أضف سؤال أو موضوع جديد          

كيف تعرف ان عداد السياره مو حقيقي او ملعوب فيه

up 21 down 1
عـز الخوي 347
قبل 6 سنه و 10 شهر



السلام عليكم ورحمه الله وبركاته

اولا مرو هل الموضوع ونبهو اخوانكم والي حولكم
http://montada.haraj.com.sa/page.php?id=11114


اولا اذكر الجميع بمخافه الله صحيح ان اغلبنا وجميعنا مذنبون والبعض منا مسرف بالذنوب بس والله ماتوصل هل المواصيل يعني منت ببزر تسوي هل العمايل وتقول عادي انت مسؤول عن نفسك وعن اعمالك ومقدار محاسبتك على غشك هذي على ربك مو انت الي تحدد هل الشيء وتقول عادي اذا غشيت بالاختبار اقدر اغش الناس لا ياحبيبي امكن غشك بالاختبار يغفرلك ربك عنه بس غشك للناس يخليك بنار جهنم


نبدأ بالخطوات والاجراءات

اول شيء نركز عل الممشى حق السياره مثلا 80.000 او 50.000 او 100.000
الممشى من اهم الامور لانه اساس لتأكد من اغلب الاجراءات الي راح اذكرها بالاسفل

ثانيا شيك على مقاعد السياره وخصوصا مقعد السائق ونقطه مهمه , صاحب السياره لاتساله اي سؤال حتى يتم عمل الاجراءات والخطوات التاليه والفحص الكامل , لان مجرد دخولك بنقاش معه راح يسبب في فشل انهاء كامل خطوات الفحص والتشييك

ثالثا يجب فحص السياره بالكمبيوتر فالكمبيوتر يضهر اشياء كثير ويخبرك عن الاعطال التي تحصل عن اهمال تغيير القطع الاستهلاكيه بسبب الممشى الذي تعدا مدت او صلاحيه القطع فالسياره الي يبين الفحص بوجود مشاكل كالحساسات او مشاكل بالمحرك فاذا كان ممشاها كثير فهذا شي طبيعي اوما اذا كان ممشاها تحت 100 فيجب عليك التوقف والبحث عن سياره اخرى

ثالثا من المعروف ان تغيير القطع الاستهلاكيه دليل على ممشى السياره مثال سياره ماشيه 100.000 او 60.000 لازم يتغير زيت القير اذا كانت اوتو واذا ماتغيرت راح تلقى مشاكل بالقير او تجد ان القير مفكوك , مثال اخر الفلاتر او طرمبه البانزين او قطع الماكينه نفسها , يجب تغييرها عندما توصل السياره لممشى معين يعني سياره ممشاها الحقيقي 150 او 200
لازم تكون هل الاشياء مغيره واذا ماتغيرت واجتازت "فحص الكمبيوتر" فهذا دليل ان السياره ممشاها حقيقي ,
ايضا المساعدات يجب ملاحضه هل تم استبدالها جميعا ام لا
يعني خلاصه هل النقطه السياره الي يكون ممشاها من 100 وتحت تكون هناك قطع ماتغيرت او اجزاء مابعد فكت مثل القير او المكينه وبعض القطع , اما السيارات الي تعدت هل الممشى لازم تجد ان اغلب القطع الاستهلاكيه قد تغيرت وان لم يكن صاحبها مهتم فراح تجد تهريبات للزيوت خرابات بالقير واصوات بالمكينه
النقطه الرابعه هي المسامير , مسامير المكينه مسامير القير ايضا الاجزاء الي تكون تحت الكبوت بشكل عام , يجب التركيز عليها واذا وجدت اثار فك فهذا من احد الادله على تلف هل الجزء
ايضا مسامير الابواب والرفارف والشنطه والاسطبات فكلها تدل على نظافه السياره وخلوها من الحوادث , فملاحضه المسامير لا تخبرك عن صلاحيه او اداء متحركات السياره بل تخبرك عن خلوها من الحوادث لان الاغلب حاليا يقوم بفك الاجزاء المصدومه مثل البيبان او الرفارف ويقوم باستبدالها باجزاء شبه جديده او جديده
اضيف على هل النقاط , يجب سؤال صاحب السياره عن عدد مستخدمين السياره السابقين
وان امكن الذهاب الى المرور وطلب الملف عن السياره المراد شرائها ويجب الذهاب الى الضابط المسؤول والطلب منه بشكل جميل ولبق واخباره عن شكوكك ورغبتك بمعرفه عدد المالكين وليس اسمائهم
نقاط اخرى ,, اتركها لكم كي تساعدون اخوانك حتى لايقعون ضحيه غش من اصحاب القلوب الضعيفه التي اعمت الفلوس قلوبهم

واخيرا يااخوان لا أحد يتسرع بالشراء , ولا يعجلك ان السياره ممكن تنباع وتروح عليك فيه غيرها 400.000.000 سياره تنتظرك تقلبها وتفحصها :)



ارجو منك الدعاء لي بالصلاح وتيسير الهدايه وتوفيقي بالدراسه لاني هل الاسبوعين اختبارات اخر الترم وبعدها يبدأ الصراع والبحث عن وظيفه
والله يوفقنا وياكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصائحك على عيني وراسي 
وتأكد الشريطيه مايغفلو عن شيء 

ي رجال أعرف واحد الله يهدينا ويآه 
أشترا سياره كرررت من الوكاله 
وراح لبسها تجليده بنفس اللون وغير أسطباتها الخلفيه والأماميه 
ومشى فيها كثير بس مانزل العداد 
وقرر يبيعها راح شال التجليده 
وطلع الشمعات والإسطبات الي ركبها وركب جقت بلدها 
وإنباعت بذييييييييييييييك الحكايه 
وكل الناس كانو يقولو ماشاء الله 


up 2 down 0
hack1 2913
قبل 6 سنه و 10 شهر



واضيف على ذالك فيه ناس اول ماتطلع موتر خصوصا الجويب والسيصان والهايلكسات يفصل عدادها بعد ماتمشي ويتمشى فيها شهر شهرين ويرجع عدادها ويقول موتر وكاله ويبيعه بسعر الوكاله وامكن ازود
وبعضهم يفصلها لامشت 15.000 او 20 وياخذ سنه وبعدين يفك الفصله ويبيعها
لذالك يااخوان لا احد يهتم بالممشى والي معزم عل الممشى ياخذله جديد ابركله لان اسعار المواتر الي ممشاها قليل قريبه جداا من اسعار الجديد
وصراحه المواتر الي تجي موديل هل السنه 13 او 12 وممشاها شبه الاصفار وخصوصا الموديلات الي دارجه بالسوق واسعارها مثل مايقولون كاش بالجيب ثق تمام الثقه ان راعيها يفصل عدادها او ان ملاكها اثنين او ثلاثه ونفس الكلام يفصلون عدادتها وكلن يترزق بالحرام , إلا من رحم ربي


up 6 down 1
عـز الخوي 347
قبل 6 سنه و 10 شهر



وين بيروحون من عذاب الله في قبورهم



up 6 down 0
al7rbi14 226
قبل 6 سنه و 10 شهر



تم تقييمك


up 4 down 0
r4rec0in 1444
قبل 6 سنه و 10 شهر



يا اخوان حتى انا اغشيت في سيارتي وفي النهايه واقفه عند باب البيت يبي لها مكينه
الله لا يسامحه ولا يبيحه اللي غشني شافني لحالي وما عندي خبره في السيارات قام عطاني كلمتين يمدح فيها السياره
الله يجعله يصرفها على علاجه يارب


up 11 down 0
b or not be 1429
قبل 6 سنه و 10 شهر



عشان كذا صرت ما أثق بالمستعمل
إلا اذا باخذها من واحد أعرفه وأعرف كل شيء فيها ( اذا جاها صدوم أو إذا خربان شيء أو اذا فاصل العداد )

يا أخي الأجانب وهم غير مسلمين لكن عندهم أمانه و أحسن من الشريطيه عندنا ( مسلمين بالاسم ) والناس اللي ما تخاف الله

تخيلوا لو واحد غير مسلم جاء يشتري سياره وتعرض للمواقف هذا مع الشريطيه .. وش بتكون ردة فعله ؟؟ بياخذ فكرة سيئه جدا عن العرب و المسلمين والإسلام

الشريطيه مسلمين بالاسم فقط .. والإسلام براء منهم .. يحلفون كذب ويطلقون كذب ويغشون ويبخسون السعر

يا كثر اللي يدعون عليهم
يا ويلهم من عقاب الله بالدنيا والآخره




up 10 down 0
speed for ever 3701
قبل 6 سنه و 10 شهر



اللي يفكر ان اللي لعب علي في السياره هو سعودي ....غلطان !!!!!!!!!!!!
والله انه اجنبي ومب داعي اقول جنسيته حسبي الله عليه


up 6 down 2
b or not be 1429
قبل 6 سنه و 10 شهر



اعرف واحد من الشباب يقولي في كهربائي يزبطلك الطبلون بالرقم الي انت تبيه اللهم عطه الرقم

الي تبي ولاتجيب السياره فك الطبلون وجيبه يومين واستلم الطبلون وعيش حياتك


up 3 down 2
ibrahime 1195
قبل 6 سنه و 10 شهر



الله يكفينا الشر اعرف واحد معه كامري2008 كاده كد بالخطوط اسأله كم ماشيه يقول 50 سلامات المشكلة مستخدم من رجالين قبله...


up 5 down 0
acura 3758
قبل 6 سنه و 10 شهر



شاكر لك الموضوع والخطوات المهمه لكشف الاعيبهم اللي ما يخافون الله ياكلون الحرام هم وعيالم علشان كم الف والله لو كانت ملايين
وين تروح من عذاب الله في الدنيا والاخره
واسأل الله لنا ولك وللمسلمين الهداية والصلاح والله يوفقك بأعلى الدرجات بأمتحاناتك ومنها ان شاء الله الى الوظيفه
واذا نجحت لا تنسى من المفطح ههههه دوعابه


up 5 down 0
ابوخلوودي1 5064
قبل 6 سنه و 10 شهر



تسلم على الموضوع وموضوعك أكثر من مفيد وتستاهل التقييم الإيجابي 


up 3 down 0
ابــو ســنــد 10639
قبل 6 سنه و 10 شهر



الله يوفقك ياصاحب الموضوع \والغش كثر هذي الايام ’’’’’’ادعولي اني احصل سياره نظيفه وبالتوفيق لكل


up 1 down 0
ابوسنيد 2005 1
قبل 6 سنه و 8 شهر



وش تقول عن الناس الي ماتخاف الله ولا تتقيه كلمه بسأل عنها (((الغش














))) وش بيكسب منها الجنه ولا النار؟





up 2 down 0
trente 2
قبل 6 سنه و 5 شهر



وش تقول عن الناس الي ماتخاف الله ولا تتقيه كلمه بسأل عنها (((الغش














))) وش بيكسب منها الجنه ولا النار؟





up 0 down 0
trente 2
قبل 6 سنه و 5 شهر



وش تقول عن الناس الي ماتخاف الله ولا تتقيه كلمه بسأل عنها (((الغش














))) وش بيكسب منها الجنه ولا النار؟





up 0 down 0
trente 2
قبل 6 سنه و 5 شهر



اتوقع ان فحص الكمبيوتر ( عند خبير متخصص ) قد يفيد لمعرفة الممشى الأصلي ، والله أعلم.
اليوم - ان شاء الله - بروح اشوف كورولا 2007 ماشية فقط 101000كم !  ، شككتني والله  احسها قليلة (لها 7 سنوات) ،

وراح نشيك عند واحد ثقة ، وبشوف وش يقول ؟؟
وباذن الله اردد لكم ..


up 0 down 0
othm321
قبل 5 سنه و 3 شهر



اتوقع ان فحص الكمبيوتر ( عند خبير متخصص ) قد يفيد لمعرفة الممشى الأصلي ، والله أعلم.
اليوم - ان شاء الله - بروح اشوف كورولا 2007 ماشية فقط 101000كم !  ، شككتني والله  احسها قليلة (لها 7 سنوات) ،

وراح نشيك عند واحد ثقة ، وبشوف وش يقول ؟؟
وباذن الله اردد لكم ..


up 0 down 0
othm321
قبل 5 سنه و 3 شهر



راجع هالموضوع : http://montada.haraj.com.sa/26294/



up 0 down 0
othm321
قبل 5 سنه و 3 شهر



بالنسبة لنظافة السيارة والمقاعد ووو .. صحيح انها تقدر تقريبا ممشى السيارة 

لكن اشتريت قبل فترة لكزس RX موديل 99 .. امريكي ..

نظافته وفخامته وو البودي وجلد الكراسي .. وكأنها بدون مبالغة والله العظيم موديل 2015 .. اشتريتها بـ26000 ريال 

وبعتها علشان كلام الناس وخوفوني منها ان قطع غيارها معدومة وغير موجودة .. بعد اسبوعين ب29000 ريال .. 

واللي اشتراها مني .. بعد شهر مما اشتراها اتصل علي ويشكرني عليها .. يقول انه غير بعد ما اشترى اربع كفرات 

وراح بعد القنفذة - الرياض - الدمام ومنها للقنفذة ... والسيارة وكأنها جديدة .. 

الله يرزقنا نظافة مثل هذه السيارات 


up 0 down 0
احب الحبيب 787
قبل 3 سنه و 9 شهر