أضف سؤال أو موضوع جديد          

هل تصدقون ان سعر اللاندكروزر 98 برا السعوديه 34 الف ريال فقط

up 13 down 1
شنب شاص 87
قبل 8 سنه و 2 شهر



بحثت في اكثر من موقع امريكي واجنبي عن سعر اللاندكروز موديل 98 .. لم اجده بمواصفاته بنسبة 100% كما هو في الخليج ..لكن وجدت سعره 33.480 ريال فقط !!

طبعا في الاختيارات : وضعت
1- النظافة جيده جدا الى ممتازه كحالة الوكالة
2- الممشى من 200 الف كيلو الى 300 الف كيلو
3- سعر المستخدم وسعر الشريطي

للاسف حنا شعب مضحوك عليه .. سيارة لها اكثر من 15 سنه في هالحر والحفر والبر ومشاكل الجو والغبار
وفوق هذا كله اقل المواصفات جي اكس وماشيه فوق 350 الف على الاغلب وتنحد ب 65 وفوق !!

لابد من المقاطعه ..فهي الحل الوحيد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سعر 2004 لاندركروز حالة ممتازه خمس نجوم من شريطي او معرض بقيمة 66.300 ريال سعودي


up 3 down 0
شنب شاص 87
قبل 8 سنه و 2 شهر



سعر 2002 حالة ممتازه 5 نجوم من شريطي او معرض بـ 55 الف ريال سعودي


up 3 down 0
شنب شاص 87
قبل 8 سنه و 2 شهر



موديل 2002 اربع الى خمس نجوم حالة جيدة جدا الى ممتازة وممشى قليل الى متوسط من مالك شخصي بقيمة 41 الف ريال


up 3 down 0
شنب شاص 87
قبل 8 سنه و 2 شهر



تراني احوّل من الدولار للريال عشان ما يجي احد يقول الرياض ضعيف الريال طاحت قيمته ..الريال مربوط بسعر الدولار


up 2 down 0
شنب شاص 87
قبل 8 سنه و 2 شهر



يالغالي مع الشحن والرسوم تطلع باكثر من اللي عندنا لكن اللي بيشتري موتر وبيستخدمه مابيبيع اﻻ بعد فترة ياخذ من الكويت وﻻ قطر جيب ويدخلها بلوحاته ﻻنها ماتدخل بلوحات سعودية وبسعر رخيص كرها كم سنة بعدين بعه هناك وﻻ تشليح


up 2 down 0
ابوابراهيم ksa 1391
قبل 8 سنه و 2 شهر



هي وقفت على اللاندكروزر ؟ ؟ ؟ الله يهديك

السوق عندنا مضروب بوجود العينات هذي اللي يطلق عليها شريطية

بالله كامري 2002 توصل 40 الف ماشية 300 الف

ولا لكزس LX 470 موديل 98 ب80 الف؟؟؟

ولا كورولا 2007 أغلى من 2010 ؟؟؟

ولا لكزس 97 98 99 2000 توصل 60 الف ؟؟؟ وأكثر بعد

لا والمبالغة الكبرى في أسعار الافالون تلاقي 2005 يبغى فيها 70 !!!

وين عايشين بالله والمشكلة زيها زي أي سيارة ثانية بتخرب وتبهذلك وبعض الدايخين هنا يضحكون عليهم الشريطية بكلمتين ويشرون




up 14 down 0
ls caprice 2078
قبل 8 سنه و 2 شهر



ابو ابراهيم مقصدي ماهو شرائها او شحنها .. اصلا السيارات ذي ماتدخل السعوديه خير شر نظرا للاتفاقية الاجرامية اللي تستهدف الشعب من تجار السيارات الاحتكاريين

المقصد هو ان المواطن تتم سرقته بالرااااااااااحه


up 4 down 1
شنب شاص 87
قبل 8 سنه و 2 شهر



ال اس كابرس .. وباقي ما شفت شي ... سيارات خرده بالتسعينات يجي راعيها رافع خشمه يبي اكثر من سعر وكالتها على ايامها !! سلامات !!

بس صراحه ما قصرت انت فيهم


up 3 down 2
شنب شاص 87
قبل 8 سنه و 2 شهر



الله ﻻيوفق اللي وقف استيراد السيارات اول كنا ناخذ ماركيز وردة ب30 ويكد معي 5سنوات بالراحة  لكن الحين رح خذ لك ماركيز ب30 ان ماطلع الشيب في راسك 


up 9 down 0
ابوابراهيم ksa 1391
قبل 8 سنه و 2 شهر



والله بعد ما وقف الاستيراد وكل الاسعار مرتفعة !!!



up 5 down 0
ميركوري2012 405
قبل 8 سنه و 2 شهر



يلبى الامارات عمي معه لاند كروزر 2002 جي اكس مافي ولا رش ولا سمكره وكاله نظافه ماشاء الله  اخذه ب 30 الف اشتراه 
قبل شهر
ايوا ثلاثين الف  كان بياخذ 2008 راعيه حاده 120 وعمي يبي 110 وهون جي اكس ار وكاله    والله شي يقهر
ويستخدمها هنا بلوح امارات مسجلها بسم واحد اماراتي 
نصيحه الي يبي موتر ويعرف احد هناك في الامارات ياخذله من هناك 


up 4 down 0
ابوعابد_1414 1201
قبل 8 سنه و 2 شهر



يا اخوان الي قاعد يصير بالسوق السعودي اجرام وحرام الي قاعد يصير تخيلوا معاي هايلكس 2000 يوصل 45 الف ددسن 96 بــ35 الف ريال باترول 92 بــ50 الف ريال بكرة اكسنت 98 بــ80 الف ريال هههههههههههههههههههههه

يا ناس وين عايشين ولله اني اقسمت على اني ماراح اشتري سيارة من هنا وماراح استغني عن الافيو تبعي لو استخدمة 10 سنوات لقدام لين الله يفرجها علي و اقدر اشتري سيارة 2010 من الامارات ولا قطر


up 2 down 0
بوخا 3560
قبل 8 سنه و 2 شهر



الأسعار عندنا خراااااااااااااااااااااافية وحصلوا خرفان تشتري وإلا سيارة راح من عمرها أكثر من عشر سنوات المفروض تفقد أقل شئ 65% من سعرها


up 2 down 0
nnmm 1414
قبل 8 سنه و 2 شهر



فيه سيارات تقدر تقول حقها فيها او سعرها مناسب مقارنه بشعبيتها لكن بالله كامري 2002 ذاك اليوم واحد ف المنتدى
على ذمته يقول تنسام بـ80 الف صاحي بالله ؟؟!! يخرب بيت ام النصب وشسالفه غسيل اموال ولا عقول بعض الناس مقفله
من عام 2002 الى 2013 كم سنه .. وآلله مارفع هالاسعار الا الشريطيه الله حسيبهم ثم بعض كبار العمر ماابي اقول المتخلفين
اللي يطق شاص بـ150 الف او اكثر وآخرتها عند النياق بالله لو انك مآخذ 2008 مستعمل وش يفرق عن 2012 ؟؟
ناس متخلفه قسم بالله وابو جميل صايدهم ومستانس عليهم هالسملق


up 1 down 1
الالنتراوي 5150
قبل 8 سنه و 2 شهر



يارجال حنا ماذبحنا غير (التايوت يمسك سعره) ولا (شيك بحسابك) المعروف ان سعر السيارة على حسب رغبة الناس لها ماهي على كيف الشريطي


up 1 down 0
المحترف 2012 2124
قبل 8 سنه و 2 شهر



وانت وش تبي به مادام هذا سعرة

روح لنيسان وربي انه اقوى

شوف جيوب نيسان اللي بالتسعينات وبالذات البترول باب واحد شوف لحد الان موجود ونظيف


up 2 down 0
histyria 572
قبل 8 سنه و 2 شهر



بلا طيب وكالته تجيب قطع لسياراته ..وتويوتا صنع وكاله ولم تصنع سياره .... لكن الفتره الاخير صار بها عيوب شنيعه ما تنترقع ...والسبب تغير المصانع خارج اليابان .تايلندي واسترالي .وامريكي


up 0 down 0
oo8m8oo 202
قبل 8 سنه