..........مشورتكم يا ذيابة..........

ابعد عن السيارات الصينية كل البعد ,
انصحك تأخذ لك زميل او صديق فاهم بالسيارات , أو تأخذ لك ميكانيكي فاهم بالسيارات و تعطيه مبلغ 200 ريال مثلاً بحيث يكون معك و يشيك لك على السيارات المستعملة ,
انا انصحك تشوف لك ( إكسنت 2007 , 2008 , 2009 , 2010 , 2011 - يارس 2006 , 2007 , 2008 , 2009 , 2010 - كورولا 2001 , 2002 , 2003 , 2004 - أو غيرها من السيارات الي تجي بهالسعر )
و إذا تبي جديد حطها دفعه اولى في سيارة معينة و ابدا اقساط و الله يعينك ..

مستعمل .. مستعمل .. مستعمل >> ههههههههههههه امزح معك 

بالنسبه لي ما أشجعك على الصيني .. وانت استخير وإسأل .. لو كنت مكانك شفت لي معرفه في المعارض وهو يتصيد لك 
شي نظيف 

كم سعرها يالذيب بعد الخصم عشان نقولك تستاهل ولا لا واذا فيه بقيمتها افضل !

والله الجديد مامثله
ولكن الخوف تاخذها وتقعد بحلقك

24 الف بعد الخصم شورو علي ياذيبان

السلام عليكم و رحمة الله و بركاته ,, والله يا أخوي مثل ما قالوا الشباب الأفضل إنك تبتعد عن السيارات الصينية , و إذا على إنك ما تفهم بالسيارات المستخدمة يا أخوي كثير من الناس ما يعرفون بالسيارات و أنا على إني أروح المعارض بكثرة و يوصوني الربع على سيارات في أشياء أجهلها بالسيارات و الجهل ماهو عيب , والحمدلله إنحلًت مشكلة عدم (البخص) و المعرفة بالسيارات , كل اللي عليك تسويه تروح المعارض و إذا شفت سيارة مناسبة على طول ودها الفحص و (إنخلها نخل) !!! يطلعوًن حالتها الميكانيكية و الجسم (البودي) من الصدام للصدام وكل هالأشياء بمبلغ ما يتجاوز 500 ريال , و صدقني بمبلغك هذا تقدر تشتري كراون فيكتوريا 2002 أو 2003 وردة , أنا أعرف واحد من ربعي ما كان معاه قروش واجد كان معه بحدود 25 ألف رحت أنا وياه لقينا فورد 2002 أخذناها ب 23 ألف نظيفة ما عليها و دفع عليها 2000 ريال من إصلاحات و تغيير قطع إستهلاكية وغيرها  !!! و اللحين ما شاء الله رجعت جديدة حتى إنه راح المعارض بيسعر كم تجيب له جابت له 30 ألف بسهولة , فأنا أحب أقول لك شاور و إستخر , ولا تستعجل و تقول: (الجديد أحسن) , يمكن تاخذها بكرة تبهذلك بخرابات أو قطعها ماهي متوفرة , أو يمكن تكون رخيصة عشان تاخذها و لا من بغيت قطعة لها تلقى سعرها (غالي) !! لأن مستحيل تلقى سيارة رخيصة و قطعها رخيصة ومتوفرة , هذا اللي حبيت أفيدك فيه و العذر و السموحة على الإطالة .

26 تجيب لك يارس 2009 نظيييفه.......بس نصييييحه ثم نصييييحه ثم نصييييحه لاتستعجل بالشراء خلك على التكسي لين تجيب السياره الي تبيها.....حتى ترتاح بعدين.....وانا والله من اشد اشد المعجبين باليارس صناعة يابانيه 100%

مع خويي يارس كاااارف ابو ابو ابوها وماشاء الله ماشي عليها الحين 400 الف.. وياما سافر عليها....وطبعا خذها لين ربك يفرجها ويجيك كم قرش وتشتري سياره وكاله.


أما قضية انك ماتعرف تشتري سياره بسسيطه أنزل المعارض وش الناس الي يدورون بساراتهم يبون يبعونها...ولاشفت السياره الي تبيها تفاهم مع صاحبها...وافحصها على السريع واهم شي اسأله هل المكينه تنقص ولالا مع العلم اني ماقد شفت يارس تنقص....ثم ودها الفحص.....150 يفحصها من الصدام لصدام........

والله يغنيك ويغنينا من فضله.

روح عند شركات ايجار مثل ذيب و بدجت وخذلك يارس 2009 حوالي 15 الف ريال طريقه ممتازه منها توفر ومنها تستفيد ماديا 

والله حتى انا جاني ازمه من المستعمل لاكن نصيحه فيه وحده هونداي i10 تحصلها ب30 تزود او تنقص احسن من الصيني

شوري عليك باختصار المفيد

لا تاخذها انزل للمعارض ربوع وخميس وجمعه ودور لك اكسنت او يارس مع العلم اكسنت وقفت عليها شد بلد وكاله تقريبا 2009 مبيوعه 24 على ما اذكر لكن الغر

الغرض ان السياره كانت اخت الوكاله انا اقول لك انزل وشف لك موتر من اللي قالوا لك الشباب و اتفق على السعر واشرط الفحص ان وافق تدخله للفحص فحصل مسمار مسمار 400 ريال كل شي بالموتر وان طلع شي على راعي السياره ان كان واثق من موتره بيطلع معك للفحص وان كان لا بيقول لك لا و مدري وش فانت شوف طلع معك ولا خله لان فيه شي اذا رفض والله يوفقك

فيه واحدةعنده يارس ٢٠١١ ستاندر طالب فيها ٢٦ لو تبغى تشوفها راسلني

اخوي نصيحه لو انها 5000الف لاتاخذها عندك كامري 2002 وفيه سيارات احسن منها

شوف ياخوك بحكم انك ما تفهم بالسيارات و بتتجه للصينية أكبر غلط
انت لو بتعتمد على الفحص بتروح دراهمك كلها من فحص لفحص
تفحص ب ٤٠٠ و تلقى فيها عيب و ترجع تاخذ سيارة ثانية و تفحص ب ٤٠٠ و تلقى فيها عيب
و على ذا الوضع لين ما يروح من دراهمك ألف أو ألفين
حاول تاخذ شخص فاهم بالسيارات و ثقة و صدقني بتكسب
٢٤ ألف تجيب لك قراند ماركيز ٢٠٠٥ لك و للزمن و تجيب لك كامري ٢٠٠٦ وردة
و تجيب لك اكسنت ٢٠١٢ .. الأهم انك تاخذ شخص ثقة
و نصيحتي لك ابعد عن السيارات اللي على المكرفون

السلام عليكم ورحمة الله وبركاته 
ياجماعة الخير هذي نفس فكرة الكوري اول مانزل
أنحش منه وادري ايش واللحين أكبر منافس للياباني 
السالفه فكر مجتمع 
طيب أكثر تويوتا يصنع بتايلاند والصين عجيب والله 
والصني وi10هيوانداي هنديه حتى فورد فيقو هنديه 
الصيني بيغزي السوق 
وناس جربوها أكثر من سنه ليفان ماشكو منها 
يارس وكامري ومدري ايش لها عشر سنوات لابد تطلب قطع 
من ورشه لأخرى
هذي ضمنها 3 سنوات وجديدة