ماهو أفضل وكم يسوى شآص 2013

والله وانا اخوك اني ماأفرق بينها 

فقط الي اعرفه ان اسعارها حوالي مئة وخمسون الف 

وانت اذا كنت صاحب كشتات وطلعات بر خذه 

اما اذا كنت راعي مدينه فخذ لاندكروز مستعمل تقريبا اسعارها من 150 وطالع 

واجا تبي بر وكشخة وسيارة شباب خذ لك اف جي سعره فل كامل 140 الف 

مااظن راح يكون في فرق غير الاستيكر طبعا مع زياده 10 ولا 20 الف...اشبك ياابوي ذا استيكر جديد

يعطيكم العآفيه جميعآآ

خذلك جمس سييرا قير عادي  Z71 افضل من الشاص واقوا ان بغيته خط فهو راحه وان برا فهو مابيخيب ضنك وفيه دفلوك و8 سلندر وعزمه جبار 
الشاص الجديد والله خربوه عزم ميت في مرقا الطعوس والجبال صرفية بنزيل غير مريح سعر غالي وكل اضافه تدفع زياده 
ان بغيت خذ لين 2009 الي مكينته راس واحد اما المكاين الجديده راسين فنصيحه انحش عنها والله انك اذا مجرب شاصات قديمه فراح تندم انك شريته لنه بتحس بفرق العزم والقوه عن القديمه الي كانت اقوا 
اسأل اصحاب السييرا عنه هل يستهال الشرا ولا لا وكيفه في البر واذا طلعاتك قليله للبر افضل السييرا اكثر لك وسعره اقل من الشاص الفل كامل وامانه عالي مو مثل الشاص مافيه امان ومغير مناقز في خط وبر 
وانت حر والله ييسرلك امورك ويبعد عنك الحسد والعين وشر الحديد والناس

شاهد الفديو جمس سييرا زد 71
http://youtu.be/pZgjeSjYKKQ
http://youtu.be/ydmT0i6MvtM
http://youtu.be/cx37eY6f3rQ

^

اهنيك على ردك وصراحه السياره لايعلى عليها ...


الشاص مافيه ذرة امان ولا ايرباقات يعني تنقلب رحت بخرايطها لو ربك كتب لك انك تسلم

يآطويل العمر انا فكرت في السييرآ ومعك انه مريح خط وتمآم وامان لكن ماراح يكون اقوى من الشاص لاني اروح البر باستمرار يم الحلآل والشاص اللي معجبني فيه انه ماسك قيمته وانا جربت الشاص والسيرا في البر كلهآ قويه لكن الشاص هو الي يصمد بالنهايه وان فكرت في بيع ولا قدر الله القى القيمه اللي دفعتهآ ,, وماقصرتوآ واشكركم علي حسن تعاملكم معي والله يوفقكم دنيآ واخره ويرزقكم اللي تمنون .. تحياتي

خذلك سيرا ولا شاص نيسان ماكينته vtc ولا فرد f150
كلها أرخص وعزمهن قوي و أمان والراحة وأرخص من الشاص 
أو دور على 2009 نظيف

انا معاك ان الشاص يمسك سعره لكن القوه الفورد والسييرا اقوا منه الشاص لاتدور الا الي مكينته راس واحد افضل لك لو مستعمل 2009 افضل من الجديد الشاص اذا مايفز بالتعشيق ماله هيبه والله يوفقك 

يعطيكم العافيه جميعآ ومآقصرتوآ وافدتوني كثير الله يوفقكم