مشكلة حساس الشكمان

اما انك تغير الحساس او تلغي فيوز المبه والافضل تغيير حساس الشكمان

حبيبي خذ العلم مني 
فك الحساس ونظفه ببخاخ تنظيف الدارات الاكلترونيه من ساكو اي اي منظف زيه
 ورجعه وان شاء الله تطفي اللمبه *_^

ولا تحرمني من دعوتك 

جزاكم الله خير 
والله يبيض وجيهكم ما قصرتو

السياره امريكيه لازم تسوي لها برمجه عشان مستوي قرائه الكربون تختلف بين السعودي والامريكي

جزاك الله خير اخوي
بس وين اسوي برمجة 
وين المحلات الي تسويها
لان كان عندي الانوار تشتغل اول ما انزل البريك
قالو برمجة رحت كذا محل ولا فيه فايدة 
وبالاخير لقيت طريقة بالمنتدى وقطعت السلك الي للانوار النهارية 
الشاهد في السالفة افضل محل يسوي البرمجة

وين احصل السلك حق النور 

يطولي بعمرك مايحتاج تقص السلك او تقطع السلك لا ياالغالي انا جلست على الحال هذا 3 شهور وانا ادور الطريقه كيف اطفي النور اثان ما اغلقه باالكامل المهم حصلت لي فلبيني بصناعية العاصمة الي باالبديعه ياالغالي ولا يهنون الموجودين قلت له لو تفصله بس طبعن اتكلم على الامريكي افجي 2007 باقي السيارت مدري هو نفس الوضع او يختلف على العموم قال بفصله بدون قطع قلت كم قال 25 ريال قلت توكل على الله المهم حاول بكل جهده وانفصل بس انفصل بطريقه ثانيه اثناء ما اطفي النور مايطفي بس يكون شغال النور والاصطبات طافيه اروح ليد العصاء واكبس بالعالي ويطفي معي المهم شرحت الموضوع هذا لواحد قال خلني اجرب معه موديل 2008 وانا وربي واقف على راسه قال وين السلك قلت ابعد خلني اجرب قلت وانفصلته وش تعطيني من باب المداعبه قال ابشر باالعشاء ماصدقت خبر هههههههههههههه قبل نهايت الشهر طفارا قلت خلني اشوف والله واسحب الفيش ويطفي معه بدون مايسوي الي سويت الي عند الشمعه تحت على اليسار تشوفه واضح جدا تحت الشمعه من الداخل تقريبا المهم نجحت باالسياره 2008 والسبعه عن طريق العصاء لاني شبك عليها انوار زنون فصار عن طريق العصاء حقة النور اما الي ماركب انوار زنون اكيد تلقائي من السلك والله يوفق الجميع بما يحبه الله ويرضا ولا تحرموني من دعواتكم ياالغالين

كل الكلام الي قريتوه يعبر على نور الافجي الي باالشمعه مايطفي الي كون شغال طول النهار اثناء تشغيل السياره من باب التذكير ودمتم بخير

اما لمبة المكينه يالي تسئل اخوي هاذي زي ما ذكرو الاخوان تنظيف او غيره والاهم اشتره من وكالة الحساس مايقارب يمكن 130 ريال وقبل ماتركبه والافضليه لك تروح للصناعيه القديمه الي مخرج الدائري بعد الحراج ابن قاسم المهم اذا وصلت اهناك تجيك اشارة حقت الزجاج لف من عندها يمين تلاقي المحلات لقطع الغيار على يمينك وعلى يسارك اتوقع حق الشكمانات اشتر القطعه وبعدها رح لشكمانات واطلب منهم تركيب الحساس الجديد بعد ماينظفونه با الاسيد لجل يطرح الكربون وبعدها بيسون الي تبي وينظفونه ويركبونه ويجلس معك 3 سنوات بأذن الله الى 6 سنوات على حسب تجمع الكربون اتمنى اني افدتك ياالغالي لاني عانيت من هالبرمجه والمبات وغيره وبسئلك يمكن تفيدني الله يرضا عليك

اخواني افيدوني السلام عليكم ورحمه الله وبركاته كيف الحال للجميع اتمنى اذا احد فيكم مر بالطريقه هاذي يفيدني انا عندي لمبة الانزلاق مولعه وعجزت با افضل مبرمج يطفيها لي باالاخير اتضح يقولون بنسوي احنا نفك الحساسات كلها الي حول الكفر ونظفها وبعدين نرجع نركبها ونعطيها امر باالكمبيوتر وانشاء الله تنطفي قلت خلوها بيوم ثاني اجي طبعن الي مولعه المبه مانع الانزلاق وتحتها لمبتين والله ماقريتها لاني مو عارف وشهيله فما ادري اتوكل على الله وخليهم يسوون شغلهم او اني اصبر على ان مالها ضرر بس ياخي مزعجه اذا شفتها مولعه لاني سافرت وجيت ولا احلى منه مشاء الله تبارك الرحمان او اني اشتري حساسات جديده وافتك واركبها من جديد افيدوني ومشكورين

السلام عليكم ورحمه الله وبركاته اخوني مساء الخير شخباركم اليوم جايب لكم شغله يمكن ماتخطر على البال الي معه افجي سواء امريكي او سعودي او معه فوتشينر اليوم وانا اغير ربلات افجي من التشليح قابلت رجال صراحه ابهرني بكلامه عنده فوتشينر واذا قبل ما احكي لكم باالموضوع ذكرت لي هالسالفه اكثر من مره وانا متوكل على الله بكل شي يعني الحامي الله بس ياالانسان تبي تتفاداء الامور تفاداها قبل ما تطيح بشغله قويه وافعل السبب هو الافضل لجل ما اطول عليكم شفت مع الرجال قطعه بيده استغربت شكلها من باب القلافة سئلته قلت عسى مو كايد الشغله الي تبيها قال الا والله شغله قويه قلت وشهي قال فوتشينر عندي يقول عيدت اول يوم باالعيد وطلعت من بيت ابوي ورحت اتمشى ويا عيالي يقول مادريت الا صوت بالمكينه يقول وقفت السياره وبعدها خذيتها عند مهندس نعرفه سوري باالصناعيه القديمه وقالي هذا المسمار الي اغلبه با جيوب التيوتا الاكثر يعني سواء اريكي او سعودي هو مسامرين باالاساس يقول بس المطلوب على المسامر الواحد يقول انكسر جواء المكينه ويقول بدت السياره تفتف وطاح العزم ويقول طلعت لي شغالت كثيره طبعن السوري صديق ابوه ويعرفونه من زمان قال جب القطعه هاذي المهم الرجال راح لوين راح لي عبداللطيف وسعرها قيمتها ويشهد الله على كلام الرجال الي وصلني منه 4000 الالف ريال انجن الرجال وراح للضحيان ونفس سعر عبداللطيف المهم قابلته عند التشليح وخذاها قيمتها 700 ريال مستعمله ونظيفه مبين على القطعه وضمنها صاحب التشليح اسبوع بس فيا اخوان الي يبي يلحق على السياره يلحق وانا افكر اروح للعضيب لانهم بعد متخصصين باالامر هذا حبيت اذكر فأن الذكرى تنفع المؤمنين وشكرا لكم وانشاء الله اني افدتكم