ويش أفضل استخدام الكامري أوالأفالون

والله انا أشوف أفالون سعودي افضل بكثير والله يوفقك بالسيارة الي تسر خاطرك

,طيب لومالقيت الاامريكي .قطع الغيارمتوفرة

ان شاء الله احصل سعودي ,
بس الامريكي قطع غيارةمتوفررررةولالا

يخوان انا قبل فترة استشرت واحد اعرفه شغال عند ابو جميل عن كامري امريكي لاني ادور كامري  
 قلي ما انصحك فيه ؟ قلت ليش
قال اول شي مكينتها مصديه لانها تطول في الميناء اكثر ممن ايام
وثاني شي كلها حساسات
وثالث شي قطعها الميكانيكيه غير متوفره     قلي سعودي خليجي خذ لاكن امريكي بريال ماينفع والناس طايحين بيعه فيه

ماعلي فيك يدس لايك هذا كلام الشخص بنفسه  مع زااااااااااتك

ههههههههههه الله يصلحك اابوكمال ,
مشكورررررين ماقصرتوا

حلوه ذي افالون السعودي افضل من الامريكي لا وبعد تنصح
الافالون يتصنع بامريكا وبالعكس الامريكي فيه بعض الاكسسوارات افضل من وارد عبد اللطيف جميل
يعني مثل الشاشه , افالون من ابو جميل ليميتد 2005 مافيه الى شاشه معلومات والامريكي يجي بعضها بشاشه ونفيقيتر

وبالنسبه للكامري لن افتي فيها ولاكن المرغوب هو وارد ابو جميل وتلقى اسعار الامريكي رخيصه بالنسبه لابو جميل
واذا فكرت بالكامري لا تاخذ الى 4 سلندر لانك لو تاخذ 6 سلندر فاشياء كثيره تختلف بين 4 و 6 مثل اجزاء المحرك والقير والدفرنس والاكزوز والاسبنشن والرديتر والكبيوتر وقطع كثيره

انا اتكلم علا الكامري مالي اي معلوووومه عن الافلون لا تورطوني بشي ههههههههههه

السلام عليكم 
افالون افضل من الكامري  ولو لقيت سعودي افضل من المستورد حتى عند البيع مرغوب
اتمنى لك التوفيق 

احسن لك افالون امريكى نفس السعودى واحسن كمان هناك الحرارة اعلى من هنا واكسسوارات اكثر وتلقى
السيارة استخدامها اقل السعودى تلقها الممشى300 الف الى 400 الف او اكثر هناك اكثر ممشى يكون 210 الف او اقل
وصيانة هناك دورية اجبارية كل شهر ورخيصة مو هنا يقولك الصيانة بثمن سيارة اكسنت هناك ماتعدى 400دولار
المهم خذ امريكى نفس قطع السعودى

الافالون افضل مايحتاج تفكير 

الافلوووووووووووووووووووووووووووووووووووووووووون

عندي كامري امريكية لها سنتين وشوي بسم الله عليها مثل الجديدة اسافر عليها ودوام كل يوم حدود 60 كيلو ومافيها الاالعافية
موديل 2007 فل كامل 4 سلندر
وقطعها مثل السعودي بالضبط غيرت كراسي مكينة ومساعدات كامري 2010 
من ناحية القطع لاتشيل هم هي هي السعودية حتى واجهتها غيرتها الى 2010 ومحتفظ بالقديمة 
يكفيك سواقتها مثل اللكزس الصغيرة مريحة بالخط
مو مثل الخليجية او السعودية تناقز وتنطل بالخط
اما الافالون اذا ماعندك سيولة لاتاخذها لانها غالية على غير سنع مبالغ فيها

افلون وسعودي ولا تشاور انصحك عن تجربه اصلا ما في مقارنه

الكامري الغير مستورد