أضف سؤال أو موضوع جديد          

الناس للناس والكل بالله وسيارتك خلها استخدام بطاعة الله

up 40 down 3
أنيق 17573
قبل 8 سنه و 11 شهر



السلام عليكم 
أمسي بالخير على المشرفين وإدارة المنتدى الله يسعدهم 
وأمسي على فلذت كبدي الاعضاء هههههههه متوصي فيكم أنا الي يشوفني يقول صاير أم الحين هههههه سامحوني على التنسيم يبيلي رقعه داخليه

موضوعي اليوم قاعد أكتبه ودموع القهر ههههه والحزن تقطر وتخرخر والله لو أني كارتير الزيت  *_* الله يعين

حبايبي حاولوا تخشون جو معاي في الماضي والحاضر 
زمان قبل تقريبا 15 سنه أو 20 سنه كانوا الناس غير زي ماقالوا &راحوا الطيبين & شفتوا كيف ؟ 
من صفاتهم الحلووه و يمكن 90% ماراح ترجع هالصفه أو الطبيعه 
تدرون وش هي 
( الفزعه ومساعدة الناس لبعضها ) 
هذي انتهت تقريبا 80% مختفيه 
لييش ؟ 
قبل زمان كانوا الناس يفزعون لبعضهم سواء فزعه معنويه أوماديه 
 
الوالده تحكي لي تقول زمان كانوا في القريه الناس الاغنياء كانوا يسلفون 
الفقراء ،، كانوا يفزعون لبعضهم  ويكرمون بعضهم 
واحد مسافر وصل دخلوه بيوتهم وضيفون وينامون عندهم ويعشونه 
واحد مديون يطلب سلف من الاغني يعطيه ويفزع له ومايقصر
معه 

والمتسلف يرجع السلفه احتراما ورد الجميل إلى الغني لأنه ساعده 
وكانت بهذا السبب بارك الله للأغنياء ورزقهم أضعاف مضاعفه 

حتى الوالده تقول لي كنت أشوف أقربائي مثل خالها كانوا زمان 
يحط فلوسه في خزان الماء الارضي أو البدروم من كثرها !! سبحان الله هذي من بركات مساعدة الناس الضعوف 

واحد ماشي في موتره ومبنشر ووقف ويأشر ويجيك الرجال يفزع له وينفخ له كفره أو يعطيه أستبنته مساعده للمزنوق يعني الي حصلت له المشكله 





الحين الوضع تغير 180 درجه العكككس تماما 
الفزعات والنخوه تعتبر من الرجوله والشهامه ،، الحين مافيييه كل واحد يقول نفسي نفسي طز في الناس 
تبنشر بخط ومعك أهلك ولا واحد يوقف لك ويساعدك 
تبي سلف ماحد يسلفك حتى الغني يقول أنقلع ما أقدر وهذي حصلت لي 

أنقاذ شخص في ضييقه ماعاد فيه كل يتشمت فيك ويضحك للأسف 

وأنا حاليا جالس أحاول أمسك عادات الاولين الشيبان والفزعات والشهامه 



قصه:-
مره جديت ماشي بموتر معاي حق الشايب المهم 
ولقيت واحد راعي جمس مبنشر وقاعد يمشي وجيت بأساعده عندي منفاخ كفر أنفخ له كفره
المهم قلت جنب أساعدك  جنننب 
المهم وأتقدمه وأوقف وأفتح الشنطه عشان أطلع المنفاخ 
إلا وهو عطاني ظهر الجمس حقه وراح جلست أشر له وقف يالاخوو أساعدك هههههه تكفى الشهامه والمرجله لاتردها ههههه مشى وخلاني للأسف 

الخلاصه :-
نتمنا نرجع مثل أول كلن يساعد الثاني ويفزع له ترى من الرجوله والشهامه وفوق هذا تكسب أجر من الله عظيم 



وحاول تستخدم موترك في سبل وطرق الخير ساعد الناس فيه أحمل شخص ماشي بالشمس 
وساعد الفقراء ود لهم طعام 

وأفعل واجبك بسيارتك وهو خدمة الوالدين وأجعلها وسيله للبر 
ومساعدة أخواتك وأخوانك بتلبية طلباتهم وأحتياجاتهم 
بدل ماتركب أختك مع سواق هندي معفن 
خلها تركب معك أنت أخوها 
فرحانه أن أخوها وصلها وتقعد تهايط على البنات وتقول شفتم سيارة أخوي أحسن منكم ههههههه


الخلاصه :-
السياره استخدمها في الخير و حاول ترجع لشهامتك وفزعاتك للناس المحتاجه نبي النخوه والشهامه يارجال كفوو والله *_^ 


شباب بغيت أحمل صور رمزيه حلوه للموضوع وصور لسيارات محبوبه لكن مايشتغل مركز التحميل
 أتمنى من الإداره تشوف المشكله وشاكر لهم مجهودهم الكريم


&أنيق&







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


^^^^ 

هلا والله بصديق الروووح المسلمي حيا الله الذيب ^_^


up 2 down 0
أنيق 17573
قبل 8 سنه و 11 شهر



, اما الحين والله لو تقعد عند الناس 
يوم واحد تضايقو منك عكس زمان 


مقتبس من رد خطاي الشوق 
صدقت زمان كان النفوس طيبه نجتمع الاقارب ببيت الخال كلنا ومحد يتضايق اما اليوم كل واحد في بيته 


up 0 down 0
أبو غاليه ... 770
قبل 8 سنه و 2 شهر