 374
قبل 9 سنه و 4 شهر



ما يكسر السياره ويخليها قرنبع غير التطعيس


up 4 down 3
ban123 898
قبل 9 سنه و 4 شهر



صدقت والله                                                                


up 0 down 1
salmanalotaibii 1153
قبل 9 سنه و 4 شهر



التطعيس الزايد عن الحدود يخرب السيارة اما في تطعيس خفيف للوناسة شوي


up 3 down 1
رايق السيارات 588
قبل 9 سنه و 4 شهر



بس بصراحة ممتع ومسموح و انشالة لو صار شي فانت على رمل  يعني ما يقارن بالتفحيط  والهبال الزايد مب زين 


up 0 down 0
فيصل بن سعد 356
قبل 9 سنه و 4 شهر



كلام سليم، الله يستر علينا وعلى كل مسلم، الواحد يروح ينبسط مايروح عشان يبهذل نفسه.


up 0 down 0
arrasmy -3
قبل 5 سنه و 2 شهر