أضف سؤال أو موضوع جديد          

بفتح سده هل لها اضرار او فوائد ؟

up 3 down 3
عبدالله الزهراني97 35
قبل 9 سنه و شهر



سلام عليكم 

ياخوان انا عندي هايلوكس وابغى اسوي سده مادري كيف تتسوى  وبكم 

والاهم هل لها اضرار ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هههههههههههههههههه توي قبل ساعه نازل من عند خويي ومعه هلي ومسوي سده  
اهم شي تبعد من المكينه يعني اذا بتفتح من عند نص الباب القدام الي النهاية مافي اثر اذا سويت في هذي المنطقه اما بعد الباب 
يعني قريب للمكينه  يؤثر وبقوه  خذها نصيحه مني انا سقتها يعطيك صوت اكبر من المشي فهمة علي ؟ طبعا سو لها غطا تعرف 
كيف يعني متى ما تبي تفك السده واذا رجعت البيت وما تبي الشايب يدري ههههههه  ابعد مسافة كيلو قبل البيت وسكرها 
زي خووي 


up 0 down 0
ابوعابد_1414 1201
قبل 9 سنه و شهر



اخوي ماانصحك تركب انا معي هايلوكس ركبتها خربت السياره تبي صوت حلو فك الشخالات او ركب دبة


up 0 down 0
كاتم الونات 739
قبل 9 سنه و شهر



وين مكان الشخلات ؟ عشان اقول لخووي لانه مزعج مسويه في نص الباب القدام انا ابيه يكون خفيف 


up 0 down 0
ابوعابد_1414 1201
قبل 9 سنه و شهر



مالها اضرار على السيارة بس ازعاج وتطيح العزم في بعض السيارات


up 4 down 0
ابو عدآي 335
قبل 9 سنه و شهر



ايه صح ذكرتني يابوعداي يوم كنت اسوق الهلي والسده مفتوح كان عزمه ضعيف يوم سكرته رجع عزمه صح عليك ذكرتني


up 1 down 0
ابوعابد_1414 1201
قبل 9 سنه و شهر



السده تضيع ضغط الهواء ويضيع العزم
فك الشخالات وركب بدالها ماصوره تجاري او اي تلفيق والشخالات لايفرغها اذا تتفرغ ا تنساها عنده انتبه وانا اقولك خذ نصحيتي دبه وسده لاتفكر فيها كذا بتوذي الناس وبتاكل من هالدعاوي 


up 0 down 0
م.بن عبدالله 2027
قبل 9 سنه و شهر



السده تنقص الزيت علي حسب كم بوصة مسوي انت واذا انك صامل اشتر ماصورة تجارية ولحمها قبل الشخالات وخذ الشخالات لانها غالية


up 0 down 0
ابوابراهيم ksa 1391
قبل 9 سنه و شهر



1) ازعاج
2) يطيح عزم السياره
3) تضر السياره
4) تلوث البيئه

لأن الشكمان له ضغط معين اذا لعبت فيه سدّه أو الخ ... أو ركبت شكمان كبير جدا على مكينه صغيره ( توليف )

يطيح عزم السياره

تدري أن فيه حساسات بالشكمان تعطي قراءة لكمبيوتر السياره .. عشان يعدل نسبة البنزين والخ ... ويعطيك أفضل إستهلاك للوقود وافضل عزم

اذا فتحت سده بتأثر على قراءة الحساس بشكل سلبي

سدّه = فقط صوت .. ولكن مع اضرار كثيره


up 6 down 0
speed for ever 3708
قبل 9 سنه و شهر



فك الشخالات الي بدبه الي ورأ ولا اذا كان موتك ٢٠٠٦ وفوق فيه دبات اصغار ثنتين فرغ الي فيها ويطلع صوتها حلوو 


up 0 down 3
a7mad90 -5
قبل 9 سنه و شهر



طيب يعطيك العافيه بس كيف افك الدبه ؟ ووين مكانها


up 0 down 1
عبدالله الزهراني97 35
قبل 9 سنه و شهر



شف القزوز امتداده الا الكنداسه فيه دبتين صغار فرغ الي جواها


up 0 down 2
a7mad90 -5
قبل 9 سنه و شهر



نصيحة لوجه الله لا ترمي دبة البيئة و لا تفرغها بعدين تندم من ناحية العزم ومن ناحية خساير الفلوس اللي بالألوف لا تسمع كلام الشباب الصغار اسمع كلام المهندسين ومن هم اكبر منك و جربوا يدورون قطع ما هي موجودة الا طلب من الوكالة وانت حر و بالتوفيق للجميع


up 2 down 0
ابو جمل 33
قبل 9 سنه



على حسب علمي دبات البيئه ( دبات التلوث) ماهي موجوده بمحلات قطع الغيار نهائيا ، انتبه
ثاني شي بخصوص الي يقول تلوث وماتلوث ،، التلوث تشيله دبه البيئه هي الي تصفي وليس دبه الشكمان

انا ركبت سده على كابرس ،، من اقرب محل سباكه تشتري سده تختار على حسب كم إنش تبي فتحه كبيره صوتها عالي فتحه صغيره صوتها صغير بـ 5 ريال او اقل ومحل الشكامين يركبها لك بـ 30 ريال ، افضل مكان لها تحت باب الراكب مباشره بحيث يكون وجهها على زاويه
وليس للأسفل وعشان تقدر تفكها وتركبها متى ما بغيت بسهوله ...

اضرارها : ماشفت منها شي بس يروح عزم الموتر مثل القربه المشقوقه


up 1 down 0
aazz1989 -22
قبل 8 سنه و 10 شهر



ط
يب اذا سكرت السدة يرجع عزم الموترر


up 0 down 0
ابو خالد حبيب الوالد
قبل 8 سنه و 7 شهر



مع كامل أحترامي لكم ، كل واحد يعطي الرجال علم من كيسه ، الزبدة ياولد الحلال ، السدة هي خرم يخرمه لك اللحام ويحط عليها مثل الغطا تبي تفكها يقوم يطلع الصوت وان قفلت الغطا ترجع السيارة طبيعية < نجي لِ أضرار السدة 1 تنقص زيت المكينة على حسب دعستك 2 ترتخي البواجي معك .. وهاذي بس اضرارها و اتمنى أني أفدتك .


up 0 down 0
خالد مهدرس 1
قبل 7 سنه و 10 شهر



اخ خالد كلام سليم ميه بالميه


up 0 down 0
محمد بن عجلان
قبل 5 سنه و 6 شهر



ي شباب انا معي هايلكس 2007 فيه اضرار اذا فكيت الشخالات كامله 



up 0 down 0
جابر الغيثي
قبل 5 سنه و 5 شهر



هل تنصحوني اركب سده ولا لا سياره ونيت ٢٠٠٣


up 0 down 0
saleh.ak123
قبل 5 سنه و 3 شهر



لاتخلي شي بخاطرك جرب وان ماعجبك الوضع رجعها


up 0 down 0
عبدالله 540i
قبل 5 سنه و شهر



انا معي ددسن فكيت شخال وركبت ماصوره وخذت معي شخال واحس امورها كويسه وصوت خفيف م في ازعاج
بس م ادري هل فيها ضرر او لا الي عنده خبره يعلمنا


up 0 down 0
مبارك العنزي ابو حور
قبل 4 سنه و 5 شهر