أضف سؤال أو موضوع جديد          

مواقف و نصائح

up 9 down 1
r4rec0in 1443
قبل 8 سنه و 11 شهر



السلام عليكم و رحمة الله و بركاته
تحية طيبة و بعد
هذا الموضوع عبارة عن مواقف تمر علينا اثناء قيادتنا للسيارات , و التحذير من هذه المواقف و النصائح المتنوعة , و راح يتضح لكم الغرض من الموضوع بعد ذكر هذا الموقف :
كنت طالع من الشرقية بإتجاه مدينة ابها , المهم سلكت طريق الرياض الطائف الي هو 700 كيلو تقريباً ,
و الحمد لله بعد ماوصلت الطائف ابدخل مع احد اللفات فوق الكبري , صادفني راعي فورد ماركيز ابيض موديل 2003 تقريباً اشوفه يأشر , و شكله مشبوه يعني تحسه راعي بلاوي ,
السيارة مظللة كتم و مغبرة و الرجال ناطل الشماغ على كتفه . . الخ من هالامور ,
قلت ياولد هالطريق من بيجيه في هالوقت كان الوقت الساعة 1 بالليل و الوقت مو وقت اجازات علشان يكون فيه ناس مسافرة ,
المهم وقفت له بعيد شوي ( قدامه بمسافة نصف كيلو ) ,
نزلت قلت له : آمر يالغالي , قال : لا والله بس عندي واحد ابيك توصله معك و انا الوالدة تعبانه في الطائف و ابغى اوديها المستشفى , قلت وين يبي ؟
قال : يبي مكة المكرمة . قلت : وين بالضبط , قال : مستشفى النور . قلت له : خلاص خله يجي مع ان المشوار بيأخذ من وقتي كثير لإن المخرج حقي بعيد عن الموقع الي يبيه هو ,
المهم جاء الشخص و كان معه شنطة دوبلوماسية و الرجال واضح عليه محترم , انا شكيت بالوضع قلت يمكن مخبي شيء في الشنطة و راعي الفورد يبي يوصل هالشنطة لموقع معين بحيث انه يجيب شخص محترم و لبسه محترم علشان مااشك فيه ,
المهم قلت له : افتح الشنطة , قال : ايش تبغى فيها ؟ قلت له : اما انك تفتح لي الشنطة و اشوف ايش فيها و الا مافيه .
قال : شوية اوراق و ملفات خاصة , قلت له : خلاص دامها خاصة خلها لك و ماني موصلك معي , و حركت السيارة , و اشوفه يقول وقف وقف تحس شوي و يصيح ,
المهم وقفت و خلاني اشوف الي في الشنطة طلع فيها اوراق و فتشتها صفحة صفحة , طلع فيها تقارير طبية و ماادري ايش ,
بعد كذا ركبته معي و وصلته المستشفى ولا اخذت منه اي هللة مع العلم انه ابلشني بالطريق كل لفة اخذها يصيح ,
فهذي من ضمن المواقف الي وجب علي ذكرها ,
==( النصيحة : يجب عليك عدم اركاب اي شخص غريب معك الا بعد تفتيشه و التشييك عليه و ضبط حركاته , لإن بعض الاشخاص مايقدرون الخدمة الي تقدمها لهم ,

اتمنى منكم يااخوان تذكرون مواقف و نصائح للإستفادة , لإن البعض تمر عليه مواقف مايحسب لها حساب , لابد تكون عندنا خلفية عن هالمواقف علشان ماتكون غريبة علينا ,
هذا و الله الموفق ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله انك غلطان بتوقيفتك له الساعه 1 وايام الدراسه ومشبوه الي يسوق وفي الطائف كمان ياخوك الدنيا مهي مثل اول الدنيا الحين تخوف كثرت البلاوي والمصايب الله يرحمنا ويحفضنا


up 7 down 1
al-harbi- 988
قبل 8 سنه و 11 شهر



مره جاي من القصيم لقيت واحد مع اهله موتره مايشتغل المهم سحبتهم من المحطه لين وصلنا نقطة الرياض
موتري مازدا 6   2007 قير تماتيك خويي معارض اني اسحبه وسيارتي تماتيك قلت والله لسحبه لو تخر زيتها مع الشمكان 
وياربي لك الحمد والله ماسار فموتري إلا العافيه  


up 7 down 0
غريباوي 714
قبل 8 سنه و 11 شهر



صراحه إحراج اني امسك خط مع واحد مفتشه وشاك فيه اذا وقفت وشفت أشكالهم وطريقة كلامهم مهي طبيعيه اعتذر وامشي   


up 3 down 0
ban123 898
قبل 8 سنه و 11 شهر



r4rec0in
ماشاء الله عليك انا وآلله استحي اقوله افتح شنطتك اتأكد منها ، خصوصآ انك مركبه معك وبطريق خط لكن طريقتك سليمه
100% والحياء في اغلب المرات ماينفعك لاطاح الفاس بالراس.. قبل فتره قتل مواطن سعودي على يد مصري وهو مركبه
عشان يوصله للطريق فجزاء الاحسان بالقتل ولاحول ولا قوة الا بالله http://sabq.org/mGafde


up 1 down 0
الالنتراوي 5150
قبل 8 سنه و 11 شهر



طيب يا خوي من الاساس ليش تركبه وكل هذا القلق وفتش شنطته, 


up 0 down 0
خطاي الشوق 2532
قبل 8 سنه و 11 شهر